Library·Atharvavedaparisistas·59·59.1
अत ऊर्ध्वं प्रवक्ष्यामि विद्युल्लक्षणम् उत्तमम् । वर्णरूपविकारांश् च देशभागाञ् शुभाशुभान् ॥
ata ūrdhvaṃ pravakṣyāmi vidyullakṣaṇam uttamam | varṇarūpavikārāṃś ca deśabhāgāñ śubhāśubhān ||
Sanskrit only: no published translation is held for this verse.
चतुर्थीं पञ्चमीं चैव प्रतीक्षेत सदा शुचिः । आषाढशुद्धे नियतं विद्युद्दर्शनम् अद्भुतम् ॥
caturthīṃ pañcamīṃ caiva pratīkṣeta sadā śuciḥ | āṣāḍhaśuddhe niyataṃ vidyuddarśanam adbhutam ||
Sanskrit only: no published translation is held for this verse.
अतिवृष्टिम् अनावृष्टिं भावाभावौ तथैव च । सर्वसस्येषु निष्पत्तिर् विद्युतो दर्शने नरः ॥
ativṛṣṭim anāvṛṣṭiṃ bhāvābhāvau tathaiva ca | sarvasasyeṣu niṣpattir vidyuto darśane naraḥ ||
Sanskrit only: no published translation is held for this verse.
ऐन्द्र्यां चेत् स्यन्दते विद्युद् ऐन्द्रस्थश् चापि मारुतः । सुभिक्षं क्षेमम् आरोग्यं निरीतिं च विनिर्दिशेत् ॥
aindryāṃ cet syandate vidyud aindrasthaś cāpi mārutaḥ | subhikṣaṃ kṣemam ārogyaṃ nirītiṃ ca vinirdiśet ||
Sanskrit only: no published translation is held for this verse.
आग्नेय्यां चेद् उभौ स्यातां भयं शस्त्राग्निवृष्टिह्तः । याम्यायां विषमारिश् च व्याधिमृत्युभयं तथा ॥
āgneyyāṃ ced ubhau syātāṃ bhayaṃ śastrāgnivṛṣṭihtaḥ | yāmyāyāṃ viṣamāriś ca vyādhimṛtyubhayaṃ tathā ||
Sanskrit only: no published translation is held for this verse.
कनीयसी तु नैरृत्यां तथा बह्वीतिका समा । मध्यमा सस्यसंपत्तिर् वारुण्यां व्याधिसंकुला ॥
kanīyasī tu nairṛtyāṃ tathā bahvītikā samā | madhyamā sasyasaṃpattir vāruṇyāṃ vyādhisaṃkulā ||
Sanskrit only: no published translation is held for this verse.
पतंगदंशमशका वायव्यां मध्यसपदः । अतिवारिभयं विद्यात् सौम्यायां भूरिसंपदः ॥
pataṃgadaṃśamaśakā vāyavyāṃ madhyasapadaḥ | ativāribhayaṃ vidyāt saumyāyāṃ bhūrisaṃpadaḥ ||
Sanskrit only: no published translation is held for this verse.
निरीतिः सस्यसंपत् तु प्रधानाइश्यां मनोरमा । प्रतिलोमेषु वातेषु ईतिबाहुल्यम् आदिशेत् ॥
nirītiḥ sasyasaṃpat tu pradhānāiśyāṃ manoramā | pratilomeṣu vāteṣu ītibāhulyam ādiśet ||
Sanskrit only: no published translation is held for this verse.
अनुलोमेषु वातेषु निरीतिं तु समादिशेत् । शुभायां स्यन्दमानायाम् अनिष्टा स्यन्दते यदि ॥
anulomeṣu vāteṣu nirītiṃ tu samādiśet | śubhāyāṃ syandamānāyām aniṣṭā syandate yadi ||
Sanskrit only: no published translation is held for this verse.
संपद्यते महासस्यान् महांश् चेत् स्याद् अवग्रहः । अशुभा स्यन्दते पूर्वं यदि पश्चाच् च शोभना ॥
saṃpadyate mahāsasyān mahāṃś cet syād avagrahaḥ | aśubhā syandate pūrvaṃ yadi paścāc ca śobhanā ||
Sanskrit only: no published translation is held for this verse.
सुवृष्टिम् एव तत्राहुर् न च सस्यं समृध्यति । यदा तु सर्वाः स्यन्दन्ते विषमां वृष्टिम् आदिशेत् ॥
suvṛṣṭim eva tatrāhur na ca sasyaṃ samṛdhyati | yadā tu sarvāḥ syandante viṣamāṃ vṛṣṭim ādiśet ||
Sanskrit only: no published translation is held for this verse.
बहुलायां विद्युति तु बहुवारिभयं भवेत् । सविद्युतः सस्तनितो दर्शयन्ति यदा शुभाम् ॥
bahulāyāṃ vidyuti tu bahuvāribhayaṃ bhavet | savidyutaḥ sastanito darśayanti yadā śubhām ||
Sanskrit only: no published translation is held for this verse.
पूर्वोत्तरां दिशं मेघाः सुवृष्टिं तां विजानते । पूर्वतः पूर्ववर्षेषु दृश्यन्ते यदि तोयदाः ॥
pūrvottarāṃ diśaṃ meghāḥ suvṛṣṭiṃ tāṃ vijānate | pūrvataḥ pūrvavarṣeṣu dṛśyante yadi toyadāḥ ||
Sanskrit only: no published translation is held for this verse.
प्रदक्षिणावर्तशुभाः सुवृष्टिम् इति निर्दिशेत् । आग्नेयेष्व् अतिवृष्टिः स्यात् सस्यं चापि विपद्यते ॥
pradakṣiṇāvartaśubhāḥ suvṛṣṭim iti nirdiśet | āgneyeṣv ativṛṣṭiḥ syāt sasyaṃ cāpi vipadyate ||
Sanskrit only: no published translation is held for this verse.
विषमा वृष्टिर् याम्येषु व्याधिं मृत्युं च निर्दिशेत् । बह्वीतिका नैरृतेषु समूलफलदायिनी ॥
viṣamā vṛṣṭir yāmyeṣu vyādhiṃ mṛtyuṃ ca nirdiśet | bahvītikā nairṛteṣu samūlaphaladāyinī ||
Sanskrit only: no published translation is held for this verse.
वारुणेषु पयोदेषु मध्यमं सस्यम् आदिशेत् । वायव्यां प्रथमं वर्षं यत्र वर्षति वासवः ॥
vāruṇeṣu payodeṣu madhyamaṃ sasyam ādiśet | vāyavyāṃ prathamaṃ varṣaṃ yatra varṣati vāsavaḥ ||
Sanskrit only: no published translation is held for this verse.
तत्रातिवृष्टिर् भवति स्वल्पबीजानि वापयेत् । वर्णस्नेभोपपन्नास् तु पूर्ववृष्ट्यां पयोधराः ॥
tatrātivṛṣṭir bhavati svalpabījāni vāpayet | varṇasnebhopapannās tu pūrvavṛṣṭyāṃ payodharāḥ ||
Sanskrit only: no published translation is held for this verse.
सौम्यां यत्र प्रवर्षेयुस् तत्र सर्ववृष्ट्यां पयोधराः ॥
saumyāṃ yatra pravarṣeyus tatra sarvavṛṣṭyāṃ payodharāḥ ||
Sanskrit only: no published translation is held for this verse.
इत्य् एतत् पूर्ववर्षेषु लक्षणं विद्युतां स्फुटम् । वर्षारावगतं सर्वं यथावत् परिकीर्तितम् ॥
ity etat pūrvavarṣeṣu lakṣaṇaṃ vidyutāṃ sphuṭam | varṣārāvagataṃ sarvaṃ yathāvat parikīrtitam ||
Sanskrit only: no published translation is held for this verse.
शुभेष्व् अपि महाशान्तिर् अविघाताय वोच्यते । अशुभेषु समर्घाय तस्मात् सर्वेषु शान्तिकम् इति ॥
śubheṣv api mahāśāntir avighātāya vocyate | aśubheṣu samarghāya tasmāt sarveṣu śāntikam iti ||
Sanskrit only: no published translation is held for this verse.