Library·Atharvavedaparisistas·68·68.2
गृह्णीत समुद्गेन्द्विन्द्रवाय्वग्न्यर्कनदीं क्षितिम् । समुद्रं वाहिनीं द्वीपं लङ्घयेद् वा वसुंधराम् ॥
gṛhṇīta samudgendvindravāyvagnyarkanadīṃ kṣitim | samudraṃ vāhinīṃ dvīpaṃ laṅghayed vā vasuṃdharām ||
Sanskrit only: no published translation is held for this verse.
वाहिनीं चतुरङ्गां च जीवछत्त्रपताकिनीम् । दोर्भ्यां च प्रतिगृह्णीयात् तथाकेतुवसुंधराम् ॥
vāhinīṃ caturaṅgāṃ ca jīvachattrapatākinīm | dorbhyāṃ ca pratigṛhṇīyāt tathāketuvasuṃdharām ||
Sanskrit only: no published translation is held for this verse.
एकपुष्करिणीपर्णे सौवर्णे भाहने ऽपि वा । सर्पिषा पायसं भुङ्क्ते गां दुहन् यश् च बुध्यति ॥
ekapuṣkariṇīparṇe sauvarṇe bhāhane 'pi vā | sarpiṣā pāyasaṃ bhuṅkte gāṃ duhan yaś ca budhyati ||
Sanskrit only: no published translation is held for this verse.
परिवेषः स्वयं चन्द्रे यो ऽनवस्त्रवसुंधराम् । पर्वताग्रं समारुह्य क्षितिं यश् चावलोकयेत् ॥
pariveṣaḥ svayaṃ candre yo 'navastravasuṃdharām | parvatāgraṃ samāruhya kṣitiṃ yaś cāvalokayet ||
Sanskrit only: no published translation is held for this verse.
आ कण्ठं मज्जते यो हि मानवः शोणितार्णवे । रथेन सिंहयुक्तेन पर्वतं चाधिरोहति ॥
ā kaṇṭhaṃ majjate yo hi mānavaḥ śoṇitārṇave | rathena siṃhayuktena parvataṃ cādhirohati ||
Sanskrit only: no published translation is held for this verse.
महीं वा कम्पयेद् यस् तु चालयेद् वा पुनर् गिरीम् । श्वेतम् अश्वम् अथारुह्य पाण्डुरं वापु यो गजम् ॥
mahīṃ vā kampayed yas tu cālayed vā punar girīm | śvetam aśvam athāruhya pāṇḍuraṃ vāpu yo gajam ||
Sanskrit only: no published translation is held for this verse.
भुङ्क्ते पुष्करिणीपर्णे पायसं वापि सर्पिषा । अङ्गवृद्धिं शिरोवृद्धिं प्राप्नुयाद् यस् तु मानवः ॥
bhuṅkte puṣkariṇīparṇe pāyasaṃ vāpi sarpiṣā | aṅgavṛddhiṃ śirovṛddhiṃ prāpnuyād yas tu mānavaḥ ||
Sanskrit only: no published translation is held for this verse.
ब्राह्मणो वापि राजा वा स्वप्ने यद् अभिषेचयेत् । राजा तु पार्थिवो ज्ञेयः क्रोष्टुकेर् वचनं यथा ॥
brāhmaṇo vāpi rājā vā svapne yad abhiṣecayet | rājā tu pārthivo jñeyaḥ kroṣṭuker vacanaṃ yathā ||
Sanskrit only: no published translation is held for this verse.
शिरो वा छिद्यते यस्य विमानं शोणितं तथा । सेनापत्यं महच् चायुर् अर्थलाभं तथैव च ॥
śiro vā chidyate yasya vimānaṃ śoṇitaṃ tathā | senāpatyaṃ mahac cāyur arthalābhaṃ tathaiva ca ||
Sanskrit only: no published translation is held for this verse.
विभूषणं च विद्यां च कर्णछेदम् अवाप्नुयात् । हस्तछेदे लभेत् पुत्रं बाहुछेदे धनागमम् ॥
vibhūṣaṇaṃ ca vidyāṃ ca karṇachedam avāpnuyāt | hastachede labhet putraṃ bāhuchede dhanāgamam ||
Sanskrit only: no published translation is held for this verse.
उरः सहस्रलाभः स्यात् पादछेदे तथैव च । उरःप्रजननछेदे अत्यन्तं सुखं देधते ॥
uraḥ sahasralābhaḥ syāt pādachede tathaiva ca | uraḥprajananachede atyantaṃ sukhaṃ dedhate ||
Sanskrit only: no published translation is held for this verse.
छत्रादर्शफलोष्णीषशुक्लमाल्यागमे तथा । मत्स्यमांसदधिक्षीररुधिरागम एव च ॥
chatrādarśaphaloṣṇīṣaśuklamālyāgame tathā | matsyamāṃsadadhikṣīrarudhirāgama eva ca ||
Sanskrit only: no published translation is held for this verse.
शक्त्यङ्कुशपताकानां छत्त्रासिधनुषां तथा । विमलानां जलानां च पूर्वोक्तं तु निदर्शनम् ॥
śaktyaṅkuśapatākānāṃ chattrāsidhanuṣāṃ tathā | vimalānāṃ jalānāṃ ca pūrvoktaṃ tu nidarśanam ||
Sanskrit only: no published translation is held for this verse.
सूकरखरवाह्यानां वधश् चैकपशोर् अपि । नरयुक्तस्य यानस्य निक्षिप्तस्य गवस्य च ॥
sūkarakharavāhyānāṃ vadhaś caikapaśor api | narayuktasya yānasya nikṣiptasya gavasya ca ||
Sanskrit only: no published translation is held for this verse.
दर्शनं चाप्य् अदृष्टानाम् अगम्यागमनं तथा । क्षीरिणां फलम्वृक्षाणां दर्शनारोहणानि च ॥
darśanaṃ cāpy adṛṣṭānām agamyāgamanaṃ tathā | kṣīriṇāṃ phalamvṛkṣāṇāṃ darśanārohaṇāni ca ||
Sanskrit only: no published translation is held for this verse.
विषदर्शनदंस्पर्शो धान्येनोत्सङ्गपूरणम् । दस्युभिर् हन्यमानस्य रुदतः प्रतिबोधनम् ॥
viṣadarśanadaṃsparśo dhānyenotsaṅgapūraṇam | dasyubhir hanyamānasya rudataḥ pratibodhanam ||
Sanskrit only: no published translation is held for this verse.
द्विजेभ्यो दधिमांसस्य लाभः पिशितभक्षने । अभक्ष्यभक्षणे चापु श्वेतमाल्यानुलेपनम् ॥
dvijebhyo dadhimāṃsasya lābhaḥ piśitabhakṣane | abhakṣyabhakṣaṇe cāpu śvetamālyānulepanam ||
Sanskrit only: no published translation is held for this verse.
घातनं श्वापदानां च पाणौ च रुधिरागमः । अर्थलाभाय बोद्धव्यः सुहृन्मित्रसमागमः ॥
ghātanaṃ śvāpadānāṃ ca pāṇau ca rudhirāgamaḥ | arthalābhāya boddhavyaḥ suhṛnmitrasamāgamaḥ ||
Sanskrit only: no published translation is held for this verse.
लभते नात्र संदेहो भार्गवस्य वचो तथा । शुक्लाः सुमनसः कन्या दधि गोब्राह्मणं वृषम् ॥
labhate nātra saṃdeho bhārgavasya vaco tathā | śuklāḥ sumanasaḥ kanyā dadhi gobrāhmaṇaṃ vṛṣam ||
Sanskrit only: no published translation is held for this verse.
दैवतानि नृपाध्यक्षाः पाण्डुराणि गृहाणि च । सुहृदः सफला वृक्षा नक्षत्राण्य् अमलं जलम् ॥
daivatāni nṛpādhyakṣāḥ pāṇḍurāṇi gṛhāṇi ca | suhṛdaḥ saphalā vṛkṣā nakṣatrāṇy amalaṃ jalam ||
Sanskrit only: no published translation is held for this verse.
इष्टकल्याणशब्दाश् च शुक्लाम्बरधराः स्त्रियः । नभो विमलनक्षत्रं पावकं विषमार्चिषम् ॥
iṣṭakalyāṇaśabdāś ca śuklāmbaradharāḥ striyaḥ | nabho vimalanakṣatraṃ pāvakaṃ viṣamārciṣam ||
Sanskrit only: no published translation is held for this verse.
दृष्ट्वा यस् तत्क्षणं बुध्येत् तस्य कल्याणम् आदिशेत् । वृक्षान् गुल्मांश् च वल्लीश् च स्वगृहे पुष्पिता नरः ॥
dṛṣṭvā yas tatkṣaṇaṃ budhyet tasya kalyāṇam ādiśet | vṛkṣān gulmāṃś ca vallīś ca svagṛhe puṣpitā naraḥ ||
Sanskrit only: no published translation is held for this verse.
शुक्लवासाः स्त्रियश् चापि यः पश्येच् छ्रीस् तु तं भजेत् । विषशोणितदिग्धाङ्गः प्रीतीम् आप्नोति मानवः ॥
śuklavāsāḥ striyaś cāpi yaḥ paśyec chrīs tu taṃ bhajet | viṣaśoṇitadigdhāṅgaḥ prītīm āpnoti mānavaḥ ||
Sanskrit only: no published translation is held for this verse.
दीप्ताङ्गो लभते भूमिं वर्धमानाङ्ग एव च । परिवार्याभिरुदितो बान्धवैः करुणं नरः ॥
dīptāṅgo labhate bhūmiṃ vardhamānāṅga eva ca | parivāryābhirudito bāndhavaiḥ karuṇaṃ naraḥ ||
Sanskrit only: no published translation is held for this verse.
शोकार्तो लभते तुष्टिं मृतश् चायुर् अवाप्नुयात् । शुक्लमाल्याम्बरधरो दह्यमानः प्रलीयते ॥
śokārto labhate tuṣṭiṃ mṛtaś cāyur avāpnuyāt | śuklamālyāmbaradharo dahyamānaḥ pralīyate ||
Sanskrit only: no published translation is held for this verse.
यः स्वप्ने संभयेद् उग्रं पारक्यं सो ऽर्थम् आप्नुयात् । नागदन्तकमुद्रां च वीणां मालाञ्जनं तथा ॥
yaḥ svapne saṃbhayed ugraṃ pārakyaṃ so 'rtham āpnuyāt | nāgadantakamudrāṃ ca vīṇāṃ mālāñjanaṃ tathā ||
Sanskrit only: no published translation is held for this verse.
काञ्चनं पश्यते यस् तु तथा स्त्रीं लभते नरः । उड्डीयमानान् विहगान् तथा पुष्करिणीगतान् ॥
kāñcanaṃ paśyate yas tu tathā strīṃ labhate naraḥ | uḍḍīyamānān vihagān tathā puṣkariṇīgatān ||
Sanskrit only: no published translation is held for this verse.
मत्तं करेणुम् आरुह्य परस्त्रीं लभते नरः । कुमारीं लभते नारीम् आयसैर् निगडैर् नरः ॥
mattaṃ kareṇum āruhya parastrīṃ labhate naraḥ | kumārīṃ labhate nārīm āyasair nigaḍair naraḥ ||
Sanskrit only: no published translation is held for this verse.
बद्ध्वा नवां तु यो मालाम् उत्पालानां विबुध्यते । कवाटले च संयुक्ते तथैवोत्पलहस्तके ॥
baddhvā navāṃ tu yo mālām utpālānāṃ vibudhyate | kavāṭale ca saṃyukte tathaivotpalahastake ||
Sanskrit only: no published translation is held for this verse.
भृङ्गारो दर्पणो वापि लब्ध्वा पुत्रागमं वदेत् । तडागारामकूपानां पुरारञ्जनयोर् अपि ॥
bhṛṅgāro darpaṇo vāpi labdhvā putrāgamaṃ vadet | taḍāgārāmakūpānāṃ purārañjanayor api ||
Sanskrit only: no published translation is held for this verse.
पूर्णकुम्भस्य चादेश्यं वर्षम् उत्तरणाद् भ्रुवम् । चिपिटः कालको नग्नः श्रवणो मेहते यदि ॥
pūrṇakumbhasya cādeśyaṃ varṣam uttaraṇād bhruvam | cipiṭaḥ kālako nagnaḥ śravaṇo mehate yadi ||
Sanskrit only: no published translation is held for this verse.
विदिक्थः स्रवते चार्मिः स्वप्ने वर्षं समादिशेत् । सूकरीं महिषीं वापि हस्तिनीं शकुनीं तथा ॥
vidikthaḥ sravate cārmiḥ svapne varṣaṃ samādiśet | sūkarīṃ mahiṣīṃ vāpi hastinīṃ śakunīṃ tathā ||
Sanskrit only: no published translation is held for this verse.
स्वप्ने यदा प्रसूयेत सुभिक्षं निर्दिशेत् तदा । शयनासनयानानि गृहग्रामपुराणि च ॥
svapne yadā prasūyeta subhikṣaṃ nirdiśet tadā | śayanāsanayānāni gṛhagrāmapurāṇi ca ||
Sanskrit only: no published translation is held for this verse.
येषां स्वप्ने प्रलीयन्ते तेषां वृद्धिम् अथादिशेत् । गोवृषं पुरुषं वृक्षं हस्तिनं पर्वतं गृहम् ॥
yeṣāṃ svapne pralīyante teṣāṃ vṛddhim athādiśet | govṛṣaṃ puruṣaṃ vṛkṣaṃ hastinaṃ parvataṃ gṛham ||
Sanskrit only: no published translation is held for this verse.
नरस्यारोहणाद् वृद्धिः पाण्डुराणि विशेषतः । दैवतानि द्विजा गावः पितरो लिङ्गिनो ग्रहाः ॥
narasyārohaṇād vṛddhiḥ pāṇḍurāṇi viśeṣataḥ | daivatāni dvijā gāvaḥ pitaro liṅgino grahāḥ ||
Sanskrit only: no published translation is held for this verse.
यद् वदन्ति नरं स्वप्ने तत् तथैव विनिर्दिशेत् । सरित्सरसमुद्राणां तरणे शोकतारणम् ॥
yad vadanti naraṃ svapne tat tathaiva vinirdiśet | saritsarasamudrāṇāṃ taraṇe śokatāraṇam ||
Sanskrit only: no published translation is held for this verse.
नरस्य शोणितं पीत्वा प्रकृताण्ल् लभते नरः । चन्द्रेन्द्रध्वजसूर्याणां पतने नृपतेर् भयम् ॥
narasya śoṇitaṃ pītvā prakṛtāṇl labhate naraḥ | candrendradhvajasūryāṇāṃ patane nṛpater bhayam ||
Sanskrit only: no published translation is held for this verse.
महार्णवमहेन्द्राणां क्षोभे क्षोभं विनिर्दिशेत् । केशश्मश्रुनखानां च पतने शोकसंभवः ॥
mahārṇavamahendrāṇāṃ kṣobhe kṣobhaṃ vinirdiśet | keśaśmaśrunakhānāṃ ca patane śokasaṃbhavaḥ ||
Sanskrit only: no published translation is held for this verse.
कृमिणत्वं भवेद् धन्यं क्रोष्टुकेर् वचनं यथा । क्रव्यादैर् दम्ष्ट्रिभिश् चापि विनाशो भूतविग्रहे ॥
kṛmiṇatvaṃ bhaved dhanyaṃ kroṣṭuker vacanaṃ yathā | kravyādair damṣṭribhiś cāpi vināśo bhūtavigrahe ||
Sanskrit only: no published translation is held for this verse.
शस्त्रमुष्टिप्रहारेषु विजानीयाज् ज्वरागमम् । यद्यद् उज्ज्वलवद् द्रव्यं तत्तत् सुखकरं भवेत् ॥
śastramuṣṭiprahāreṣu vijānīyāj jvarāgamam | yadyad ujjvalavad dravyaṃ tattat sukhakaraṃ bhavet ||
Sanskrit only: no published translation is held for this verse.
यद्यद् विरुध्यते वापि स्वप्ने तत् तस्य निर्दिशेत् । [नोपानेन] प्रजातानां दर्शने स्थानम् आदिशेत् ॥
yadyad virudhyate vāpi svapne tat tasya nirdiśet | [nopānena] prajātānāṃ darśane sthānam ādiśet ||
Sanskrit only: no published translation is held for this verse.
उपानहबलछत्त्रदर्शने च ग्र्हे तथा । हसद्भिर् वा परिवृतो नृत्यद्भिः स्वजनैर् अपि ॥
upānahabalachattradarśane ca grhe tathā | hasadbhir vā parivṛto nṛtyadbhiḥ svajanair api ||
Sanskrit only: no published translation is held for this verse.
संयुक्तं सूकरखरैर् उष्ट्रैः कृष्णचतुष्पदैः । रथम् आरुह्य यो यायाद् अक्षतस् तु युगंधरः ॥
saṃyuktaṃ sūkarakharair uṣṭraiḥ kṛṣṇacatuṣpadaiḥ | ratham āruhya yo yāyād akṣatas tu yugaṃdharaḥ ||
Sanskrit only: no published translation is held for this verse.
प्रकीर्णकेशो ह्रियते दक्षिणेनापरेण वा । दक्षिणेनागता कन्या कालिकाकुलवासिनी ॥
prakīrṇakeśo hriyate dakṣiṇenāpareṇa vā | dakṣiṇenāgatā kanyā kālikākulavāsinī ||
Sanskrit only: no published translation is held for this verse.
नीयते पुरुषैर् यश् च पाशहस्तैर् विशेषतः । निरस्तानां विषमाणां प्रेतेनाकुशलं भवेत् ॥
nīyate puruṣair yaś ca pāśahastair viśeṣataḥ | nirastānāṃ viṣamāṇāṃ pretenākuśalaṃ bhavet ||
Sanskrit only: no published translation is held for this verse.
पिण्याकस्य तिलानां च कर्षासु लवणस्य च । रूढश्मश्रुनखानां च दुश्चेलानां च वाससाम् ॥
piṇyākasya tilānāṃ ca karṣāsu lavaṇasya ca | rūḍhaśmaśrunakhānāṃ ca duścelānāṃ ca vāsasām ||
Sanskrit only: no published translation is held for this verse.
विरागवाससां वापि विकृतानां तथैव च । सरीसृपाणां व्यालानां शत्रूणां चापि दर्शनम् ॥
virāgavāsasāṃ vāpi vikṛtānāṃ tathaiva ca | sarīsṛpāṇāṃ vyālānāṃ śatrūṇāṃ cāpi darśanam ||
Sanskrit only: no published translation is held for this verse.
कृष्णानां वापि सर्वेषां राजद्विजवृषाद् ऋते । दर्शनं गमनं वापि शोकम् आयासवेदनम् ॥
kṛṣṇānāṃ vāpi sarveṣāṃ rājadvijavṛṣād ṛte | darśanaṃ gamanaṃ vāpi śokam āyāsavedanam ||
Sanskrit only: no published translation is held for this verse.
पद्मैर् वा जलभाण्डैर् वा क्रीडितायासदर्शनम् । पद्मानि वाहरेत् स्वप्ने हस्तछेदम् अवाप्नुयात् ॥
padmair vā jalabhāṇḍair vā krīḍitāyāsadarśanam | padmāni vāharet svapne hastachedam avāpnuyāt ||
Sanskrit only: no published translation is held for this verse.
प्रसन्ने तु ध्रुवं शोको रज्जुछेदे म्रियेत सः । रूढस्य स्रोतसा शोको मृत्युः स्रिओतसि नश्यतः ॥
prasanne tu dhruvaṃ śoko rajjuchede mriyeta saḥ | rūḍhasya srotasā śoko mṛtyuḥ sriotasi naśyataḥ ||
Sanskrit only: no published translation is held for this verse.
दन्ता बाहुं तथा शीर्ष्णो छिन्नांशद्रव्यदर्शनम् । भ्रातरं पितरं वापि पुत्रं वा नाशयन्ति ते ॥
dantā bāhuṃ tathā śīrṣṇo chinnāṃśadravyadarśanam | bhrātaraṃ pitaraṃ vāpi putraṃ vā nāśayanti te ||
Sanskrit only: no published translation is held for this verse.
द्वारे वा सार्गले वापि शय्यां शखां तथैव च । स्वप्ने यस्य प्रनश्यन्ति भार्या तस्य विनश्यति ॥
dvāre vā sārgale vāpi śayyāṃ śakhāṃ tathaiva ca | svapne yasya pranaśyanti bhāryā tasya vinaśyati ||
Sanskrit only: no published translation is held for this verse.
कृकलासो वृको वापि पुरुषो वापि पिङ्गलः । शय्यां यस्याधिरोहन्ति भार्या तस्यापि दुष्यति ॥
kṛkalāso vṛko vāpi puruṣo vāpi piṅgalaḥ | śayyāṃ yasyādhirohanti bhāryā tasyāpi duṣyati ||
Sanskrit only: no published translation is held for this verse.
स्वप्ने यो मारयेत् सर्पं श्वेतपीतकलोहितम् । कृष्णस्य वा शिरश् छिन्द्यात् पुत्रस् तस्य विनश्यति ॥
svapne yo mārayet sarpaṃ śvetapītakalohitam | kṛṣṇasya vā śiraś chindyāt putras tasya vinaśyati ||
Sanskrit only: no published translation is held for this verse.
राजपुत्रश् च चोरश् च राजभृट्यश् च यो भवेत् । तस्य स्वप्नाः फलं दद्युर् एतेषु यद् उदाहृतम् ॥
rājaputraś ca coraś ca rājabhṛṭyaś ca yo bhavet | tasya svapnāḥ phalaṃ dadyur eteṣu yad udāhṛtam ||
Sanskrit only: no published translation is held for this verse.
येषां लाभे भवेद् वृद्धिस् तेषां नाशे गुणो भवेत् । येषां लाभे भवेद् धानिस् तेषां लाभे गुणो भवेत् ॥
yeṣāṃ lābhe bhaved vṛddhis teṣāṃ nāśe guṇo bhavet | yeṣāṃ lābhe bhaved dhānis teṣāṃ lābhe guṇo bhavet ||
Sanskrit only: no published translation is held for this verse.
शुभं दृष्ट्वा तु यः स्वप्ने पुनः पश्यत्य् अपूजितम् । शुभं वाप्य् अशुभं वापि यत् पश्चात् तत्फलं लभेत् ॥
śubhaṃ dṛṣṭvā tu yaḥ svapne punaḥ paśyaty apūjitam | śubhaṃ vāpy aśubhaṃ vāpi yat paścāt tatphalaṃ labhet ||
Sanskrit only: no published translation is held for this verse.
स्वप्नास् तु प्रथमे यामे संवत्सरविपाकिनः । द्वितीये ऽष्टसु मासेषु तृतीये तु तदर्धभाक् ॥
svapnās tu prathame yāme saṃvatsaravipākinaḥ | dvitīye 'ṣṭasu māseṣu tṛtīye tu tadardhabhāk ||
Sanskrit only: no published translation is held for this verse.
मासिको गोविसर्गे तु सद्यःपाकः प्रभातिके। कालः पञ्चस्व् अवस्थासु शर्वर्याः कीर्तितः पृथक् ॥
māsiko govisarge tu sadyaḥpākaḥ prabhātike. kālaḥ pañcasv avasthāsu śarvaryāḥ kīrtitaḥ pṛthak ||
Sanskrit only: no published translation is held for this verse.
विप्रेभ्यः शक्तितो दानं शान्तिः स्वष्ट्ययनादयः । विनाशयन्ति दुःस्वप्नं प्रातश् चाश्वत्थसेवनम् ॥
viprebhyaḥ śaktito dānaṃ śāntiḥ svaṣṭyayanādayaḥ | vināśayanti duḥsvapnaṃ prātaś cāśvatthasevanam ||
Sanskrit only: no published translation is held for this verse.
अश्वत्थसेवा तिलपात्रदानं गोस्पर्शनं ब्राह्मणतर्पणं च । शान्तिक्रिया स्वस्त्ययनक्रिया च दुःस्वप्नम् एतानि विनाशयन्ति ॥
aśvatthasevā tilapātradānaṃ gosparśanaṃ brāhmaṇatarpaṇaṃ ca | śāntikriyā svastyayanakriyā ca duḥsvapnam etāni vināśayanti ||
Sanskrit only: no published translation is held for this verse.
वस्नकनकदानदेवपूजागुरुगोष्ठनिषेवितानि कुर्युः । द्विजवृषब्ःगवाश्वपार्थिवानां दर्शनम् इतिहासमङ्गलाः स्युः ॥
vasnakanakadānadevapūjāgurugoṣṭhaniṣevitāni kuryuḥ | dvijavṛṣabḥgavāśvapārthivānāṃ darśanam itihāsamaṅgalāḥ syuḥ ||
Sanskrit only: no published translation is held for this verse.