Library·Atharvavedaparisistas·57·57.2
हस्तो ऽश्विन्यौ तथा चित्रा ऋक्षम् अर्यमदैवतम् । ब्राह्मं मृगशिरः स्वातिर् वायव्यं मण्डलं स्मृतम् ॥
hasto 'śvinyau tathā citrā ṛkṣam aryamadaivatam | brāhmaṃ mṛgaśiraḥ svātir vāyavyaṃ maṇḍalaṃ smṛtam ||
Sanskrit only: no published translation is held for this verse.
यद्य् अत्र चलते भूमिर् निर्घातोल्कास्त एव वा । अशरीराश् च नर्दन्ते कम्पन्ते दैवतानि च ॥
yady atra calate bhūmir nirghātolkāsta eva vā | aśarīrāś ca nardante kampante daivatāni ca ||
Sanskrit only: no published translation is held for this verse.
आदित्यो वात्र गृह्येत सोमो वाप्य् उपरज्यते । वायव्यं तद् विजानीयाद् अक्षेमं चात्र निर्दिशेत् ॥
ādityo vātra gṛhyeta somo vāpy uparajyate | vāyavyaṃ tad vijānīyād akṣemaṃ cātra nirdiśet ||
Sanskrit only: no published translation is held for this verse.
पांसुवर्षं तदा घोरं क्षीरे सर्पिर् न विद्यते । प्रासादतोरणादीनि प्रपतन्ति महीतले ॥
pāṃsuvarṣaṃ tadā ghoraṃ kṣīre sarpir na vidyate | prāsādatoraṇādīni prapatanti mahītale ||
Sanskrit only: no published translation is held for this verse.
मद्रका यवनाश् चैव शकाः काम्बोजबाल्हिकाः । गन्धाराश् च विनश्यन्ति एतैः सार्धं तथा किल ॥
madrakā yavanāś caiva śakāḥ kāmbojabālhikāḥ | gandhārāś ca vinaśyanti etaiḥ sārdhaṃ tathā kila ||
Sanskrit only: no published translation is held for this verse.
गजा वाजिन उष्ट्राश् च वृका नकुलचेटकाः । पीड्यन्ते व्याधिना सर्वे ये च शस्त्रोपजीविनः ॥
gajā vājina uṣṭrāś ca vṛkā nakulaceṭakāḥ | pīḍyante vyādhinā sarve ye ca śastropajīvinaḥ ||
Sanskrit only: no published translation is held for this verse.
पुरे श्रेष्ठा विनश्यन्ति गणेषु गुणसंमिताः । गृहाणि रमणीयानि विशीर्यन्ते च सर्वशः ॥
pure śreṣṭhā vinaśyanti gaṇeṣu guṇasaṃmitāḥ | gṛhāṇi ramaṇīyāni viśīryante ca sarvaśaḥ ||
Sanskrit only: no published translation is held for this verse.
आयासश् चोल्बणस् तत्र शस्त्रभ्रामः समन्ततः । एतै रूपैस् तु विज्ञेयं वायव्यं चलदर्शनम् ॥
āyāsaś colbaṇas tatra śastrabhrāmaḥ samantataḥ | etai rūpais tu vijñeyaṃ vāyavyaṃ caladarśanam ||
Sanskrit only: no published translation is held for this verse.