Atharvavedaparisistas 55.5

चैत्रवैशाखयोर् मध्ये कौबेरांस् तु विनिर्दिशेत् । तेषां चैव तु कर्माणि लक्षणैः शृणु यादृशैः ॥

caitravaiśākhayor madhye kauberāṃs tu vinirdiśet | teṣāṃ caiva tu karmāṇi lakṣaṇaiḥ śṛṇu yādṛśaiḥ ||

Sanskrit only: no published translation is held for this verse.

उच्छ्रितैर् ध्वजवेदीभिर् उच्छ्रितैर् ध्वजतोरणैः । हविर्धूमाकुला तत्र दृश्यते वसुधा तदा ॥

ucchritair dhvajavedībhir ucchritair dhvajatoraṇaiḥ | havirdhūmākulā tatra dṛśyate vasudhā tadā ||

Sanskrit only: no published translation is held for this verse.

त्रिविष्टपं समापन्नस् तदा शक्रो महीपतिः । एवं प्रज्ञास् तु मन्यन्ते कुबेरे ग्रहम् आगते ॥

triviṣṭapaṃ samāpannas tadā śakro mahīpatiḥ | evaṃ prajñās tu manyante kubere graham āgate ||

Sanskrit only: no published translation is held for this verse.

उदये तु कुबेराणाम् एतद् भवति लक्षणम् ॥

udaye tu kuberāṇām etad bhavati lakṣaṇam ||

Sanskrit only: no published translation is held for this verse.