उपस्थितं मृत्युम् अपि द्विजोत्तमः शमं नयेत् । अधीत्याथर्वाङ्गिरसस् तादृशम् आधृतव्रतः ॥
upasthitaṃ mṛtyum api dvijottamaḥ śamaṃ nayet | adhītyātharvāṅgirasas tādṛśam ādhṛtavrataḥ ||
Sanskrit only: no published translation is held for this verse.
Library·Atharvavedaparisistas·69·69.8
Atharvavedaparisistas 69.8
द्युतिं प्रभां सदा स्फुरन् मन्त्रपवित्रवान् नरः । नृपे धनिनि चान्यत्र शान्त्याप्त्वा दक्षिणां बुधः ॥
dyutiṃ prabhāṃ sadā sphuran mantrapavitravān naraḥ | nṛpe dhanini cānyatra śāntyāptvā dakṣiṇāṃ budhaḥ ||
Sanskrit only: no published translation is held for this verse.
सीदन् कुटुम्बकः पोषं गृहीत्वान्यत् समुत्सृजेत् । त्रिः संहितां हविष्याद्यं जपेत् कृच्छ्रं च शुद्धये ॥
sīdan kuṭumbakaḥ poṣaṃ gṛhītvānyat samutsṛjet | triḥ saṃhitāṃ haviṣyādyaṃ japet kṛcchraṃ ca śuddhaye ||
Sanskrit only: no published translation is held for this verse.
सावित्रीलक्षम् अयुतं सहसरम् अथ चोत्तरम् । जप्त्वा दशांशको होमः कार्यो दोषानुसारतः ॥
sāvitrīlakṣam ayutaṃ sahasaram atha cottaram | japtvā daśāṃśako homaḥ kāryo doṣānusārataḥ ||
Sanskrit only: no published translation is held for this verse.
शतीरनिर्मलो यस् तु नार्चितो ऽपि द्विजोत्तरम् । अमत्सरी नितान्तं यः सो ऽत्र शान्तिं समारभेत् ॥
śatīranirmalo yas tu nārcito 'pi dvijottaram | amatsarī nitāntaṃ yaḥ so 'tra śāntiṃ samārabhet ||
Sanskrit only: no published translation is held for this verse.
एवंविधो ऽङ्गिरा यत्र यानि साध्यानि साधयेत् । न न्यूनं तत्र किंचित् स्याद् इति तद् भृगुभाषितम् ॥
evaṃvidho 'ṅgirā yatra yāni sādhyāni sādhayet | na nyūnaṃ tatra kiṃcit syād iti tad bhṛgubhāṣitam ||
Sanskrit only: no published translation is held for this verse.
लघुशान्त्युदकविधिना गायत्र्या वापु अथर्वकः । कुर्यात् सर्वम् इदं जानन्न् अथर्वहृदयं बुधः ॥
laghuśāntyudakavidhinā gāyatryā vāpu atharvakaḥ | kuryāt sarvam idaṃ jānann atharvahṛdayaṃ budhaḥ ||
Sanskrit only: no published translation is held for this verse.