Atharvavedaparisistas 51.3

श्यामो वा व्यपगतरश्मिमण्डलो वा रूक्षो वा व्यपगतरश्मिवान् कृशो वा । आक्रान्तो विनिपतितस् ततो ऽपसव्यो विज्ञेयो हत इति स ग्रहो ग्रहेण ॥

śyāmo vā vyapagataraśmimaṇḍalo vā rūkṣo vā vyapagataraśmivān kṛśo vā | ākrānto vinipatitas tato 'pasavyo vijñeyo hata iti sa graho graheṇa ||

Sanskrit only: no published translation is held for this verse.

बुधश् च भौमः शनिभार्गवाङ्गिराः प्रदक्षिणं याति यदा निशाकरम् । अनमयत्वं त्रिषु सौख्यम् उत्तमं विपर्यये चापि महाञ् जनक्षयः ॥

budhaś ca bhaumaḥ śanibhārgavāṅgirāḥ pradakṣiṇaṃ yāti yadā niśākaram | anamayatvaṃ triṣu saukhyam uttamaṃ viparyaye cāpi mahāñ janakṣayaḥ ||

Sanskrit only: no published translation is held for this verse.

धनकनकरजतसंचयाश् च सर्वे शमदममन्त्रपराश् चये मनुष्याः । शकयवनतुखारबाल्हिकाश् च क्षयम् उपयान्ति दिवाकरस्य घाते ॥

dhanakanakarajatasaṃcayāś ca sarve śamadamamantraparāś caye manuṣyāḥ | śakayavanatukhārabālhikāś ca kṣayam upayānti divākarasya ghāte ||

Sanskrit only: no published translation is held for this verse.

अथ सोमे हते विद्याद् ध्र्वं राज्ञो विपर्ययः । संहरन्ति च भूतानि भूमिपालाः पृथक्पृथक् ॥

atha some hate vidyād dhrvaṃ rājño viparyayaḥ | saṃharanti ca bhūtāni bhūmipālāḥ pṛthakpṛthak ||

Sanskrit only: no published translation is held for this verse.

परस्परं विरुध्यन्ते क्षुद्भयं चापि दारुणाम् । अनावृष्टिभयं घोरं विद्यात् सोमविपर्यये ॥

parasparaṃ virudhyante kṣudbhayaṃ cāpi dāruṇām | anāvṛṣṭibhayaṃ ghoraṃ vidyāt somaviparyaye ||

Sanskrit only: no published translation is held for this verse.