Library·Atharvavedaparisistas·62
ॐ चत्वारो भुमिकम्पास् तु गर्गः प्रोवाच बुद्धिमान् । अग्निर् वायुस् तथापश् च चतुर्थस् त्व् इन्द्र उच्यते ॥
oṃ catvāro bhumikampās tu gargaḥ provāca buddhimān | agnir vāyus tathāpaś ca caturthas tv indra ucyate ||
Sanskrit only: no published translation is held for this verse.
तेषां रूपं विकारांश् च व्याख्यास्यामो ऽनुपूर्वशः । यज् ज्ञात्वा बुद्धिमान् धीरो निर्दिशेद् विविधं फलम् ॥
teṣāṃ rūpaṃ vikārāṃś ca vyākhyāsyāmo 'nupūrvaśaḥ | yaj jñātvā buddhimān dhīro nirdiśed vividhaṃ phalam ||
Sanskrit only: no published translation is held for this verse.
प्रकम्पितायां भूमौ चेत् सप्ताहाभ्यन्तरेणा तु । [भवेयुर् अत्र संग्रामा राज्ञां मृत्युभयप्रदाः ॥
prakampitāyāṃ bhūmau cet saptāhābhyantareṇā tu | [bhaveyur atra saṃgrāmā rājñāṃ mṛtyubhayapradāḥ ||
Sanskrit only: no published translation is held for this verse.
राज्ञां विरोधो भवति मरणानि भवन्ति च ।] ताम्रः सूर्यश् च चन्द्रश् च पीताश् च मृगपक्षिणः ॥
rājñāṃ virodho bhavati maraṇāni bhavanti ca |] tāmraḥ sūryaś ca candraś ca pītāś ca mṛgapakṣiṇaḥ ||
Sanskrit only: no published translation is held for this verse.
दिशः सर्वा भवेयुश् च सूर्योदयसमप्रभाः । यद् एतल्लक्षणोपेतं विद्याद् अग्निप्रकम्पितम् ॥
diśaḥ sarvā bhaveyuś ca sūryodayasamaprabhāḥ | yad etallakṣaṇopetaṃ vidyād agniprakampitam ||
Sanskrit only: no published translation is held for this verse.
तस्मिन् भवति निर्देशः शौनकस्य वचो यथा । हिरण्यं च सुवर्णं च यच् चान्यद् विद्यते गृहे ॥
tasmin bhavati nirdeśaḥ śaunakasya vaco yathā | hiraṇyaṃ ca suvarṇaṃ ca yac cānyad vidyate gṛhe ||
Sanskrit only: no published translation is held for this verse.
सर्वम् एतत् परित्यज्य कर्तव्यो धान्यसंग्रहः । राष्ट्राणि संदहेद् अग्निर् ग्रामांश् च नगराणि च
sarvam etat parityajya kartavyo dhānyasaṃgrahaḥ | rāṣṭrāṇi saṃdahed agnir grāmāṃś ca nagarāṇi ca
Sanskrit only: no published translation is held for this verse.
संग्रामाश् चात्र वर्तन्ते मांसशोणितकर्दमाः । राजानश् च विरुध्यन्ते देवश् चात्र न वर्षति ॥
saṃgrāmāś cātra vartante māṃsaśoṇitakardamāḥ | rājānaś ca virudhyante devaś cātra na varṣati ||
Sanskrit only: no published translation is held for this verse.
एवम् एतत्प्रकम्पानां गर्हितम् अग्निकम्पितम् ॥
evam etatprakampānāṃ garhitam agnikampitam ||
Sanskrit only: no published translation is held for this verse.
प्रकम्पितायां भूमौ चेद् इति ॥
prakampitāyāṃ bhūmau ced iti ||
Sanskrit only: no published translation is held for this verse.
अतिप्रचण्डो बहुलो वायुर् भवति दारुणः । शर्कराकर्षणश् चापि दिक्षु चैव विदिक्षु च ॥
atipracaṇḍo bahulo vāyur bhavati dāruṇaḥ | śarkarākarṣaṇaś cāpi dikṣu caiva vidikṣu ca ||
Sanskrit only: no published translation is held for this verse.
तद् एतल्लक्षणोपेतं विद्याद् वायुप्रकम्पितम् । शस्त्रैर् आवरणंकुर्यात् प्राकारं परिखां तथा ॥
tad etallakṣaṇopetaṃ vidyād vāyuprakampitam | śastrair āvaraṇaṃkuryāt prākāraṃ parikhāṃ tathā ||
Sanskrit only: no published translation is held for this verse.
न तदा प्रवसेद् ग्रामं ज्ञात्वात्मानं तु गोपयेत् । संग्रामाश् चात्र वर्धन्ते मांसशोणितकर्दमाः ॥
na tadā pravased grāmaṃ jñātvātmānaṃ tu gopayet | saṃgrāmāś cātra vardhante māṃsaśoṇitakardamāḥ ||
Sanskrit only: no published translation is held for this verse.
विरुध्यन्ते च राजानो मरणानि भवन्ति हि । राजपुत्रसहस्त्राणां भूमिः पिबति शोणितम् ॥
virudhyante ca rājāno maraṇāni bhavanti hi | rājaputrasahastrāṇāṃ bhūmiḥ pibati śoṇitam ||
Sanskrit only: no published translation is held for this verse.
मासं विंशतिरात्रं वा देवस् तत्र न वर्षति । द्वाभ्यां गताभ्यां मासाभ्यां परं स्याद् बहुलं जलम् ॥
māsaṃ viṃśatirātraṃ vā devas tatra na varṣati | dvābhyāṃ gatābhyāṃ māsābhyāṃ paraṃ syād bahulaṃ jalam ||
Sanskrit only: no published translation is held for this verse.
दष्टं दूषयते चात्र क्षतबद्धानि चाधिकम् । एषाम् एव तु कम्पानां गर्हितं वायुकम्पितम् ॥
daṣṭaṃ dūṣayate cātra kṣatabaddhāni cādhikam | eṣām eva tu kampānāṃ garhitaṃ vāyukampitam ||
Sanskrit only: no published translation is held for this verse.
प्रकम्पितायां भूमौ ॥
prakampitāyāṃ bhūmau ||
Sanskrit only: no published translation is held for this verse.
वर्षन्तस् तु समायान्ति महामेघाः समन्ततः । नक्राश् च शिशुमाराश् च कूर्मा मकरसंस्थिताः ॥
varṣantas tu samāyānti mahāmeghāḥ samantataḥ | nakrāś ca śiśumārāś ca kūrmā makarasaṃsthitāḥ ||
Sanskrit only: no published translation is held for this verse.
अभ्राकृतिषु दृश्यन्ते ग्रसन्तश् चन्द्रभास्करौ । तद् एतल्लक्षणोपेतं विद्याद् अम्बुप्रकम्पितम् ॥
abhrākṛtiṣu dṛśyante grasantaś candrabhāskarau | tad etallakṣaṇopetaṃ vidyād ambuprakampitam ||
Sanskrit only: no published translation is held for this verse.
पर्वतेषु वपेद् बीजम् ऊषरे जाङ्गले तथा । तत्रोप्तं नन्दते बीजम् अन्यत्र भुवि नश्यति ॥
parvateṣu vaped bījam ūṣare jāṅgale tathā | tatroptaṃ nandate bījam anyatra bhuvi naśyati ||
Sanskrit only: no published translation is held for this verse.
उदजानि तु पुष्पाणि मूलानि च फलानि च । गच्छन्ति तत्र वृद्धिं च सत्त्वान्य् उदकजानि च ॥
udajāni tu puṣpāṇi mūlāni ca phalāni ca | gacchanti tatra vṛddhiṃ ca sattvāny udakajāni ca ||
Sanskrit only: no published translation is held for this verse.
[क्षेमं सुभिक्षम् आरोग्यं सुवृष्टिं चात्र निर्दिशेत्] ॥
[kṣemaṃ subhikṣam ārogyaṃ suvṛṣṭiṃ cātra nirdiśet] ||
Sanskrit only: no published translation is held for this verse.
प्रकम्पितायां भूमौ ॥
prakampitāyāṃ bhūmau ||
Sanskrit only: no published translation is held for this verse.
गम्भीरं गर्जमानस् तु मेघ आयाति पार्थिवः । स्निग्धो ह्य् अञ्जनसंकाशः सुमहत्पर्वतोपमः ॥
gambhīraṃ garjamānas tu megha āyāti pārthivaḥ | snigdho hy añjanasaṃkāśaḥ sumahatparvatopamaḥ ||
Sanskrit only: no published translation is held for this verse.
वित्रासयन् दिशः सर्वा द्रुतं चापि प्रवर्षति । इन्द्रायुधं भवेच् चात्र विद्युत् स्तनितम् एव च ॥
vitrāsayan diśaḥ sarvā drutaṃ cāpi pravarṣati | indrāyudhaṃ bhavec cātra vidyut stanitam eva ca ||
Sanskrit only: no published translation is held for this verse.
सुवृष्टिं क्षेमम् आरोग्यं सुभिक्षं परमा मुदः । यज्ञोद्भवैस् तु मोदन्ते आनन्दैर् मोदिताः प्रजाः ॥
suvṛṣṭiṃ kṣemam ārogyaṃ subhikṣaṃ paramā mudaḥ | yajñodbhavais tu modante ānandair moditāḥ prajāḥ ||
Sanskrit only: no published translation is held for this verse.
एतेषां भूमिकम्पानां प्रशस्तं हीन्द्रकम्पनम् । जानीयाल् लक्षणैर् एतैः सर्वम् एव शुभाशुभम् ॥
eteṣāṃ bhūmikampānāṃ praśastaṃ hīndrakampanam | jānīyāl lakṣaṇair etaiḥ sarvam eva śubhāśubham ||
Sanskrit only: no published translation is held for this verse.
एतेषु त्रिषु कम्पेषु अथर्वा शास्त्रकोविदः । माहेन्द्रीम् अमृतां वापि कुर्याच् छान्तिं सदक्षिणाम् ॥
eteṣu triṣu kampeṣu atharvā śāstrakovidaḥ | māhendrīm amṛtāṃ vāpi kuryāc chāntiṃ sadakṣiṇām ||
Sanskrit only: no published translation is held for this verse.
इन्द्रकम्पे तु विधिवद् ऐन्द्रैर् मन्त्रैर् विधानवित् । ततोहलस्य प्रधानार्थं जुहुयाच् च जपेत् तथा ॥
indrakampe tu vidhivad aindrair mantrair vidhānavit | tatohalasya pradhānārthaṃ juhuyāc ca japet tathā ||
Sanskrit only: no published translation is held for this verse.