Library·Atharvavedaparisistas·51·51.5
ये के चिन् नृपतिषु दाम्भिकाः पिशाचाः कार्याणां व्रतनियमेषु छन्नपापाः । ये चान्ये शबरपुलिन्दचेदिगाधा बाध्यन्ते यदि भवते ऽत्र राहुघातः ॥
ye ke cin nṛpatiṣu dāmbhikāḥ piśācāḥ kāryāṇāṃ vrataniyameṣu channapāpāḥ | ye cānye śabarapulindacedigādhā bādhyante yadi bhavate 'tra rāhughātaḥ ||
Sanskrit only: no published translation is held for this verse.
आक्रान्तं समनुभवन्ति यायिसंघा वध्यन्ते यदि भवते [परस्] परो ऽहिघातः । संग्रामाः सरुधिरपांसुवर्षमिश्र दुर्भिक्षं भवति तु केतुपीडनेन ॥
ākrāntaṃ samanubhavanti yāyisaṃghā vadhyante yadi bhavate [paras] paro 'highātaḥ | saṃgrāmāḥ sarudhirapāṃsuvarṣamiśra durbhikṣaṃ bhavati tu ketupīḍanena ||
Sanskrit only: no published translation is held for this verse.
यत् किं चिद् दिविगतम् अन्तरिक्षजं वा भौमं वा भवति निमित्तम् अप्रशस्तम् । तत् सवं स्तनितमहाभ्रबिद्युद्वर्षैः शान्तं स्याद् भवति सदक्षिणैश् च होमैः ॥
yat kiṃ cid divigatam antarikṣajaṃ vā bhaumaṃ vā bhavati nimittam apraśastam | tat savaṃ stanitamahābhrabidyudvarṣaiḥ śāntaṃ syād bhavati sadakṣiṇaiś ca homaiḥ ||
Sanskrit only: no published translation is held for this verse.
ये देशा ग्रहगणभिन्नभूमिकम्पा येषां वा ग्रह उपयातचन्द्रसूर्यः । तान् देशान् [ग्रहगणभिन्नभुमिकम्पान्] पर्जन्यः शमयति सप्तरात्रवृष्ट्या ॥
ye deśā grahagaṇabhinnabhūmikampā yeṣāṃ vā graha upayātacandrasūryaḥ | tān deśān [grahagaṇabhinnabhumikampān] parjanyaḥ śamayati saptarātravṛṣṭyā ||
Sanskrit only: no published translation is held for this verse.
प्रसव्यस् त्रिषु मासेषु संसर्गो मासिकः स्मृतः । लेखने पक्ष इत्य् आहुर् भेदने सप्तरात्रिकम् ॥
prasavyas triṣu māseṣu saṃsargo māsikaḥ smṛtaḥ | lekhane pakṣa ity āhur bhedane saptarātrikam ||
Sanskrit only: no published translation is held for this verse.
आग्नेया वासवाश् चैव वायव्या वारुणास् तथा । सर्व एव शुभा ज्ञेया गर्गस्य वचनं यथा ॥
āgneyā vāsavāś caiva vāyavyā vāruṇās tathā | sarva eva śubhā jñeyā gargasya vacanaṃ yathā ||
Sanskrit only: no published translation is held for this verse.