Library·Atharvavedaparisistas·68·68.5
तैलाभ्यक्तश् च कृसरां भुङ्क्ते तैलपरिप्लुताम् । मातरं प्रविशेद् यश् च ज्वलितं च हुताशनम् ॥
tailābhyaktaś ca kṛsarāṃ bhuṅkte tailapariplutām | mātaraṃ praviśed yaś ca jvalitaṃ ca hutāśanam ||
Sanskrit only: no published translation is held for this verse.
प्रासदात् पर्वताग्राद् वा पतेद् यश् चापि मानवः । मग्नः कर्दमकूपेषु जले यश् चापि नश्यति ॥
prāsadāt parvatāgrād vā pated yaś cāpi mānavaḥ | magnaḥ kardamakūpeṣu jale yaś cāpi naśyati ||
Sanskrit only: no published translation is held for this verse.
द्रुमम् उन्मूलयेद् यस् तु पश्येद् राज्ञोपसेवकम् । कुमारीवदने यश् च वानरीं वाधिगच्छति ॥
drumam unmūlayed yas tu paśyed rājñopasevakam | kumārīvadane yaś ca vānarīṃ vādhigacchati ||
Sanskrit only: no published translation is held for this verse.
रक्तकण्ठगते वापि यस्य कण्ठे विसर्जति । विवर्णो वापि पाशैर् यो बध्यते म्रियते तु सः ॥
raktakaṇṭhagate vāpi yasya kaṇṭhe visarjati | vivarṇo vāpi pāśair yo badhyate mriyate tu saḥ ||
Sanskrit only: no published translation is held for this verse.
कांस्यं वा कांस्यपात्रीं वा यस्य तेजो ऽधिरोहति । अचिरेणैव कालेन सो ऽसिना वध्यते नरः ॥
kāṃsyaṃ vā kāṃsyapātrīṃ vā yasya tejo 'dhirohati | acireṇaiva kālena so 'sinā vadhyate naraḥ ||
Sanskrit only: no published translation is held for this verse.
यूपाग्रम् अधिरुह्याथ नावाग्रम् अधिरोहति । अचिरेणैव कालेन शूलाग्रं सो ऽधिरोहति ॥
yūpāgram adhiruhyātha nāvāgram adhirohati | acireṇaiva kālena śūlāgraṃ so 'dhirohati ||
Sanskrit only: no published translation is held for this verse.
मुण्डः काषायवासो वा श्वेतरक्तपटो ऽपि वा । स्वप्ने यस्याधिरोहन्ति व्याधिस् तस्याधिरोहति ॥
muṇḍaḥ kāṣāyavāso vā śvetaraktapaṭo 'pi vā | svapne yasyādhirohanti vyādhis tasyādhirohati ||
Sanskrit only: no published translation is held for this verse.
श्वा वा अजगरो गोधा तरक्षु शल्यको ऽपि वा । कृकलासो रुरुर् व्याघ्रो द्वीपी यस्याधिरोहति ॥
śvā vā ajagaro godhā tarakṣu śalyako 'pi vā | kṛkalāso rurur vyāghro dvīpī yasyādhirohati ||
Sanskrit only: no published translation is held for this verse.
अहिश् च रौद्रजटिलः श्वेतरक्तपटो ऽपि वा । स्वप्ने यम् उपतिष्ठन्ति व्याधिस् तम् उपतिष्ठति ॥
ahiś ca raudrajaṭilaḥ śvetaraktapaṭo 'pi vā | svapne yam upatiṣṭhanti vyādhis tam upatiṣṭhati ||
Sanskrit only: no published translation is held for this verse.
महीभस्मप्रदिग्धाङ्गो निरावरण एव च । समस्यानां सजातानाम् उत्सवानां च दर्शनम् ॥
mahībhasmapradigdhāṅgo nirāvaraṇa eva ca | samasyānāṃ sajātānām utsavānāṃ ca darśanam ||
Sanskrit only: no published translation is held for this verse.
दुर्गम् अध्वानगमनम् अनूपानां च सेवनम् । अभ्यङ्गश् चैव गात्राणां तिलगोमयकर्दमैः ॥
durgam adhvānagamanam anūpānāṃ ca sevanam | abhyaṅgaś caiva gātrāṇāṃ tilagomayakardamaiḥ ||
Sanskrit only: no published translation is held for this verse.
सुवर्णमणिमुक्तानि भूषणं रजतानि च । दर्शनं वाप्य् अथैतेषां व्याधीनां संप्रवेशनम् ॥
suvarṇamaṇimuktāni bhūṣaṇaṃ rajatāni ca | darśanaṃ vāpy athaiteṣāṃ vyādhīnāṃ saṃpraveśanam ||
Sanskrit only: no published translation is held for this verse.
गायनं नर्तनं हास्यं विवाहकरणं तथा । आनन्दश् च प्रमोदश् च व्यसनस्य च दर्शनम् ॥
gāyanaṃ nartanaṃ hāsyaṃ vivāhakaraṇaṃ tathā | ānandaś ca pramodaś ca vyasanasya ca darśanam ||
Sanskrit only: no published translation is held for this verse.
पुराणघृतदिग्धाङ्गो नरो मरणम् आप्नुयात् । एवम् उक्ता महोत्पाता विविधाः पूर्वचोदितः ॥
purāṇaghṛtadigdhāṅgo naro maraṇam āpnuyāt | evam uktā mahotpātā vividhāḥ pūrvacoditaḥ ||
Sanskrit only: no published translation is held for this verse.
उल्काभेदास् तथा पञ्च परिवेषा नव स्मृताः । दिग्दाहो ऽष्टविधः प्रोक्तो विद्युद् अष्टविधा तथा ॥
ulkābhedās tathā pañca pariveṣā nava smṛtāḥ | digdāho 'ṣṭavidhaḥ prokto vidyud aṣṭavidhā tathā ||
Sanskrit only: no published translation is held for this verse.
चत्वारो भूमिकम्पाश् च निर्घातो ऽष्टविधस् तथा । विंशती द्वे च विज्ञेया भेदा ह्य् उल्कादिषु स्मृताः ॥
catvāro bhūmikampāś ca nirghāto 'ṣṭavidhas tathā | viṃśatī dve ca vijñeyā bhedā hy ulkādiṣu smṛtāḥ ||
Sanskrit only: no published translation is held for this verse.
महोत्पाताश् च बहवः शान्तियोगेषु कीर्तिताः । तेषु सर्वेषु विधिवच् छान्तिकामो नराधिपः ॥
mahotpātāś ca bahavaḥ śāntiyogeṣu kīrtitāḥ | teṣu sarveṣu vidhivac chāntikāmo narādhipaḥ ||
Sanskrit only: no published translation is held for this verse.
अथर्वाणं च वृणुयात् सर्वशास्त्रविदं नृपः । स वृतो भयभीतेन शमनार्थं महात्मना ॥
atharvāṇaṃ ca vṛṇuyāt sarvaśāstravidaṃ nṛpaḥ | sa vṛto bhayabhītena śamanārthaṃ mahātmanā ||
Sanskrit only: no published translation is held for this verse.
प्रजानाम् अभयं सम्यग् दापयेत् पृथिवीपतिः । अनन्तरं गवां पूजा ब्राह्मणानां विशेषतः ॥
prajānām abhayaṃ samyag dāpayet pṛthivīpatiḥ | anantaraṃ gavāṃ pūjā brāhmaṇānāṃ viśeṣataḥ ||
Sanskrit only: no published translation is held for this verse.
देवतायतने सद्यो दोहान् भूमौ प्रकारयेत् । सततं चानुलिप्यस् तु पुष्पैर् धूपैर् यथोदितैः ॥
devatāyatane sadyo dohān bhūmau prakārayet | satataṃ cānulipyas tu puṣpair dhūpair yathoditaiḥ ||
Sanskrit only: no published translation is held for this verse.
प्रदीपैर् विविधैः शुभ्रैः सर्वदिक्षुप्रकल्पितैः । तथा बल्युपहारैश् च पायसापूपसंयुतैः ॥
pradīpair vividhaiḥ śubhraiḥ sarvadikṣuprakalpitaiḥ | tathā balyupahāraiś ca pāyasāpūpasaṃyutaiḥ ||
Sanskrit only: no published translation is held for this verse.
हृद्यैर् बहुविधैर् भक्षैः सर्वदिक्षुप्रकल्पितैः । तस्मिन्न् एवान्तरे शान्ते गोष्ठे वा जलसंनिधौ ॥
hṛdyair bahuvidhair bhakṣaiḥ sarvadikṣuprakalpitaiḥ | tasminn evāntare śānte goṣṭhe vā jalasaṃnidhau ||
Sanskrit only: no published translation is held for this verse.
निर्गत्य नगराद् वापि शुचौ देशे समाहितः । वृणुयाच् छान्तितत्त्वज्ञान् उत्पातविहिताञ् शुभान् ॥
nirgatya nagarād vāpi śucau deśe samāhitaḥ | vṛṇuyāc chāntitattvajñān utpātavihitāñ śubhān ||
Sanskrit only: no published translation is held for this verse.
षोडशाष्टौ वृतास् ते च पुरश्चरणशोधिताः । अङ्गानि कुर्युर् अन्ये च शतसंख्या द्विजोत्तमाः ॥
ṣoḍaśāṣṭau vṛtās te ca puraścaraṇaśodhitāḥ | aṅgāni kuryur anye ca śatasaṃkhyā dvijottamāḥ ||
Sanskrit only: no published translation is held for this verse.
उदयास्ते सुखासीना जपं कुर्युर् अतन्द्रिताः । ते सदस्या इति प्रोक्ता वाचने यज्ञकर्मणि ॥
udayāste sukhāsīnā japaṃ kuryur atandritāḥ | te sadasyā iti proktā vācane yajñakarmaṇi ||
Sanskrit only: no published translation is held for this verse.
तेषां वरिष्ठः शान्तिज्ञ उपद्रष्टा मनोहरः । सर्वकर्मसु वेत्ता य आनयेत् सो ऽप्य् अथादरात् ॥
teṣāṃ variṣṭhaḥ śāntijña upadraṣṭā manoharaḥ | sarvakarmasu vettā ya ānayet so 'py athādarāt ||
Sanskrit only: no published translation is held for this verse.
भूमिं संशोध्य विधिवत् कृत्वा तत्र च मण्डपम् । विधिवत् कल्पयेद् वेदिं यज्ञपात्राणि च स्वयम् ॥
bhūmiṃ saṃśodhya vidhivat kṛtvā tatra ca maṇḍapam | vidhivat kalpayed vediṃ yajñapātrāṇi ca svayam ||
Sanskrit only: no published translation is held for this verse.
एवं यथोक्तविधिना अग्निमन्थनपूर्वकाम् । महाशान्तिं प्रयुञ्जीत सर्वोपद्रवनाशिनीम् ॥
evaṃ yathoktavidhinā agnimanthanapūrvakām | mahāśāntiṃ prayuñjīta sarvopadravanāśinīm ||
Sanskrit only: no published translation is held for this verse.
अन्नैर् वस्त्रैश् च विविधैः संयुक्तां बहुदक्षिणाम् । कारयित्वा महाशान्तिं वरं गां च निवेदयेत् ॥
annair vastraiś ca vividhaiḥ saṃyuktāṃ bahudakṣiṇām | kārayitvā mahāśāntiṃ varaṃ gāṃ ca nivedayet ||
Sanskrit only: no published translation is held for this verse.
गृहम् आभरणं छत्त्रम् अनडुद्वाजिनं तथा । कुञ्जरं वा तथा दत्त्वा घण्ताभरणभूषितम् ॥
gṛham ābharaṇaṃ chattram anaḍudvājinaṃ tathā | kuñjaraṃ vā tathā dattvā ghaṇtābharaṇabhūṣitam ||
Sanskrit only: no published translation is held for this verse.
महत् सुखम् अवाप्नोति कार्यसिद्धिं च विन्दति । कार्यसिद्धिं च विन्दति ॥
mahat sukham avāpnoti kāryasiddhiṃ ca vindati | kāryasiddhiṃ ca vindati ||
Sanskrit only: no published translation is held for this verse.