Atharvavedaparisistas 52.7

ब्रह्मराशेस् तु ते पुत्रा ग्रहाः संतानसंस्थिताः । संचरन्ति नभः सर्वम् उत्पन्ने पुरुषक्षये ॥

brahmarāśes tu te putrā grahāḥ saṃtānasaṃsthitāḥ | saṃcaranti nabhaḥ sarvam utpanne puruṣakṣaye ||

Sanskrit only: no published translation is held for this verse.

अणवो लोहितास् त्व् अन्ये प्रकाशन्ते ऽधिकेशकाः । पञ्चषष्टिस् तु ते ज्ञेयाः प्राजापत्या ग्रहाः स्मृताः ॥

aṇavo lohitās tv anye prakāśante 'dhikeśakāḥ | pañcaṣaṣṭis tu te jñeyāḥ prājāpatyā grahāḥ smṛtāḥ ||

Sanskrit only: no published translation is held for this verse.

परिवेषेषु जातेषु ग्रहाणां मण्डलेषु च । दृश्यन्ते कार्मुका नाम सप्तत्येका समाः स्मृताः ॥

pariveṣeṣu jāteṣu grahāṇāṃ maṇḍaleṣu ca | dṛśyante kārmukā nāma saptatyekā samāḥ smṛtāḥ ||

Sanskrit only: no published translation is held for this verse.

अधर्मसंभवास् त्व् अन्ये चतुर्दश परिक्रमाः । अधःशिखाः प्रकाशन्ते विवर्णा घोरतारकाः ॥

adharmasaṃbhavās tv anye caturdaśa parikramāḥ | adhaḥśikhāḥ prakāśante vivarṇā ghoratārakāḥ ||

Sanskrit only: no published translation is held for this verse.

कर्णछिद्रप्रातीकाशाः कृष्णास् ते तारकाकृतौ । कीलका राहुपुत्रास् तु चन्द्रसूर्यतलाश्रयाः ॥

karṇachidraprātīkāśāḥ kṛṣṇās te tārakākṛtau | kīlakā rāhuputrās tu candrasūryatalāśrayāḥ ||

Sanskrit only: no published translation is held for this verse.