न लभेद् यद्य् अथर्वाणं कुर्याद् दशगुणं स्वयम् । महाव्याहृतिहोमं च सावित्रं जपम् एव च ॥
na labhed yady atharvāṇaṃ kuryād daśaguṇaṃ svayam | mahāvyāhṛtihomaṃ ca sāvitraṃ japam eva ca ||
Sanskrit only: no published translation is held for this verse.
Library·Atharvavedaparisistas·69·69.3
Atharvavedaparisistas 69.3
विकृताङ्गो ऽधिकाङ्गो वा जातो हीनाङ्गो एव वा । कुलस्याद्भुतम् अत्यर्थं तद् अथर्वा शमं नयेत् ॥
vikṛtāṅgo 'dhikāṅgo vā jāto hīnāṅgo eva vā | kulasyādbhutam atyarthaṃ tad atharvā śamaṃ nayet ||
Sanskrit only: no published translation is held for this verse.
कप्युष्ट्रेभगवादीनां जायन्ते ऽङ्गमुखैः समाः । यस्मिन् राष्ट्रे नृपस् तत्र षण्मासाद्द् हि विनश्यति ॥
kapyuṣṭrebhagavādīnāṃ jāyante 'ṅgamukhaiḥ samāḥ | yasmin rāṣṭre nṛpas tatra ṣaṇmāsādd hi vinaśyati ||
Sanskrit only: no published translation is held for this verse.
कप्यादयो व जायन्ते अन्यस्य तुल्यगात्रकाः । वृक्षे ऽन्यवृक्षजं पुष्पं जायते फलम् एव वा ॥
kapyādayo va jāyante anyasya tulyagātrakāḥ | vṛkṣe 'nyavṛkṣajaṃ puṣpaṃ jāyate phalam eva vā ||
Sanskrit only: no published translation is held for this verse.
द्विजोत्तमम् अथर्वाणं तत्रेच्छेच् छान्तिम् आत्मनः । कारयेत महाशान्तिं राष्ट्रस्य च पुरस्य च ॥
dvijottamam atharvāṇaṃ tatrecchec chāntim ātmanaḥ | kārayeta mahāśāntiṃ rāṣṭrasya ca purasya ca ||
Sanskrit only: no published translation is held for this verse.