दक्षिणापरतश् चापि पीतरक्तौ ग्रहौ स्मृतौ । उत्तरापरतस् त्व् एकः पीतरक्तो ग्रहः स्मृतः ॥
dakṣiṇāparataś cāpi pītaraktau grahau smṛtau | uttarāparatas tv ekaḥ pītarakto grahaḥ smṛtaḥ ||
Sanskrit only: no published translation is held for this verse.
Library·Atharvavedaparisistas·52·52.9
Atharvavedaparisistas 52.9
ऐशान्यां श्वेतरक्ताभ एकस् तिष्ठति सूर्यकः । यः संधिवेलास्व् अर्काभो दिक्षु सर्वासु दृश्यते ॥
aiśānyāṃ śvetaraktābha ekas tiṣṭhati sūryakaḥ | yaḥ saṃdhivelāsv arkābho dikṣu sarvāsu dṛśyate ||
Sanskrit only: no published translation is held for this verse.
नातिदूरे रवेः स्निग्धः स वर्षायाभयाय च । यवक्रीतोषरैभ्याश् च नारदः सर्वतस् तथा ॥
nātidūre raveḥ snigdhaḥ sa varṣāyābhayāya ca | yavakrītoṣaraibhyāś ca nāradaḥ sarvatas tathā ||
Sanskrit only: no published translation is held for this verse.
कर्णश् च रैभ्यस्य पुत्रौ चार्वावसुपरावसू । सप्तैते स्थावरा ज्ञेयाः सह सूर्येण सर्पिणः ॥
karṇaś ca raibhyasya putrau cārvāvasuparāvasū | saptaite sthāvarā jñeyāḥ saha sūryeṇa sarpiṇaḥ ||
Sanskrit only: no published translation is held for this verse.
स्थावराणां नरेन्द्राणां प्राच्यानां पक्षम् आश्रिताः । स्वस्त्यात्रेयो मृगव्याध ऋमुचुः प्रमृचुस् तथा ॥
sthāvarāṇāṃ narendrāṇāṃ prācyānāṃ pakṣam āśritāḥ | svastyātreyo mṛgavyādha ṛmucuḥ pramṛcus tathā ||
Sanskrit only: no published translation is held for this verse.