Atharvavedaparisistas 69.5

वन्ध्या वा मृतवत्सा या दुर्भगा स्त्रीप्रसू च या । सकृत्प्रसूता या नारी गर्भं गृह्णाति नैव च ॥

vandhyā vā mṛtavatsā yā durbhagā strīprasū ca yā | sakṛtprasūtā yā nārī garbhaṃ gṛhṇāti naiva ca ||

Sanskrit only: no published translation is held for this verse.

सूतिकाले ऽप्य् अतिक्रान्ते गर्भे स्फुरणवत्य् अपि । न सूतिं लभते या तु बहुपुत्रीयते च या ॥

sūtikāle 'py atikrānte garbhe sphuraṇavaty api | na sūtiṃ labhate yā tu bahuputrīyate ca yā ||

Sanskrit only: no published translation is held for this verse.

कृषीवलः कृषीवलं जयत्य् आयुधजीव्य् अपि । जयाप्सुर् व्यवहारे वा सौभाग्यं सार्वभौतिकम् ॥

kṛṣīvalaḥ kṛṣīvalaṃ jayaty āyudhajīvy api | jayāpsur vyavahāre vā saubhāgyaṃ sārvabhautikam ||

Sanskrit only: no published translation is held for this verse.

अथापहन्तुं भयम् एवमादिकं यदाभिलष्येत् फलम् उक्तम् एव वा । तदाङ्गिरस्यं वरमन्त्रसंपदा स्फुरन्तम् उच्चैः शरणं व्रजेद् द्विजम् ॥

athāpahantuṃ bhayam evamādikaṃ yadābhilaṣyet phalam uktam eva vā | tadāṅgirasyaṃ varamantrasaṃpadā sphurantam uccaiḥ śaraṇaṃ vrajed dvijam ||

Sanskrit only: no published translation is held for this verse.

रात्रौ द्विछायवृक्षं वा कुस्वप्नं वापि रिष्टदम् । दिवा ग्रहान् निरीक्षेत भूमिकम्पैवमादिकम् ॥

rātrau dvichāyavṛkṣaṃ vā kusvapnaṃ vāpi riṣṭadam | divā grahān nirīkṣeta bhūmikampaivamādikam ||

Sanskrit only: no published translation is held for this verse.