Library·Atharvavedaparisistas·68·68.3
इमान् दृष्ट्वाशुभान् स्वप्नान् प्रातर् उत्थाय सत्वरः । नदीसंगमतोयेन मुखं संमार्ज्य तत्त्वतः ॥
imān dṛṣṭvāśubhān svapnān prātar utthāya satvaraḥ | nadīsaṃgamatoyena mukhaṃ saṃmārjya tattvataḥ ||
Sanskrit only: no published translation is held for this verse.
हिरण्यवर्णाभिर् उदकं शंतातीयमयोभुवा । अभिमन्त्र्य प्रयत्नेन मुखं संमार्ज्य तत्त्वतः ॥
hiraṇyavarṇābhir udakaṃ śaṃtātīyamayobhuvā | abhimantrya prayatnena mukhaṃ saṃmārjya tattvataḥ ||
Sanskrit only: no published translation is held for this verse.
यो न जीवः परो ऽपेहि विद्म ते स्वप्न वेदनम् । रोचना सर्षपा मृदा समित् सकुसुमं दधि ॥
yo na jīvaḥ paro 'pehi vidma te svapna vedanam | rocanā sarṣapā mṛdā samit sakusumaṃ dadhi ||
Sanskrit only: no published translation is held for this verse.
गाम् अजं कनकं सत्त्वं कुमारीं ब्राह्मणं शुभम् । अभिवन्द्य नृपो यायात् सुहृदांश् च मनोहरान् ॥
gām ajaṃ kanakaṃ sattvaṃ kumārīṃ brāhmaṇaṃ śubham | abhivandya nṛpo yāyāt suhṛdāṃś ca manoharān ||
Sanskrit only: no published translation is held for this verse.
यदा तु यात्रां नृपतिः कर्तुम् इच्छेद् विधानवित् । अथ स्वस्त्ययनैः [सौम्यैः सौम्यैस् तम् अभिमन्त्रयेत् ॥
yadā tu yātrāṃ nṛpatiḥ kartum icched vidhānavit | atha svastyayanaiḥ [saumyaiḥ saumyais tam abhimantrayet ||
Sanskrit only: no published translation is held for this verse.
ततः शुक्लाम्बरधरो वाग्यतः संयतेन्द्रियः । तां निशं संविशेद् राजा भूमौ चैवाभिमन्त्रयेत् ॥
tataḥ śuklāmbaradharo vāgyataḥ saṃyatendriyaḥ | tāṃ niśaṃ saṃviśed rājā bhūmau caivābhimantrayet ||
Sanskrit only: no published translation is held for this verse.
[अन्यथैव हि न स्वप्नदर्शनार्थनिदर्शनम्] । एवम् उक्त्वा नरपतिः प्रयतात्मा ततः स्वपेत् ॥
[anyathaiva hi na svapnadarśanārthanidarśanam] | evam uktvā narapatiḥ prayatātmā tataḥ svapet ||
Sanskrit only: no published translation is held for this verse.
प्रशस्तस्वप्नतां दृष्ट्वा ततो यायान् नराधिपः । स्वप्नेषु वाप्रशस्त्रेषु ततः शान्तिं समारभेत् ॥
praśastasvapnatāṃ dṛṣṭvā tato yāyān narādhipaḥ | svapneṣu vāpraśastreṣu tataḥ śāntiṃ samārabhet ||
Sanskrit only: no published translation is held for this verse.
माहेन्द्रीम् अमृतां रौद्रीं कुर्याद् वाप्य् अपराजिताम् । कौबेरीं वा प्रयुञ्जीत आदित्यां वा सदक्षिणाम् ॥
māhendrīm amṛtāṃ raudrīṃ kuryād vāpy aparājitām | kauberīṃ vā prayuñjīta ādityāṃ vā sadakṣiṇām ||
Sanskrit only: no published translation is held for this verse.
रजनिकरदिवाकरौ कराभ्यां स्पृशति यदा ग्रसते ऽथ वा नरेन्द्रः । लवणजलनिधिं नदीं च दोर्भ्यां तरति ह्रदापदकर्दमं तमो वा ॥
rajanikaradivākarau karābhyāṃ spṛśati yadā grasate 'tha vā narendraḥ | lavaṇajalanidhiṃ nadīṃ ca dorbhyāṃ tarati hradāpadakardamaṃ tamo vā ||
Sanskrit only: no published translation is held for this verse.
नरतुरगमहीरुहान् नगान् वा भवनचरान् न विरोहयेद् गजान् वा । ज्वलनमरणकालवृद्धयोगान् यदि नृप आत्मगतांश् च पश्यतीह ॥
naraturagamahīruhān nagān vā bhavanacarān na virohayed gajān vā | jvalanamaraṇakālavṛddhayogān yadi nṛpa ātmagatāṃś ca paśyatīha ||
Sanskrit only: no published translation is held for this verse.
यदि च नृपतिर् आत्मनो ऽभ्रचारैर् भ्रमति महीं सपुरां परिक्षिपेत् । यदि च स चिरमग्नगात्रमात्रो भ्रमति नृपो ग्रसते ऽथ मेदिनीं वा ॥
yadi ca nṛpatir ātmano 'bhracārair bhramati mahīṃ sapurāṃ parikṣipet | yadi ca sa ciramagnagātramātro bhramati nṛpo grasate 'tha medinīṃ vā ||
Sanskrit only: no published translation is held for this verse.
यदि च जयति दम्ष्ट्रिणो नरान् वा यदि च भवेत् सितमाल्यदानधारी । यदि च रुदिति चैवम् आदि दृष्ट्वा परविषयं हृषितस् ततस् तु यायात् ॥
yadi ca jayati damṣṭriṇo narān vā yadi ca bhavet sitamālyadānadhārī | yadi ca ruditi caivam ādi dṛṣṭvā paraviṣayaṃ hṛṣitas tatas tu yāyāt ||
Sanskrit only: no published translation is held for this verse.