कृष्णनीहारतिमिरे प्रकृत्याक्रान्तमण्डले । विकारैर् नाभसैः कीर्णे स्फुलिङ्गोपचिते ऽशुभे ॥
kṛṣṇanīhāratimire prakṛtyākrāntamaṇḍale | vikārair nābhasaiḥ kīrṇe sphuliṅgopacite 'śubhe ||
Sanskrit only: no published translation is held for this verse.
Library·Atharvavedaparisistas·63·63.2
Atharvavedaparisistas 63.2
विषमे विगतस्नेहे विध्वस्तकलुषाभ्रके । त्रिषु संधिषु भूयिष्ठं दर्शनं चोपगच्छति ॥
viṣame vigatasnehe vidhvastakaluṣābhrake | triṣu saṃdhiṣu bhūyiṣṭhaṃ darśanaṃ copagacchati ||
Sanskrit only: no published translation is held for this verse.
द्वित्रिनक्षत्रगे वापि नक्षत्रार्धगते ऽपि वा । प्रदीप्तैर् वा रसद्भिश् च वीक्ष्यमाणे मृगद्विजैः ॥
dvitrinakṣatrage vāpi nakṣatrārdhagate 'pi vā | pradīptair vā rasadbhiś ca vīkṣyamāṇe mṛgadvijaiḥ ||
Sanskrit only: no published translation is held for this verse.
परिवेषे विजानीयान् नृपाद्यानाम् उपस्थितम् । सप्तरात्राद् भयं घोरं चौरशस्त्राग्निमृत्युभिः ॥
pariveṣe vijānīyān nṛpādyānām upasthitam | saptarātrād bhayaṃ ghoraṃ cauraśastrāgnimṛtyubhiḥ ||
Sanskrit only: no published translation is held for this verse.
धूमकर्बुरमाञ्जिष्ठरक्तपीतासिताकृतिः । भवत्य् एकतरे पार्श्वे रूपेणाविलमण्डलः ॥
dhūmakarburamāñjiṣṭharaktapītāsitākṛtiḥ | bhavaty ekatare pārśve rūpeṇāvilamaṇḍalaḥ ||
Sanskrit only: no published translation is held for this verse.
तनुना चात्र जालेन समन्तात् परिवेष्टितः । मुहुर्मुहुश् च विलयं संस्थानं चापि गच्छति ॥
tanunā cātra jālena samantāt pariveṣṭitaḥ | muhurmuhuś ca vilayaṃ saṃsthānaṃ cāpi gacchati ||
Sanskrit only: no published translation is held for this verse.
सो ऽपि वाय्वात्मको ज्ञेयो मृदुमन्ददिवाकरः । परिवेषो ऽल्पफलदो वातवृष्टिः प्रवृंहते ॥
so 'pi vāyvātmako jñeyo mṛdumandadivākaraḥ | pariveṣo 'lpaphalado vātavṛṣṭiḥ pravṛṃhate ||
Sanskrit only: no published translation is held for this verse.
अथ चेद् वातवृष्टिस् तु त्रिरात्रान् नापजायते । जलज्वलनचौराणां प्रादुर्भावः प्रजायते ॥
atha ced vātavṛṣṭis tu trirātrān nāpajāyate | jalajvalanacaurāṇāṃ prādurbhāvaḥ prajāyate ||
Sanskrit only: no published translation is held for this verse.
परिवेषगतो ऽल्का स्याद् द्विमण्डलपरिग्रहे । द्वाभ्यां सेनापतिभयं युवराजभयं त्रिभिः ॥
pariveṣagato 'lkā syād dvimaṇḍalaparigrahe | dvābhyāṃ senāpatibhayaṃ yuvarājabhayaṃ tribhiḥ ||
Sanskrit only: no published translation is held for this verse.