Library·Atharvavedaparisistas·51·51.2
दिवाकरश् चैव शनैश्चरस् तथा बृहस्पतिश् चैव बुधश् च नागराः । प्रजापतिः केतुर् अथापि चन्द्रमास् तथैव राहूशनसौ च यायिनः ॥
divākaraś caiva śanaiścaras tathā bṛhaspatiś caiva budhaś ca nāgarāḥ | prajāpatiḥ ketur athāpi candramās tathaiva rāhūśanasau ca yāyinaḥ ||
Sanskrit only: no published translation is held for this verse.
यदा ग्रहो नगर एव नागरं विजेष्यते याय्य् अथ वापि यायिनम् । तदा नृपो नागर एव नागरं विजेष्यते वाय्य् अथ वापि यायिनम् ॥
yadā graho nagara eva nāgaraṃ vijeṣyate yāyy atha vāpi yāyinam | tadā nṛpo nāgara eva nāgaraṃ vijeṣyate vāyy atha vāpi yāyinam ||
Sanskrit only: no published translation is held for this verse.
आरोहणं च भेदश् च लेखनं सव्यदक्षिणम् । रश्मिसंसर्जनं चैव ग्रहयुद्धं चतुर्विधम् ॥
ārohaṇaṃ ca bhedaś ca lekhanaṃ savyadakṣiṇam | raśmisaṃsarjanaṃ caiva grahayuddhaṃ caturvidham ||
Sanskrit only: no published translation is held for this verse.
प्रसव्ये विग्रहं ब्रूयात् संग्रामं रश्मिसंगमे । लेखने ऽमात्यपूडा स्याद् भेदने तु जनक्षयः ॥
prasavye vigrahaṃ brūyāt saṃgrāmaṃ raśmisaṃgame | lekhane 'mātyapūḍā syād bhedane tu janakṣayaḥ ||
Sanskrit only: no published translation is held for this verse.
सर्वेषां नभसि समागमे ग्रहाणाम् उक्तृष्टो भवति तथैव रश्मिवान् यः । स्निग्धत्वं भवति तु यस्य [स ग्रहो ग्रहेण] संयुक्तो भवति [तु यः] पराजयेत शेषः ॥
sarveṣāṃ nabhasi samāgame grahāṇām uktṛṣṭo bhavati tathaiva raśmivān yaḥ | snigdhatvaṃ bhavati tu yasya [sa graho graheṇa] saṃyukto bhavati [tu yaḥ] parājayeta śeṣaḥ ||
Sanskrit only: no published translation is held for this verse.