Atharvavedaparisistas 52.12

वायव्यश् चैव सौम्यश् च ब्राह्मश् चैवाष्टमो ग्रहः । नवमश् चैव विज्ञेयो धूमकेतुर् महाग्रहः ॥

vāyavyaś caiva saumyaś ca brāhmaś caivāṣṭamo grahaḥ | navamaś caiva vijñeyo dhūmaketur mahāgrahaḥ ||

Sanskrit only: no published translation is held for this verse.

युगग्रहा न चान्ये ते तत्राष्टौ दिग्ग्रहाः स्मृताः । सनक्षत्रेषु मार्गेषु दृश्यन्ते तु युगग्रहाः ॥

yugagrahā na cānye te tatrāṣṭau diggrahāḥ smṛtāḥ | sanakṣatreṣu mārgeṣu dṛśyante tu yugagrahāḥ ||

Sanskrit only: no published translation is held for this verse.

विभ्रान्तमण्डलाः शेषा दृश्यन्ते खचरा ग्रहः । मृत्योर् निश्वासजाश् चान्ये ज्ञेयाः षोडश केतवः ॥

vibhrāntamaṇḍalāḥ śeṣā dṛśyante khacarā grahaḥ | mṛtyor niśvāsajāś cānye jñeyāḥ ṣoḍaśa ketavaḥ ||

Sanskrit only: no published translation is held for this verse.

कूष्माण्डवद् विसंछन्नस् त्रिणवा दक्षिणे पथि । एकादशैव विज्ञेया द्वादशादित्यसंभवाः ॥

kūṣmāṇḍavad visaṃchannas triṇavā dakṣiṇe pathi | ekādaśaiva vijñeyā dvādaśādityasaṃbhavāḥ ||

Sanskrit only: no published translation is held for this verse.

सूर्यवर्चनिरीक्षास् ते तेजोधातुमया ग्रहाः । दक्षयज्ञे तु रुद्रस्य क्रोधाद् अन्ये तु निःसृताः ॥

sūryavarcanirīkṣās te tejodhātumayā grahāḥ | dakṣayajñe tu rudrasya krodhād anye tu niḥsṛtāḥ ||

Sanskrit only: no published translation is held for this verse.