Atharvavedaparisistas 51.4

त्रैगर्ताः क्षितिपतयः सयोधमुख्याः पीड्यन्ते गिरिनिलयाग्निजीविनश् च । संग्रामाः सरुधिरपांसुवर्षमिश्रा दुर्भिक्षं भवति धरासुतस्य घाते ॥

traigartāḥ kṣitipatayaḥ sayodhamukhyāḥ pīḍyante girinilayāgnijīvinaś ca | saṃgrāmāḥ sarudhirapāṃsuvarṣamiśrā durbhikṣaṃ bhavati dharāsutasya ghāte ||

Sanskrit only: no published translation is held for this verse.

सागरनिलयाः पौराः क्षयम् उपयान्ति नरा वणिक्प्रधानाः । भवति तु [राजा] विजयी प्रयायी बुधबन्धने प्रपतन्ति चात्र सोभ्याः ॥

sāgaranilayāḥ paurāḥ kṣayam upayānti narā vaṇikpradhānāḥ | bhavati tu [rājā] vijayī prayāyī budhabandhane prapatanti cātra sobhyāḥ ||

Sanskrit only: no published translation is held for this verse.

दैवज्ञास् तपसि चिरं सुनिश्चितार्थाः स्युर् दान्ता नृपतिगणः पुरोहिताश् च । आगन्तुर् जयति वधश् च नागराणां त्रैलोक्यम् <च> भयम् उपैति गुरोस् तु घाते ॥

daivajñās tapasi ciraṃ suniścitārthāḥ syur dāntā nṛpatigaṇaḥ purohitāś ca | āgantur jayati vadhaś ca nāgarāṇāṃ trailokyam <ca> bhayam upaiti guros tu ghāte ||

Sanskrit only: no published translation is held for this verse.

यो राजा प्रथितपराक्रमः पृथिव्यां वङ्गाङ्गादिषु मदधाः सशूरसेनाः । ये योधाः समरणभुमिलब्धशब्दास् ते सैन्यैः क्षयम् उपयान्ति शुक्रघाते ॥

yo rājā prathitaparākramaḥ pṛthivyāṃ vaṅgāṅgādiṣu madadhāḥ saśūrasenāḥ | ye yodhāḥ samaraṇabhumilabdhaśabdās te sainyaiḥ kṣayam upayānti śukraghāte ||

Sanskrit only: no published translation is held for this verse.

महिषकवृषभाः सभस्मपौण्ड्राः कृषिपशुपाल्यरताश् च ये मनुष्याः । विविधभयसमाहितास् तु सर्वे क्षयम् उपयान्ति शनैश्चरस्य घाते ॥

mahiṣakavṛṣabhāḥ sabhasmapauṇḍrāḥ kṛṣipaśupālyaratāś ca ye manuṣyāḥ | vividhabhayasamāhitās tu sarve kṣayam upayānti śanaiścarasya ghāte ||

Sanskrit only: no published translation is held for this verse.