Atharvavedaparisistas 58.1

ओम् अत ऊर्ध्वं च दिग्दाहान् कीर्त्यमानान् निबोधत । यथा दिशः प्रदह्यन्ते तासां दाहफलं च यत् ॥

om ata ūrdhvaṃ ca digdāhān kīrtyamānān nibodhata | yathā diśaḥ pradahyante tāsāṃ dāhaphalaṃ ca yat ||

Sanskrit only: no published translation is held for this verse.

इन्द्रो ऽग्निर् मरुतश् चैव प्रदहन्ति दिशो दश । शुभाशुभाय लोकानां कृतान्तेनाभिचोदिताः ॥

indro 'gnir marutaś caiva pradahanti diśo daśa | śubhāśubhāya lokānāṃ kṛtāntenābhicoditāḥ ||

Sanskrit only: no published translation is held for this verse.

यदास्तमित आदित्ये वह्नेर् ज्वाला प्रदृश्यते। दिशां दाहं तु तद् विद्याद् भार्गवस्य वचो यथा ॥

yadāstamita āditye vahner jvālā pradṛśyate. diśāṃ dāhaṃ tu tad vidyād bhārgavasya vaco yathā ||

Sanskrit only: no published translation is held for this verse.

नानारागसमुत्थानां नानाविधफलोदयाः । पांशुनेव च संछन्ना दिग्दाहायोगम् आश्रिताः ॥

nānārāgasamutthānāṃ nānāvidhaphalodayāḥ | pāṃśuneva ca saṃchannā digdāhāyogam āśritāḥ ||

Sanskrit only: no published translation is held for this verse.

दिशः सर्वाः प्रदह्यन्ते अक्षेमाय फलाय च । अवदाहाद् ऋते दाहं यदि स्निग्धाः प्रदर्शनाः ॥

diśaḥ sarvāḥ pradahyante akṣemāya phalāya ca | avadāhād ṛte dāhaṃ yadi snigdhāḥ pradarśanāḥ ||

Sanskrit only: no published translation is held for this verse.

तमोधूमरजस्का ये दीप्तद्विजमृगावृताः । प्रदीप्तलक्षणाः सत्याः सर्व एवाहितावहाः ॥

tamodhūmarajaskā ye dīptadvijamṛgāvṛtāḥ | pradīptalakṣaṇāḥ satyāḥ sarva evāhitāvahāḥ ||

Sanskrit only: no published translation is held for this verse.

तथा कनककिंजल्कतडित्कल्पाः शिवाश् च ये । रूक्षाः कृष्णाथ माञ्जिष्ठा बन्धुजीवकवच् च ये ॥

tathā kanakakiṃjalkataḍitkalpāḥ śivāś ca ye | rūkṣāḥ kṛṣṇātha māñjiṣṭhā bandhujīvakavac ca ye ||

Sanskrit only: no published translation is held for this verse.

श्वेता रक्ताश् च पीताश् च दाहाः कृष्णाश् च वर्णतः । ब्रह्मक्षत्रियविट्शूद्रविनाशाय प्रकीर्तिताः ॥

śvetā raktāś ca pītāś ca dāhāḥ kṛṣṇāś ca varṇataḥ | brahmakṣatriyaviṭśūdravināśāya prakīrtitāḥ ||

Sanskrit only: no published translation is held for this verse.

रक्ताः शस्त्रभयं कुर्युर् पीता व्याधिप्रकोपनाः । अग्निवर्णास् तथा कुर्युर् अग्निशस्त्रभयं महत् ॥

raktāḥ śastrabhayaṃ kuryur pītā vyādhiprakopanāḥ | agnivarṇās tathā kuryur agniśastrabhayaṃ mahat ||

Sanskrit only: no published translation is held for this verse.

सपीतपरुषश्यामा ये च वारुणसंनिभाः । सर्व एव क्षुधारोगमृत्युशस्त्राग्निकोपनाः ॥

sapītaparuṣaśyāmā ye ca vāruṇasaṃnibhāḥ | sarva eva kṣudhārogamṛtyuśastrāgnikopanāḥ ||

Sanskrit only: no published translation is held for this verse.

ऋतौ तु वर्षं तीव्रं स्यात् सैन्यविद्रवम् एव च । भृशम् उद्द्योतनी संध्या कुरुते वा ग्रहागमम् ॥

ṛtau tu varṣaṃ tīvraṃ syāt sainyavidravam eva ca | bhṛśam uddyotanī saṃdhyā kurute vā grahāgamam ||

Sanskrit only: no published translation is held for this verse.

दिक्षु दग्धासु पीड्यन्ते यथादिग् देशभक्तयः । शकुनज्ञाननिर्दिष्टा ये च तत्राधिकारकाः ॥

dikṣu dagdhāsu pīḍyante yathādig deśabhaktayaḥ | śakunajñānanirdiṣṭā ye ca tatrādhikārakāḥ ||

Sanskrit only: no published translation is held for this verse.

यथोक्ता तु महाशान्तिर् यथोक्तविधिना कृता । सर्वं दिग्दाहजं घोरं शमयेत् सा सदक्षिणा ॥

yathoktā tu mahāśāntir yathoktavidhinā kṛtā | sarvaṃ digdāhajaṃ ghoraṃ śamayet sā sadakṣiṇā ||

Sanskrit only: no published translation is held for this verse.