Atharvavedaparisistas 52.5

मुण्डताराः कबन्धाभा रुक्मकेशाश् च रश्मयः । कालपुत्राः कबन्धास् ते स्मृताः षण्णवतिर् ग्रहाः ॥

muṇḍatārāḥ kabandhābhā rukmakeśāś ca raśmayaḥ | kālaputrāḥ kabandhās te smṛtāḥ ṣaṇṇavatir grahāḥ ||

Sanskrit only: no published translation is held for this verse.

अर्चिष्मांश् च प्रभासश् च रोमशो विषमांस् तथा । अस्निग्धाश् चातिकायाश् च किंशुको राजसायकः ॥

arciṣmāṃś ca prabhāsaś ca romaśo viṣamāṃs tathā | asnigdhāś cātikāyāś ca kiṃśuko rājasāyakaḥ ||

Sanskrit only: no published translation is held for this verse.

ऋषकैश् चैव राधातः कुमुदः फनको घनः । एषाम् अश्वेति विज्ञेया आरास् तु परिसर्पकाः ॥

ṛṣakaiś caiva rādhātaḥ kumudaḥ phanako ghanaḥ | eṣām aśveti vijñeyā ārās tu parisarpakāḥ ||

Sanskrit only: no published translation is held for this verse.

नक्षत्रचारिणो ह्य् एते भृगुपुत्रा महाबलाः । पाण्डुराभिः सुदीर्घाभिः शिखाभिः शीतरश्मयः ॥

nakṣatracāriṇo hy ete bhṛguputrā mahābalāḥ | pāṇḍurābhiḥ sudīrghābhiḥ śikhābhiḥ śītaraśmayaḥ ||

Sanskrit only: no published translation is held for this verse.

अतिसंतानकाश् त्व् अन्ये षष्टिर् वायोः सुता ग्रहाः । विकेसराः प्रकाशन्ते कृष्णलोहितरश्मयः ॥

atisaṃtānakāś tv anye ṣaṣṭir vāyoḥ sutā grahāḥ | vikesarāḥ prakāśante kṛṣṇalohitaraśmayaḥ ||

Sanskrit only: no published translation is held for this verse.