Atharvavedaparisistas 57.4

ज्येष्ठानुराधा श्रवणः श्रविष्ठाश् च पुनर्वसू । प्राजापत्यम् आषाढाश् च माहेन्द्रं मण्डलं स्मृतम् ॥

jyeṣṭhānurādhā śravaṇaḥ śraviṣṭhāś ca punarvasū | prājāpatyam āṣāḍhāś ca māhendraṃ maṇḍalaṃ smṛtam ||

Sanskrit only: no published translation is held for this verse.

यद्य् अत्र चलते भूमिर् निर्घातोल्कास्त एव वा । अशरीराश् च नर्दन्ते कम्पन्ते दैवतानि च ॥

yady atra calate bhūmir nirghātolkāsta eva vā | aśarīrāś ca nardante kampante daivatāni ca ||

Sanskrit only: no published translation is held for this verse.

आदित्यो वात्र गृह्येत सोमो वाप्य् उपरज्यते । माहेन्द्रं तद् विजानीयात् सुक्षेमं चात्र निर्दिशेत् ॥

ādityo vātra gṛhyeta somo vāpy uparajyate | māhendraṃ tad vijānīyāt sukṣemaṃ cātra nirdiśet ||

Sanskrit only: no published translation is held for this verse.

गावः समग्रवत्साश् च स्त्रियः पुत्रसमन्विताः । कीटा व्याला म्रियन्ते च ये चान्ये स्वेदजन्तवः ॥

gāvaḥ samagravatsāś ca striyaḥ putrasamanvitāḥ | kīṭā vyālā mriyante ca ye cānye svedajantavaḥ ||

Sanskrit only: no published translation is held for this verse.

वेदाध्ययनयज्ञेषु ब्राह्मणा निरताः सदा । विट्क्षत्रियाः स्वकर्माणः शूद्राः शुश्रूषकारकाः ॥

vedādhyayanayajñeṣu brāhmaṇā niratāḥ sadā | viṭkṣatriyāḥ svakarmāṇaḥ śūdrāḥ śuśrūṣakārakāḥ ||

Sanskrit only: no published translation is held for this verse.

विंशतिशतं त्व् आग्नेयं वायव्यं नवतिं चलेत् । अशीतिं चलते त्व् ऐन्द्रं वारुणं सप्ततिं चलेत् ॥

viṃśatiśataṃ tv āgneyaṃ vāyavyaṃ navatiṃ calet | aśītiṃ calate tv aindraṃ vāruṇaṃ saptatiṃ calet ||

Sanskrit only: no published translation is held for this verse.

आग्नेयो भूमिकम्पो यः स द्विमासाद् विपच्यते । वारुणस् तु फलं सद्यो वायव्यस् तु त्रिमासिकः ॥ माहेन्द्रस्य फलं विद्यान् मासम् अर्धं तथैव च ॥

āgneyo bhūmikampo yaḥ sa dvimāsād vipacyate | vāruṇas tu phalaṃ sadyo vāyavyas tu trimāsikaḥ || māhendrasya phalaṃ vidyān māsam ardhaṃ tathaiva ca ||

Sanskrit only: no published translation is held for this verse.