Atharvavedaparisistas 54

ॐ भार्गवस् तु पुरोवाच महर्षीन् भगवान् ऋषिः । केतुसंचारं शृणुत उत्थानं चैव यादृशम् ॥

oṃ bhārgavas tu purovāca maharṣīn bhagavān ṛṣiḥ | ketusaṃcāraṃ śṛṇuta utthānaṃ caiva yādṛśam ||

Sanskrit only: no published translation is held for this verse.

निमित्तनि च वक्ष्यामितस्योक्तानि हि यानि तु । तानि सर्वाणि जानियाद् उत्पातज्ञानकोविदः ॥

nimittani ca vakṣyāmitasyoktāni hi yāni tu | tāni sarvāṇi jāniyād utpātajñānakovidaḥ ||

Sanskrit only: no published translation is held for this verse.

विप्राञ् श्वेताकृतिर् हन्ति क्षत्रियान् हन्ति लोहितः । वैश्यांस् तु पीतको हन्ति शूद्रान् हन्ति तथासितः ॥

viprāñ śvetākṛtir hanti kṣatriyān hanti lohitaḥ | vaiśyāṃs tu pītako hanti śūdrān hanti tathāsitaḥ ||

Sanskrit only: no published translation is held for this verse.

इतरान् पीडयेत् केतुर् अन्यवर्णो यदा भवेत् । षण्मासाभ्यन्तरे राज्ञो मरणं च तदादिशेत् ॥

itarān pīḍayet ketur anyavarṇo yadā bhavet | ṣaṇmāsābhyantare rājño maraṇaṃ ca tadādiśet ||

Sanskrit only: no published translation is held for this verse.

श्वेतः शस्त्राकुलं कुर्याल् लोहितस् त्व् अग्नितो भयम्। क्षुद्भयं पीतकः कुर्यात् कृष्णो रोगम् अथोल्बणम् ॥

śvetaḥ śastrākulaṃ kuryāl lohitas tv agnito bhayam. kṣudbhayaṃ pītakaḥ kuryāt kṛṣṇo rogam atholbaṇam ||

Sanskrit only: no published translation is held for this verse.

यस्मिन् देशे शिरस् तस्य स देशः पीड्यते भृशम् । मध्ये तु मध्यमा पीडा यतो पुच्छं ततो जयः ॥

yasmin deśe śiras tasya sa deśaḥ pīḍyate bhṛśam | madhye tu madhyamā pīḍā yato pucchaṃ tato jayaḥ ||

Sanskrit only: no published translation is held for this verse.

शक्त्याकारो ऽतिनाशाय दुःखाय मुसलाकृतिः । दीर्घः सूक्ष्मः सुखायैव ह्रस्वः स्थूलो विनाशकृत् ॥

śaktyākāro 'tināśāya duḥkhāya musalākṛtiḥ | dīrghaḥ sūkṣmaḥ sukhāyaiva hrasvaḥ sthūlo vināśakṛt ||

Sanskrit only: no published translation is held for this verse.

उत्थानं चैव केतूनां विनाशायैव हि स्मृतम् । तस्माद् आथर्वणैर् मन्त्रैः शमनम् आरयेद् बुधः ॥

utthānaṃ caiva ketūnāṃ vināśāyaiva hi smṛtam | tasmād ātharvaṇair mantraiḥ śamanam ārayed budhaḥ ||

Sanskrit only: no published translation is held for this verse.

माहेन्द्रून् अनृतान् रय्द्रून् वौश्वदेवीम् अथापि वा । उत्पातेषु महाशान्तिं कारयेद् बहुदक्षिणाम् ॥

māhendrūn anṛtān raydrūn vauśvadevīm athāpi vā | utpāteṣu mahāśāntiṃ kārayed bahudakṣiṇām ||

Sanskrit only: no published translation is held for this verse.

आराधिताः शमं यान्ति तदुत्पाता न संशयः । होमैर् जप्यैश् च विविधैर् दानैश् चबहुरूपकैः ॥

ārādhitāḥ śamaṃ yānti tadutpātā na saṃśayaḥ | homair japyaiś ca vividhair dānaiś cabahurūpakaiḥ ||

Sanskrit only: no published translation is held for this verse.

तस्य यत्र शिरो देशे तत उत्थाय वाव्रजेत् । धनं वा सर्वम् उत्सृज्य मृत्योर् मुच्येता वा न वा ॥

tasya yatra śiro deśe tata utthāya vāvrajet | dhanaṃ vā sarvam utsṛjya mṛtyor mucyetā vā na vā ||

Sanskrit only: no published translation is held for this verse.

दत्त्वा वा पृथिवीं सर्वां राजा शान्तिं नियच्छति ॥

dattvā vā pṛthivīṃ sarvāṃ rājā śāntiṃ niyacchati ||

Sanskrit only: no published translation is held for this verse.