Library·Atharvavedaparisistas·7
ॐ न सुष्वाप पुरा शक्रो दानवानां पुरोधसा । प्रयुक्तैर् औषधैर् योगैर् मन्त्राणां जपहोमतः ॥
oṃ na suṣvāpa purā śakro dānavānāṃ purodhasā | prayuktair auṣadhair yogair mantrāṇāṃ japahomataḥ ||
Sanskrit only: no published translation is held for this verse.
प्रणिपत्य बृहस्पतिम् अथर्वाणं पुरंदरः । दानवैः परिभूतो ऽहं त्राहि माम् इत्य् उवाच ह ॥
praṇipatya bṛhaspatim atharvāṇaṃ puraṃdaraḥ | dānavaiḥ paribhūto 'haṃ trāhi mām ity uvāca ha ||
Sanskrit only: no published translation is held for this verse.
ततो ऽसाव् एवम् उक्तस् तु प्रभूतबलवर्धनम् । आरोग्यदं भूतिकरं क्षुद्रोपद्रवनाशनम् ॥
tato 'sāv evam uktas tu prabhūtabalavardhanam | ārogyadaṃ bhūtikaraṃ kṣudropadravanāśanam ||
Sanskrit only: no published translation is held for this verse.
आरात्रिकं हि कर्तव्यं तस्य त्रातुम् इदं तदा । कृत्वा पिष्टमयं दीपं सुवर्तिस्नेहसंयुतम् ॥
ārātrikaṃ hi kartavyaṃ tasya trātum idaṃ tadā | kṛtvā piṣṭamayaṃ dīpaṃ suvartisnehasaṃyutam ||
Sanskrit only: no published translation is held for this verse.
अति निहः प्रान्यान् इति द्वाभ्याम् एनं प्रदीपयेत् । पात्रे सपुष्पे संस्थाप्य सर्षपांश् च सहाक्षतैः ॥
ati nihaḥ prānyān iti dvābhyām enaṃ pradīpayet | pātre sapuṣpe saṃsthāpya sarṣapāṃś ca sahākṣataiḥ ||
Sanskrit only: no published translation is held for this verse.
प्रियङ्गुं शतपुष्पां च दूर्वां चैव शतावरीम् । सपापहारिणीं भूतिं तत्रैव च बलिं न्यसेत् ॥
priyaṅguṃ śatapuṣpāṃ ca dūrvāṃ caiva śatāvarīm | sapāpahāriṇīṃ bhūtiṃ tatraiva ca baliṃ nyaset ||
Sanskrit only: no published translation is held for this verse.
अप्सरोभिः परिवृतो गुरुर् गत्वा पुरंदरम् । प्राप्तसत्त्वं सुमनसम् आसने प्रान्मुखं स्थितम् ॥
apsarobhiḥ parivṛto gurur gatvā puraṃdaram | prāptasattvaṃ sumanasam āsane prānmukhaṃ sthitam ||
Sanskrit only: no published translation is held for this verse.
प्रेतो यन्त्व् एकशतं च दीपं समभिमन्त्रयेत् । त्रिः परिभ्रामयेद् राज्ञो मन्त्रेणाथ सुमङ्गलम् ॥
preto yantv ekaśataṃ ca dīpaṃ samabhimantrayet | triḥ paribhrāmayed rājño mantreṇātha sumaṅgalam ||
Sanskrit only: no published translation is held for this verse.
शाम्यन्त्य् अस्य ततो रोगा ग्रहा विघ्नविनायकाः । स्वस्त्य् अस्तु न्र्पराष्ट्राय स्वस्ति गोब्राह्मणाय च ॥
śāmyanty asya tato rogā grahā vighnavināyakāḥ | svasty astu nrparāṣṭrāya svasti gobrāhmaṇāya ca ||
Sanskrit only: no published translation is held for this verse.
ततस् तु शङ्खध्वनिना दीपं गृहीत्वा सतोयधारां प्रयतो ऽपि निर्हरेत् । पुरोहितो ज्योतिषिको ऽपि वा स्वयं हितैषिनी धात्र्य् अथर्वो (पकारिता ॥
tatas tu śaṅkhadhvaninā dīpaṃ gṛhītvā satoyadhārāṃ prayato 'pi nirharet | purohito jyotiṣiko 'pi vā svayaṃ hitaiṣinī dhātry atharvo (pakāritā ||
Sanskrit only: no published translation is held for this verse.
आचाम्याथ ह राजानम् आचम्यादौ पुरोहितः । ब्राह्मणाय यथाशक्ति रुक्मं प्रातः प्रदापयेत् ॥
ācāmyātha ha rājānam ācamyādau purohitaḥ | brāhmaṇāya yathāśakti rukmaṃ prātaḥ pradāpayet ||
Sanskrit only: no published translation is held for this verse.
मूलकर्मादिकं तस्य पञ्चगुह्यककारितम् । भयं राज्ञो न भवति तेजो वीर्यं च वर्धते ॥
mūlakarmādikaṃ tasya pañcaguhyakakāritam | bhayaṃ rājño na bhavati tejo vīryaṃ ca vardhate ||
Sanskrit only: no published translation is held for this verse.
एवं विधानम् अखिलं विहितं यथावद् एतत् समस्तशुभदं गदितं न्र्पाणाम् । नैवापदः समुपयान्ति नृपं कदा चिद् आरात्रिकं प्रतिनिशं क्रियते तु यस्य ॥ इत्य् आरात्रिकं समाप्तम् ॥
evaṃ vidhānam akhilaṃ vihitaṃ yathāvad etat samastaśubhadaṃ gaditaṃ nrpāṇām | naivāpadaḥ samupayānti nṛpaṃ kadā cid ārātrikaṃ pratiniśaṃ kriyate tu yasya || ity ārātrikaṃ samāptam ||
Sanskrit only: no published translation is held for this verse.