ॐ भगवन् देवदेवेश सुरासुरनमस्कृत । गवां सर्वेषु रोगेषु प्रतिज्ञातेषु वै प्रभो ॥
oṃ bhagavan devadeveśa surāsuranamaskṛta | gavāṃ sarveṣu rogeṣu pratijñāteṣu vai prabho ||
Sanskrit only: no published translation is held for this verse.
Library·Atharvavedaparisistas·66
Atharvavedaparisistas 66
कथं शान्तिं द्विजः कुर्यात् केन मन्त्रेण प्रोक्षणम् । होममन्त्राश् च के प्रोक्ताः कस्मिंस् तन्त्रे प्रयोजयेत् ॥
kathaṃ śāntiṃ dvijaḥ kuryāt kena mantreṇa prokṣaṇam | homamantrāś ca ke proktāḥ kasmiṃs tantre prayojayet ||
Sanskrit only: no published translation is held for this verse.
उवाच परिपृष्टः सन् ब्रह्मा सर्वजगत्पतिः । शृण्वन्तु ऋषयः सर्वे गोशान्तिं महदुत्तमाम् ॥
uvāca paripṛṣṭaḥ san brahmā sarvajagatpatiḥ | śṛṇvantu ṛṣayaḥ sarve gośāntiṃ mahaduttamām ||
Sanskrit only: no published translation is held for this verse.
अथर्वविहितां सम्यक् सर्वरोगविनाशनीम् । यां श्रुत्वा सवरोगास् तु विद्रवन्ति सहस्रशः ॥
atharvavihitāṃ samyak sarvarogavināśanīm | yāṃ śrutvā savarogās tu vidravanti sahasraśaḥ ||
Sanskrit only: no published translation is held for this verse.
गोष्ठमध्ये गृहे वापि गोवाटे गोकुलान्तिले । आचार्यस् तु शुचिर् भूत्वा कारयेन् मण्डलं शुभम् ॥
goṣṭhamadhye gṛhe vāpi govāṭe gokulāntile | ācāryas tu śucir bhūtvā kārayen maṇḍalaṃ śubham ||
Sanskrit only: no published translation is held for this verse.
स्नातश् चाहतवासाश् च अहोरात्रोषितः शुचिः । चतुरश्रं चतुर्द्वारम् आलिखेत् तत्र मण्डलम् ॥
snātaś cāhatavāsāś ca ahorātroṣitaḥ śuciḥ | caturaśraṃ caturdvāram ālikhet tatra maṇḍalam ||
Sanskrit only: no published translation is held for this verse.
तस्य मध्ये तु देवेशं गोमयेन निधापयेत् । ततः क्षीरं घृतं चैव गुग्गुलुं चन्दनागुरुम् ॥
tasya madhye tu deveśaṃ gomayena nidhāpayet | tataḥ kṣīraṃ ghṛtaṃ caiva gugguluṃ candanāgurum ||
Sanskrit only: no published translation is held for this verse.
पुष्पाणि च सुगन्धीनि तथा वै सर्षपांस् तिलान् । लाजाश् च समिधश् चैव समाहृत्य विचक्षणः ॥
puṣpāṇi ca sugandhīni tathā vai sarṣapāṃs tilān | lājāś ca samidhaś caiva samāhṛtya vicakṣaṇaḥ ||
Sanskrit only: no published translation is held for this verse.
प्राणांस् तु तर्पयेत् तत्र दधिक्षीरघृतादिभिः । ततः शान्तिं प्रयुञ्जित नमस्कृत्वा स्वयंभुवम् ॥
prāṇāṃs tu tarpayet tatra dadhikṣīraghṛtādibhiḥ | tataḥ śāntiṃ prayuñjita namaskṛtvā svayaṃbhuvam ||
Sanskrit only: no published translation is held for this verse.
आज्यभागान्ताज्यतन्त्रम् अभ्यातानानि चैव हि ॥
ājyabhāgāntājyatantram abhyātānāni caiva hi ||
Sanskrit only: no published translation is held for this verse.
नमोज्ञाय सुरेशाय नमस् ते विश्वतोमुख । नमः कालाय तीक्ष्णाय [जटिलाय] सर्वभूतहिताय च ॥
namojñāya sureśāya namas te viśvatomukha | namaḥ kālāya tīkṣṇāya [jaṭilāya] sarvabhūtahitāya ca ||
Sanskrit only: no published translation is held for this verse.
ततः सर्षपतिललाजा ऊर्ध्वाः समिधश् च दधिमधुघृताक्ता जुहुयात् ॥
tataḥ sarṣapatilalājā ūrdhvāḥ samidhaś ca dadhimadhughṛtāktā juhuyāt ||
Sanskrit only: no published translation is held for this verse.
यजामि ॥ कालाय स्वाहा ॥ पिङ्गलाय तीक्ष्णाय जटिलाय बभ्रवे ॐ भूर् ॐ भुव ॐ स्वर् ॐ भूर् भुवः स्वर् जयविजयाय जयाधिपतये कपर्दिने करालाय विकटाय कटिरमाटरायाङ्गिरसबार्हस्पत्यककपिलमण्डलमुण्डजटिलकपालेश्वराधिपतये कपर्दिने स्वाहेति ॥
yajāmi || kālāya svāhā || piṅgalāya tīkṣṇāya jaṭilāya babhrave oṃ bhūr oṃ bhuva oṃ svar oṃ bhūr bhuvaḥ svar jayavijayāya jayādhipataye kapardine karālāya vikaṭāya kaṭiramāṭarāyāṅgirasabārhaspatyakakapilamaṇḍalamuṇḍajaṭilakapāleśvarādhipataye kapardine svāheti ||
Sanskrit only: no published translation is held for this verse.
एष कर्मसु तु गोशान्तेः संसृष्ट ऋषिभिः पुरा । प्रोक्ता स्वयंभुवा चैषा गोशान्तिस् तु हिताय वै ॥
eṣa karmasu tu gośānteḥ saṃsṛṣṭa ṛṣibhiḥ purā | proktā svayaṃbhuvā caiṣā gośāntis tu hitāya vai ||
Sanskrit only: no published translation is held for this verse.
यो विप्रः पठतीमां हि गोकुले चापि हिताय वै । गावस् तस्य प्रवर्धन्ते महतीं चाश्नुते श्रियम् ॥
yo vipraḥ paṭhatīmāṃ hi gokule cāpi hitāya vai | gāvas tasya pravardhante mahatīṃ cāśnute śriyam ||
Sanskrit only: no published translation is held for this verse.