Library·Atharvavedaparisistas·60·60.1
अष्टौ भवन्ति निर्घातास् तेषाम् इन्द्रः प्रशस्यते । पूर्वेण वृष्टिं सस्यं च राजवृद्धिं च निर्दिशेत् ॥
aṣṭau bhavanti nirghātās teṣām indraḥ praśasyate | pūrveṇa vṛṣṭiṃ sasyaṃ ca rājavṛddhiṃ ca nirdiśet ||
Sanskrit only: no published translation is held for this verse.
पूर्वोत्तरे सुभिक्षं तु भूमिलाभस् तथोत्तरे । अपरोत्तरे चौरभयं वाजिनां चाप्य् उपद्रवः ॥
pūrvottare subhikṣaṃ tu bhūmilābhas tathottare | aparottare caurabhayaṃ vājināṃ cāpy upadravaḥ ||
Sanskrit only: no published translation is held for this verse.
पश्चिमायां भयं राज्ञो जलजातिश् च पीड्यते । नैरृते सस्यगोस्त्रीणां गणानां च महद् भयम् ॥
paścimāyāṃ bhayaṃ rājño jalajātiś ca pīḍyate | nairṛte sasyagostrīṇāṃ gaṇānāṃ ca mahad bhayam ||
Sanskrit only: no published translation is held for this verse.
दक्षिणे राजपीडा स्याद् आयुश् चात्र विनिर्दिशेत् । आनर्तस्य भयं विद्याद् यदि स्यात् पूर्वदक्षिणः ॥
dakṣiṇe rājapīḍā syād āyuś cātra vinirdiśet | ānartasya bhayaṃ vidyād yadi syāt pūrvadakṣiṇaḥ ||
Sanskrit only: no published translation is held for this verse.
स योजनपरः शब्दो निर्घातस्य विशाम्यति । सर्वत्र च भयं विद्यात् तत्र यत्र विशाम्यति ॥
sa yojanaparaḥ śabdo nirghātasya viśāmyati | sarvatra ca bhayaṃ vidyāt tatra yatra viśāmyati ||
Sanskrit only: no published translation is held for this verse.
भये रौद्रीं प्रकुर्वीत अभयां वाभयप्रदाम् । तया शाम्यन्ति चोत्पाताः सुखं चात्यन्तिकं भवेत् ॥
bhaye raudrīṃ prakurvīta abhayāṃ vābhayapradām | tayā śāmyanti cotpātāḥ sukhaṃ cātyantikaṃ bhavet ||
Sanskrit only: no published translation is held for this verse.