Atharvavedaparisistas 61.1

ओम् अथातः परिवेषाणां लक्षणं चैव वक्ष्यते । वृद्धगर्गो यथा पूर्वम् उवाच मम सुव्रत ॥

om athātaḥ pariveṣāṇāṃ lakṣaṇaṃ caiva vakṣyate | vṛddhagargo yathā pūrvam uvāca mama suvrata ||

Sanskrit only: no published translation is held for this verse.

स्वायंभुवनियोगेन विकारं कुरुते ऽमलः ॥

svāyaṃbhuvaniyogena vikāraṃ kurute 'malaḥ ||

Sanskrit only: no published translation is held for this verse.

श्वेतः श्यामो हरिः कृष्ण इति वर्णा व्यवस्थिताः । प्रोक्ता मेघेषु चत्वारो व्यक्ताः स्निग्धाः सुपूजिताः ॥

śvetaḥ śyāmo hariḥ kṛṣṇa iti varṇā vyavasthitāḥ | proktā megheṣu catvāro vyaktāḥ snigdhāḥ supūjitāḥ ||

Sanskrit only: no published translation is held for this verse.

स्निग्धेषु परिवेषेषु वतुर्ष्व् एतेषु नारद । संध्यायाम् अत्र वर्णेषु वृष्टिं तेष्व् अभिनिर्दिशेत् ॥

snigdheṣu pariveṣeṣu vaturṣv eteṣu nārada | saṃdhyāyām atra varṇeṣu vṛṣṭiṃ teṣv abhinirdiśet ||

Sanskrit only: no published translation is held for this verse.

काचनीलाञ्जनारिष्टाशनिसर्पनिभेषु च । रौप्यद्रवसमाभेषु मेघस् त्रिष्व् अपि वर्षति ॥

kācanīlāñjanāriṣṭāśanisarpanibheṣu ca | raupyadravasamābheṣu meghas triṣv api varṣati ||

Sanskrit only: no published translation is held for this verse.

निमग्ना तु यदा संध्या भवत्य् एतत् सुवृष्टये । एभ्यश् च विपरीता ये ते ऽवृष्टिभयदा घनाः ॥

nimagnā tu yadā saṃdhyā bhavaty etat suvṛṣṭaye | ebhyaś ca viparītā ye te 'vṛṣṭibhayadā ghanāḥ ||

Sanskrit only: no published translation is held for this verse.

वराहैर् मकरैर् उष्ट्रैर् वृकैः कङ्कैस् तथा खरैः । शशकाकृतयः कुर्युः संध्यायां जलदा भयम् ॥

varāhair makarair uṣṭrair vṛkaiḥ kaṅkais tathā kharaiḥ | śaśakākṛtayaḥ kuryuḥ saṃdhyāyāṃ jaladā bhayam ||

Sanskrit only: no published translation is held for this verse.

हेमपावकवर्णाश् च विपुलं च जनक्षयम् । शब्दं श्वखरगोमायुगृध्रवायससंस्थिताः ॥

hemapāvakavarṇāś ca vipulaṃ ca janakṣayam | śabdaṃ śvakharagomāyugṛdhravāyasasaṃsthitāḥ ||

Sanskrit only: no published translation is held for this verse.

पूर्वापरासु संध्यासु संग्रामं प्राहुर् उन्मुखाः । अश्वस्था वारणस्थाश् च येषु योधा नरा इव ॥

pūrvāparāsu saṃdhyāsu saṃgrāmaṃ prāhur unmukhāḥ | aśvasthā vāraṇasthāś ca yeṣu yodhā narā iva ||

Sanskrit only: no published translation is held for this verse.

मेघेषु संप्रदृश्यन्ते ये पाशाङ्कुशसंनिभाः । तथा सवारणाश् चैव विनिघ्नन्तः परस्परम् ॥

megheṣu saṃpradṛśyante ye pāśāṅkuśasaṃnibhāḥ | tathā savāraṇāś caiva vinighnantaḥ parasparam ||

Sanskrit only: no published translation is held for this verse.

क्रव्याद्भिर् भक्ष्यमाणाश् च गृध्रगोमायुवायसैः । उद्युध्यन्ते यदा युक्ता राञ्जः संशयकारकाः ॥

kravyādbhir bhakṣyamāṇāś ca gṛdhragomāyuvāyasaiḥ | udyudhyante yadā yuktā rāñjaḥ saṃśayakārakāḥ ||

Sanskrit only: no published translation is held for this verse.

मयूराट्टालपद्मेन्दुकाशनीलनिभानि तु । संध्यास्व् अभ्राणि दृश्यन्ते तीव्रं वर्षम् उपस्थितम् ॥

mayūrāṭṭālapadmendukāśanīlanibhāni tu | saṃdhyāsv abhrāṇi dṛśyante tīvraṃ varṣam upasthitam ||

Sanskrit only: no published translation is held for this verse.

सविद्युत् सधनुष्कश् च सघोषः शिखिसंनिभः । संध्यास्व् अभ्राणि दृश्यन्ते तीव्रं वर्षम् उपस्थितम् ॥

savidyut sadhanuṣkaś ca saghoṣaḥ śikhisaṃnibhaḥ | saṃdhyāsv abhrāṇi dṛśyante tīvraṃ varṣam upasthitam ||

Sanskrit only: no published translation is held for this verse.

नीललोहितपर्यन्तं कृष्णग्रीवं सविद्युतम् । विवर्णं परिघं दृष्ट्वा विद्याद् उदकवाहकम् ॥

nīlalohitaparyantaṃ kṛṣṇagrīvaṃ savidyutam | vivarṇaṃ parighaṃ dṛṣṭvā vidyād udakavāhakam ||

Sanskrit only: no published translation is held for this verse.

त्रिवर्णे परिघे वापि त्रिवर्णैर् वा बलाहकैः । उदयास्तमयम् इयाद् यदि सूर्यः कदा चन ॥

trivarṇe parighe vāpi trivarṇair vā balāhakaiḥ | udayāstamayam iyād yadi sūryaḥ kadā cana ||

Sanskrit only: no published translation is held for this verse.

पृथिव्यां राजवंश्यानां महद् भयम् उपस्थितम् । लोकक्षयकरं विद्याद् यदि देवो न वर्षति ॥

pṛthivyāṃ rājavaṃśyānāṃ mahad bhayam upasthitam | lokakṣayakaraṃ vidyād yadi devo na varṣati ||

Sanskrit only: no published translation is held for this verse.

मत्स्यरूपी सादृश्येन यद्य् उत्तिष्ठेत भास्करः । स्फुटरश्मिस् तदादित्यः स निर्दहति मेदिनीम् ॥

matsyarūpī sādṛśyena yady uttiṣṭheta bhāskaraḥ | sphuṭaraśmis tadādityaḥ sa nirdahati medinīm ||

Sanskrit only: no published translation is held for this verse.

एतद् दृष्ट्वा महद् रूपम् आदित्ये समुपस्थिते । विस्पष्टं ज्योतिर् विस्पष्टं सद्योवर्षस्य लक्षणम् ॥

etad dṛṣṭvā mahad rūpam āditye samupasthite | vispaṣṭaṃ jyotir vispaṣṭaṃ sadyovarṣasya lakṣaṇam ||

Sanskrit only: no published translation is held for this verse.

ग्रहसंछादनं चापि गर्जनं प्रतिगर्जनम् । परस्परेण कुर्वन्ति मेघा वेगसमीरिताः ॥

grahasaṃchādanaṃ cāpi garjanaṃ pratigarjanam | paraspareṇa kurvanti meghā vegasamīritāḥ ||

Sanskrit only: no published translation is held for this verse.

तस्मिंश् चतुर्विधे युद्धे मेघानां व्योमचारिनाम् । उत्पद्यन्ते त्रयो भावास् तन् मे निगदतः शृणु ॥

tasmiṃś caturvidhe yuddhe meghānāṃ vyomacārinām | utpadyante trayo bhāvās tan me nigadataḥ śṛṇu ||

Sanskrit only: no published translation is held for this verse.

गर्जमानेषु मेघेषु वारणः प्रतिगर्जति । तां दिशं योजयेत् स्नेनां गर्जनं यत्र मीयते ॥

garjamāneṣu megheṣu vāraṇaḥ pratigarjati | tāṃ diśaṃ yojayet snenāṃ garjanaṃ yatra mīyate ||

Sanskrit only: no published translation is held for this verse.

विद्युतो ऽभ्रविकारेषु शक्रायुधनिभायुधाः । स्फोटिताशनिघण्टाश् च यां दिशं मेघवारणाः ॥

vidyuto 'bhravikāreṣu śakrāyudhanibhāyudhāḥ | sphoṭitāśanighaṇṭāś ca yāṃ diśaṃ meghavāraṇāḥ ||

Sanskrit only: no published translation is held for this verse.

संघट्टेषु समुद्भुताः परस्परजिघांसवः । तां दिशं योजयेत् सेनां राजा जयति तां दिशम् ॥

saṃghaṭṭeṣu samudbhutāḥ parasparajighāṃsavaḥ | tāṃ diśaṃ yojayet senāṃ rājā jayati tāṃ diśam ||

Sanskrit only: no published translation is held for this verse.

ग्रहणाछादने चैव गर्जने प्रतिगर्जने । एवम् एव विधिर् ज्ञेयः सर्वश् चैव विनिश्चयः ॥

grahaṇāchādane caiva garjane pratigarjane | evam eva vidhir jñeyaḥ sarvaś caiva viniścayaḥ ||

Sanskrit only: no published translation is held for this verse.

परिमाणं न शक्यं तत् समीरितुम् अशेषतः । अपराभ्रविकाराणां रत्नानाम् इव सागरे ॥

parimāṇaṃ na śakyaṃ tat samīritum aśeṣataḥ | aparābhravikārāṇāṃ ratnānām iva sāgare ||

Sanskrit only: no published translation is held for this verse.

संध्या योजनभाक् प्रोक्ता स्तनितं तु द्वियोजनम् । परिघः पञ्चयोजन्यः प्रत्यादित्यस् त्रियोजनः ॥

saṃdhyā yojanabhāk proktā stanitaṃ tu dviyojanam | parighaḥ pañcayojanyaḥ pratyādityas triyojanaḥ ||

Sanskrit only: no published translation is held for this verse.

निर्घातः षट् तथा विद्युत् परिवेषो द्विषड्यतः । दाहं योजनकं चापि उल्का त्व् अमितभागिनी ॥

nirghātaḥ ṣaṭ tathā vidyut pariveṣo dviṣaḍyataḥ | dāhaṃ yojanakaṃ cāpi ulkā tv amitabhāginī ||

Sanskrit only: no published translation is held for this verse.

दशसंस्था समाप्तानि शायाङ्गानि प्रमाणतः । अङ्गानि त्व् आन्तरिक्षाणि विज्ञेयानि समासतः ॥

daśasaṃsthā samāptāni śāyāṅgāni pramāṇataḥ | aṅgāni tv āntarikṣāṇi vijñeyāni samāsataḥ ||

Sanskrit only: no published translation is held for this verse.