Atharvavedaparisistas 68.4

स कलुषसलिलावपांसुमग्नो मधुघ् ऋततैलवसाप्रदिग्धगात्रः । मलिनवसनजीर्णरक्तवासा यदि सुमनोभिर् अलंकृतः स्वयं वा ॥

sa kaluṣasalilāvapāṃsumagno madhugh ṛtatailavasāpradigdhagātraḥ | malinavasanajīrṇaraktavāsā yadi sumanobhir alaṃkṛtaḥ svayaṃ vā ||

Sanskrit only: no published translation is held for this verse.

स्वपिति जयति खादति प्रहृष्टो विलपति नर्तति गायनप्रहासैः । भवति च मुदितो लभेत कन्यां यदि नृपतिर् नयशो भवेज् जयार्थी ॥

svapiti jayati khādati prahṛṣṭo vilapati nartati gāyanaprahāsaiḥ | bhavati ca mudito labheta kanyāṃ yadi nṛpatir nayaśo bhavej jayārthī ||

Sanskrit only: no published translation is held for this verse.

मयखरसूकरवानराधिरूढो हृतमुकुटाङ्गदवस्त्रचिह्ननग्नः । विनिहततुरगद्विपो नरेन्द्रो यदि पतितध्वजवांस् ततो न यायात् ॥

mayakharasūkaravānarādhirūḍho hṛtamukuṭāṅgadavastracihnanagnaḥ | vinihataturagadvipo narendro yadi patitadhvajavāṃs tato na yāyāt ||

Sanskrit only: no published translation is held for this verse.

नरपतिर् अपराजितः परैर् यो यदि च परैः परिहस्यते मदद्भिः । यदि च भवति दुर्दृशोग्ररूपो <अथ> न स ईदृशकः परान् प्रयायात् ॥

narapatir aparājitaḥ parair yo yadi ca paraiḥ parihasyate madadbhiḥ | yadi ca bhavati durdṛśograrūpo <atha> na sa īdṛśakaḥ parān prayāyāt ||

Sanskrit only: no published translation is held for this verse.

स्वप्नान् दृष्ट्वा शुभान् राजा जपद्भिर् अभिमन्त्रितः । युक्तः स शकुनैर् भूप उत्पातगणवर्जितः ॥

svapnān dṛṣṭvā śubhān rājā japadbhir abhimantritaḥ | yuktaḥ sa śakunair bhūpa utpātagaṇavarjitaḥ ||

Sanskrit only: no published translation is held for this verse.

सहायवान् सुसंनद्धो निमित्तज्ञैः समन्वितः । सुमुहूर्ते सुनक्षत्रे प्रयायाद् वसुधाधिपः ॥

sahāyavān susaṃnaddho nimittajñaiḥ samanvitaḥ | sumuhūrte sunakṣatre prayāyād vasudhādhipaḥ ||

Sanskrit only: no published translation is held for this verse.