Library·Atharvavedaparisistas·57·57.1
विशाखे कृत्तिकाः पुष्यः पूर्वौ प्रोष्ठपदौ तथा । भरण्यश् च मघाश् चैव फल्गुन्यौ प्रथमे तथा ॥
viśākhe kṛttikāḥ puṣyaḥ pūrvau proṣṭhapadau tathā | bharaṇyaś ca maghāś caiva phalgunyau prathame tathā ||
Sanskrit only: no published translation is held for this verse.
यद्य् अत्र चलते भूमिर् निर्घातोल्कास्त एव वा । अशरीराश् च नर्दन्ते कम्पन्ते दैवतानि च ॥
yady atra calate bhūmir nirghātolkāsta eva vā | aśarīrāś ca nardante kampante daivatāni ca ||
Sanskrit only: no published translation is held for this verse.
आदित्यो वात्र गृह्येत सोमो वाप्य् उपरज्यते । आग्नेयं तद् विजानीयाद् दुर्भिक्षं चात्र निर्दिशेत् ॥
ādityo vātra gṛhyeta somo vāpy uparajyate | āgneyaṃ tad vijānīyād durbhikṣaṃ cātra nirdiśet ||
Sanskrit only: no published translation is held for this verse.
अल्पक्षीरास् तथा गावो अग्नेर् व्याधिश् च जायते । पुराणि देशा ग्रामाश् च पीड्यन्ते ह्य् अग्निना तदा ॥
alpakṣīrās tathā gāvo agner vyādhiś ca jāyate | purāṇi deśā grāmāś ca pīḍyante hy agninā tadā ||
Sanskrit only: no published translation is held for this verse.
पीड्यन्ते चाग्निकर्माणो अग्निवेशाश् च ये नराः । पित्तज्वरस् तथा श्वासह प्रजाः पीडयते तदा ॥
pīḍyante cāgnikarmāṇo agniveśāś ca ye narāḥ | pittajvaras tathā śvāsaha prajāḥ pīḍayate tadā ||
Sanskrit only: no published translation is held for this verse.
अक्षिरोगास् तथा घोराः पुरुषाणां विशेषतः । आपगाश् चात्र शुष्यन्ति न च सस्यवती मही ॥
akṣirogās tathā ghorāḥ puruṣāṇāṃ viśeṣataḥ | āpagāś cātra śuṣyanti na ca sasyavatī mahī ||
Sanskrit only: no published translation is held for this verse.
तप्यते च तदा भूमिर् न च देवो ऽभिवर्षति । नीललोहितपर्यक्ता अफलाः पादपास् तथा ॥
tapyate ca tadā bhūmir na ca devo 'bhivarṣati | nīlalohitaparyaktā aphalāḥ pādapās tathā ||
Sanskrit only: no published translation is held for this verse.
दुर्भिक्षं मरको व्याधिः परचक्रभयं तथा । एतै रूपैस् तु विज्ञेयम् आग्नेयं चलदर्शनम् ॥
durbhikṣaṃ marako vyādhiḥ paracakrabhayaṃ tathā | etai rūpais tu vijñeyam āgneyaṃ caladarśanam ||
Sanskrit only: no published translation is held for this verse.