आर्द्राश्लेषास् तथा मूलन् पूर्वाषाढास् तथैव च । वारुणं रेवती चैव सूर्यदैवत्यम् एव च ॥
ārdrāśleṣās tathā mūlan pūrvāṣāḍhās tathaiva ca | vāruṇaṃ revatī caiva sūryadaivatyam eva ca ||
Sanskrit only: no published translation is held for this verse.
Library·Atharvavedaparisistas·57·57.3
Atharvavedaparisistas 57.3
यद्य् अत्र चलते भूमिर् निर्घातोल्कास्त एव वा । अशरीराश् च नर्दन्ते कम्पन्ते दैवतानि च ॥
yady atra calate bhūmir nirghātolkāsta eva vā | aśarīrāś ca nardante kampante daivatāni ca ||
Sanskrit only: no published translation is held for this verse.
आदित्यो वात्र गृह्येत सोमो वाप्य् उपरज्यते । वारुणं तद् विजानीयात् सुभिक्षं चात्र निर्दिशेत् ॥
ādityo vātra gṛhyeta somo vāpy uparajyate | vāruṇaṃ tad vijānīyāt subhikṣaṃ cātra nirdiśet ||
Sanskrit only: no published translation is held for this verse.
बहुक्षीरास् तथा गावो नागाश् च फलिनस् तथा । शान्तारयः प्रजाः सर्वा गोमिनो जङ्गलं पयः ॥
bahukṣīrās tathā gāvo nāgāś ca phalinas tathā | śāntārayaḥ prajāḥ sarvā gomino jaṅgalaṃ payaḥ ||
Sanskrit only: no published translation is held for this verse.
जलोपजीविनः सर्वे प्राप्नुवन्त्य् ऋद्धिम् उत्तमाम् । खेचराश् चात्र दृश्यन्ते स्निग्धवर्णाः समन्ततः ॥
jalopajīvinaḥ sarve prāpnuvanty ṛddhim uttamām | khecarāś cātra dṛśyante snigdhavarṇāḥ samantataḥ ||
Sanskrit only: no published translation is held for this verse.
न्यस्तशस्त्राश् च राजानो ब्रह्मक्षत्रं च वर्धते । एतै रूपैस् तु विज्ञेयं वारुणं चलदर्शनम् ॥
nyastaśastrāś ca rājāno brahmakṣatraṃ ca vardhate | etai rūpais tu vijñeyaṃ vāruṇaṃ caladarśanam ||
Sanskrit only: no published translation is held for this verse.