संरक्तश्यामकलुषो येषां भागो हतप्रभः । तेषां पराजयं विद्यात् स्निग्धे श्वेते च वै जयः ॥
saṃraktaśyāmakaluṣo yeṣāṃ bhāgo hataprabhaḥ | teṣāṃ parājayaṃ vidyāt snigdhe śvete ca vai jayaḥ ||
Sanskrit only: no published translation is held for this verse.
Library·Atharvavedaparisistas·63·63.5
Atharvavedaparisistas 63.5
येनयेनाभ्रवर्णेन योयो भागो ऽनुरज्यते । तत्तत् तेषां फलं विद्यात् तद् भूत्यादिषु कीर्तितम् ॥
yenayenābhravarṇena yoyo bhāgo 'nurajyate | tattat teṣāṃ phalaṃ vidyāt tad bhūtyādiṣu kīrtitam ||
Sanskrit only: no published translation is held for this verse.
छिद्राण्य् एतान्य् अतश् चाहुर् महान्ति विमलानि च । तैर् द्वारैः पार्थिवो यायात् पन्थानस् ते विकण्टकाः ॥
chidrāṇy etāny ataś cāhur mahānti vimalāni ca | tair dvāraiḥ pārthivo yāyāt panthānas te vikaṇṭakāḥ ||
Sanskrit only: no published translation is held for this verse.
कालाम्बुदपरिस्रावैर् ग्रहोदयनिमित्तकम् । इत्यर्थं जन्म सर्वेषां शेषम् उत्पातलक्षणम् ॥
kālāmbudaparisrāvair grahodayanimittakam | ityarthaṃ janma sarveṣāṃ śeṣam utpātalakṣaṇam ||
Sanskrit only: no published translation is held for this verse.
रौद्री सदक्षिणा शान्तिर् उत्पातेषु प्रकीर्तिता । समुच्चये तु विज्ञेया वैश्वदेव्य् अभया तथा ॥
raudrī sadakṣiṇā śāntir utpāteṣu prakīrtitā | samuccaye tu vijñeyā vaiśvadevy abhayā tathā ||
Sanskrit only: no published translation is held for this verse.
अथर्वोत्पातहृदयं ज्ञात्वा स्वयम् अनातुरः । प्रयुञ्जीत महाशान्तिं सर्वकल्मषनाशिनीम् ॥
atharvotpātahṛdayaṃ jñātvā svayam anāturaḥ | prayuñjīta mahāśāntiṃ sarvakalmaṣanāśinīm ||
Sanskrit only: no published translation is held for this verse.