ओम् अथ परं प्रवक्ष्यामि वक्षत्रेषु ग्रहेषु च । परिवेषान् बहुविधान् नानाविधफलोदयान् ॥
om atha paraṃ pravakṣyāmi vakṣatreṣu graheṣu ca | pariveṣān bahuvidhān nānāvidhaphalodayān ||
Sanskrit only: no published translation is held for this verse.
Library·Atharvavedaparisistas·63·63.1
Atharvavedaparisistas 63.1
ऐन्द्रवारुणकौबेरान् रक्तपाण्डुरमेचकान् । पाण्डून् बभ्रूंश् च पीतांश् चानीलानलयमात्मनः ॥
aindravāruṇakauberān raktapāṇḍuramecakān | pāṇḍūn babhrūṃś ca pītāṃś cānīlānalayamātmanaḥ ||
Sanskrit only: no published translation is held for this verse.
प्राजापत्यांश् च रौद्रांश् च नैरृत्यांश् चापि भार्गव । हरिशबलकापोतान् परिवेषान् उवाच ह ॥
prājāpatyāṃś ca raudrāṃś ca nairṛtyāṃś cāpi bhārgava | hariśabalakāpotān pariveṣān uvāca ha ||
Sanskrit only: no published translation is held for this verse.
नवैते परिवेषाणां वर्णा दैवतयोनयः । बहुत्वम् एते गच्छन्ति अन्योन्यगुणसंश्रयात् ॥
navaite pariveṣāṇāṃ varṇā daivatayonayaḥ | bahutvam ete gacchanti anyonyaguṇasaṃśrayāt ||
Sanskrit only: no published translation is held for this verse.
गृहीत्वाभ्ररजः सूक्ष्मं वर्णयोग् संनिपत्य च । पितामहनियोगेन मातुरो मण्डलीकृतः ॥
gṛhītvābhrarajaḥ sūkṣmaṃ varṇayog saṃnipatya ca | pitāmahaniyogena māturo maṇḍalīkṛtaḥ ||
Sanskrit only: no published translation is held for this verse.
शुभाशुभार्थं लोकानां ज्योतीम्ष्य् अवरुणद्धि सः । तस्य रूपं गुणं ज्ञात्वा गुणदोषः प्रचक्ष्यते ॥
śubhāśubhārthaṃ lokānāṃ jyotīmṣy avaruṇaddhi saḥ | tasya rūpaṃ guṇaṃ jñātvā guṇadoṣaḥ pracakṣyate ||
Sanskrit only: no published translation is held for this verse.
नक्षत्रतारकाणां च परतो विषयस्य च निविष्टो भाव आगन्तुं परिवेष इति स्मृतः ॥
nakṣatratārakāṇāṃ ca parato viṣayasya ca niviṣṭo bhāva āgantuṃ pariveṣa iti smṛtaḥ ||
Sanskrit only: no published translation is held for this verse.
धृततीक्ष्णार्ककिरणे प्रसन्ना मृदुमण्डले । प्रस्निग्धे चैकवर्णे च मांसले व्यक्तलक्षणे ॥
dhṛtatīkṣṇārkakiraṇe prasannā mṛdumaṇḍale | prasnigdhe caikavarṇe ca māṃsale vyaktalakṣaṇe ||
Sanskrit only: no published translation is held for this verse.
लोहिताक्षौ क्षुरक्रान्ते सरश्मौ पीतमण्डले । आ प्रदोषाद् विमध्याह्नाद् आ नक्षत्रान्तगामिनि ॥
lohitākṣau kṣurakrānte saraśmau pītamaṇḍale | ā pradoṣād vimadhyāhnād ā nakṣatrāntagāmini ||
Sanskrit only: no published translation is held for this verse.
सहाभ्रभारस्तनिते परिवेषे प्रकाशिनि । अनृताव् अपि जानीयान् महद् भयम् उपस्थितम् ॥
sahābhrabhārastanite pariveṣe prakāśini | anṛtāv api jānīyān mahad bhayam upasthitam ||
Sanskrit only: no published translation is held for this verse.