प्रजापतेश् च धर्मस्य सोमस्य वरुणस्य च । पीताद्याश् च दिशां पुत्रा विज्ञेया मृदुदारुणाः ॥
prajāpateś ca dharmasya somasya varuṇasya ca | pītādyāś ca diśāṃ putrā vijñeyā mṛdudāruṇāḥ ||
Sanskrit only: no published translation is held for this verse.
Library·Atharvavedaparisistas·52·52.16
Atharvavedaparisistas 52.16
कश्यपस्य च मरीचेर् उद्दालकऋषेस् तथा । पुत्रा मन्दफला ज्ञेयास् तेषाम् अमृतसंभवाः ॥
kaśyapasya ca marīcer uddālakaṛṣes tathā | putrā mandaphalā jñeyās teṣām amṛtasaṃbhavāḥ ||
Sanskrit only: no published translation is held for this verse.
शुक्रादीनां च ये पुत्रा ग्रहाणां परिकीर्तिताः । तेषां वीर्याणि जानियात् पितृभ्यः साधिकानि तु ॥
śukrādīnāṃ ca ye putrā grahāṇāṃ parikīrtitāḥ | teṣāṃ vīryāṇi jāniyāt pitṛbhyaḥ sādhikāni tu ||
Sanskrit only: no published translation is held for this verse.
नारदात्रेयगर्गाणां गुरोर् उशनसस् तथा । ग्रहाणां संग्रहो ह्य् एवम् एष कार्त्स्न्येन कीर्तितः ॥
nāradātreyagargāṇāṃ guror uśanasas tathā | grahāṇāṃ saṃgraho hy evam eṣa kārtsnyena kīrtitaḥ ||
Sanskrit only: no published translation is held for this verse.
अनेकशतसाहस्र अनेकशतलक्षणः । देवलब्धवराकाशे प्राह सर्वान् पृथक्पृथक् ॥
anekaśatasāhasra anekaśatalakṣaṇaḥ | devalabdhavarākāśe prāha sarvān pṛthakpṛthak ||
Sanskrit only: no published translation is held for this verse.
एतदुत्थे तु सर्वस्मिन् भये ऽथ समुपस्थिते । महाशान्तिं प्रकुर्वीत राजा राष्ट्रस्य रक्षणे ॥
etadutthe tu sarvasmin bhaye 'tha samupasthite | mahāśāntiṃ prakurvīta rājā rāṣṭrasya rakṣaṇe ||
Sanskrit only: no published translation is held for this verse.
तत् प्रयाति शमं सर्वं प्रजानां तु सुखं भवेत् । राजानो मुदितास् तत्र पालयन्ति वसुंधराम् ॥
tat prayāti śamaṃ sarvaṃ prajānāṃ tu sukhaṃ bhavet | rājāno muditās tatra pālayanti vasuṃdharām ||
Sanskrit only: no published translation is held for this verse.