Atharvavedaparisistas 63.3

मण्डलैः पुररोधः स्यात् त्रिभिर् अभ्यधिकैर् ध्र्य्वन् । त्राणि यत्रावरुध्यन्ते नक्षत्रग्रहचन्द्रमाः ॥

maṇḍalaiḥ purarodhaḥ syāt tribhir abhyadhikair dhryvan | trāṇi yatrāvarudhyante nakṣatragrahacandramāḥ ||

Sanskrit only: no published translation is held for this verse.

त्र्यहाद् वर्षं समाचष्टे स मासाद् विग्रहं वदेत् । सेनापतिकुमाराणां सेनायाश् चापि विद्रवः ॥

tryahād varṣaṃ samācaṣṭe sa māsād vigrahaṃ vadet | senāpatikumārāṇāṃ senāyāś cāpi vidravaḥ ||

Sanskrit only: no published translation is held for this verse.

लोहिताङ्गपरिवेषे शस्त्राग्न्युत्पात एव च । स्थावराः कर्षकाश् चापि क्षुद्रधान्यं च पीड्यते ॥

lohitāṅgapariveṣe śastrāgnyutpāta eva ca | sthāvarāḥ karṣakāś cāpi kṣudradhānyaṃ ca pīḍyate ||

Sanskrit only: no published translation is held for this verse.

वातवृष्टिं च जनयेत् परिविष्टः शनैश्चरः । राज्यम् एव हि गर्भांश् च राहुः पीडयते ध्रुवम् ॥

vātavṛṣṭiṃ ca janayet pariviṣṭaḥ śanaiścaraḥ | rājyam eva hi garbhāṃś ca rāhuḥ pīḍayate dhruvam ||

Sanskrit only: no published translation is held for this verse.

व्याधींश् चैव प्रजनयेत् परिविष्टश् च चन्द्रमाः । क्षुच्श्वासाग्निभयं घोरं राजतो मृत्युतस् तथा ॥

vyādhīṃś caiva prajanayet pariviṣṭaś ca candramāḥ | kṣucśvāsāgnibhayaṃ ghoraṃ rājato mṛtyutas tathā ||

Sanskrit only: no published translation is held for this verse.

परिविष्टो ऽम्बरे केतुः शिखिनश् च हिनस्ति सह । द्वयोः संग्रामम् आचष्टे ग्रहयोः परिविष्टयोः ॥

pariviṣṭo 'mbare ketuḥ śikhinaś ca hinasti saha | dvayoḥ saṃgrāmam ācaṣṭe grahayoḥ pariviṣṭayoḥ ||

Sanskrit only: no published translation is held for this verse.

क्षुद्भयं त्रिषु विज्ञेयं वर्षनिग्रह एव च । चतुर्भिर् म्रियते राजा सामात्यः सपुरोहितः ॥

kṣudbhayaṃ triṣu vijñeyaṃ varṣanigraha eva ca | caturbhir mriyate rājā sāmātyaḥ sapurohitaḥ ||

Sanskrit only: no published translation is held for this verse.

युगान्त इव जानीयात् पत्रिविष्टेषु पञ्चसु । ब्रह्मक्षत्रियविट्शूद्रान् हन्यात् प्रतिपदादिषु ॥

yugānta iva jānīyāt patriviṣṭeṣu pañcasu | brahmakṣatriyaviṭśūdrān hanyāt pratipadādiṣu ||

Sanskrit only: no published translation is held for this verse.

ग्रामान् पुरं च कोशं च पञ्चम्यादिष्व् अतस् त्रिषु । अष्टम्यां युवराजानां चमूपालान् हिनस्ति सह ॥

grāmān puraṃ ca kośaṃ ca pañcamyādiṣv atas triṣu | aṣṭamyāṃ yuvarājānāṃ camūpālān hinasti saha ||

Sanskrit only: no published translation is held for this verse.

नवम्यां च दशम्यां च एकादश्यां च पार्थिवान् । त्रयोदश्यां बलक्षोभो द्वादश्यां रुध्यते पुरम् ॥

navamyāṃ ca daśamyāṃ ca ekādaśyāṃ ca pārthivān | trayodaśyāṃ balakṣobho dvādaśyāṃ rudhyate puram ||

Sanskrit only: no published translation is held for this verse.