Library·Atharvavedaparisistas·70
ॐ संपूज्य विधिवत् प्राज्ञं विद्वांसो मुनयः पुरा । अपृच्छन् भृगुम् अव्यग्रं सर्वसत्त्वहिते रतम् ॥
oṃ saṃpūjya vidhivat prājñaṃ vidvāṃso munayaḥ purā | apṛcchan bhṛgum avyagraṃ sarvasattvahite ratam ||
Sanskrit only: no published translation is held for this verse.
लोकत्रयनिविष्टानाम् उत्पातानाम् अनेकधा । भिन्नानां शमनं नोक्तं वद त्व् असंशयं मुने ॥
lokatrayaniviṣṭānām utpātānām anekadhā | bhinnānāṃ śamanaṃ noktaṃ vada tv asaṃśayaṃ mune ||
Sanskrit only: no published translation is held for this verse.
प्रत्युवाच भृगुर् विप्रान् शृणुताहितमानसः । उत्पातशमनत्रित्वं कथ्यमानम् असंशयम् ॥
pratyuvāca bhṛgur viprān śṛṇutāhitamānasaḥ | utpātaśamanatritvaṃ kathyamānam asaṃśayam ||
Sanskrit only: no published translation is held for this verse.
तत्र विप्रान् प्रवक्ष्यामि दुरिष्टशमनक्षमान् । अथर्वाङ्गिरसो वेदे विधिज्ञान् सर्वकर्मणाम् ॥
tatra viprān pravakṣyāmi duriṣṭaśamanakṣamān | atharvāṅgiraso vede vidhijñān sarvakarmaṇām ||
Sanskrit only: no published translation is held for this verse.
अहिंसासत्यदाक्षिण्यशौचश्रद्धासमन्विताः । श्रुतिस्मृतिसदाचाराः कुलशीलवयो ऽन्विताः ॥
ahiṃsāsatyadākṣiṇyaśaucaśraddhāsamanvitāḥ | śrutismṛtisadācārāḥ kulaśīlavayo 'nvitāḥ ||
Sanskrit only: no published translation is held for this verse.
तेषाम् एकः प्रधानत्वे यः शान्तो द्विजसत्तमः । भृग्वङ्गिरोविद् अत्यर्थं शुचिः स्यात् साधुसंमतः ॥
teṣām ekaḥ pradhānatve yaḥ śānto dvijasattamaḥ | bhṛgvaṅgirovid atyarthaṃ śuciḥ syāt sādhusaṃmataḥ ||
Sanskrit only: no published translation is held for this verse.
ब्रह्माणं तं नृपः कुर्याद् धोतारं सर्ववेदिनम् । एवम् उक्ते भृगुं विप्राः प्रोचुर् विगतकल्मषम् ॥
brahmāṇaṃ taṃ nṛpaḥ kuryād dhotāraṃ sarvavedinam | evam ukte bhṛguṃ viprāḥ procur vigatakalmaṣam ||
Sanskrit only: no published translation is held for this verse.
होतारो भूमिभर्तॄणां महाशान्तेः प्रकीर्तिताः । ननु क्षीणे विद्वन् स्वधर्मप्रच्युते ऽपि वा ॥
hotāro bhūmibhartṝṇāṃ mahāśānteḥ prakīrtitāḥ | nanu kṣīṇe vidvan svadharmapracyute 'pi vā ||
Sanskrit only: no published translation is held for this verse.
तत्र शान्तौ प्रयुक्तायां कस्य शान्तिफलं भवेत् । नृपो ऽप्य् अधार्मिकः कुर्याद् ब्रह्मणस् तर्पणं पुरा ॥
tatra śāntau prayuktāyāṃ kasya śāntiphalaṃ bhavet | nṛpo 'py adhārmikaḥ kuryād brahmaṇas tarpaṇaṃ purā ||
Sanskrit only: no published translation is held for this verse.
ततः कृता महाशान्ती राजानं पाति सर्वतः । स वृतः पावनं गच्छेद् द्विजानां पावनाय वै ॥
tataḥ kṛtā mahāśāntī rājānaṃ pāti sarvataḥ | sa vṛtaḥ pāvanaṃ gacched dvijānāṃ pāvanāya vai ||
Sanskrit only: no published translation is held for this verse.
द्वादशाहं व्रतं तत्र पयोमूलफलाशनैः ॥
dvādaśāhaṃ vrataṃ tatra payomūlaphalāśanaiḥ ||
Sanskrit only: no published translation is held for this verse.
त्रीणि त्र्यहाणि कुर्वीत पयोमूलफलैः शुभैः । अनश्नंश् च त्र्यहं धीरः स पुरश्चरणो भवेत् ॥
trīṇi tryahāṇi kurvīta payomūlaphalaiḥ śubhaiḥ | anaśnaṃś ca tryahaṃ dhīraḥ sa puraścaraṇo bhavet ||
Sanskrit only: no published translation is held for this verse.
तथैकोनं शतं नॄणां शुश्रूषूणाम् अकल्मषम् । अनुक्तवच् च त्र्यहं तत् कर्मणः करणे क्षमम् ॥
tathaikonaṃ śataṃ nṝṇāṃ śuśrūṣūṇām akalmaṣam | anuktavac ca tryahaṃ tat karmaṇaḥ karaṇe kṣamam ||
Sanskrit only: no published translation is held for this verse.
कृच्छ्रं चापि हितं कृत्वा कुर्युः कर्म समाहिताः । शुद्धात्मानो जपैर् होमैर् वैदिकैर् वीतमत्सराः ॥
kṛcchraṃ cāpi hitaṃ kṛtvā kuryuḥ karma samāhitāḥ | śuddhātmāno japair homair vaidikair vītamatsarāḥ ||
Sanskrit only: no published translation is held for this verse.
ततः परं पुरोधःसु दिव्यं तत्रम् अवाप्नुयात् । ग्रहातिथ्यं च संरभ्य दिशां यागं च सर्वतः ॥
tataḥ paraṃ purodhaḥsu divyaṃ tatram avāpnuyāt | grahātithyaṃ ca saṃrabhya diśāṃ yāgaṃ ca sarvataḥ ||
Sanskrit only: no published translation is held for this verse.
नक्षत्रेषु च सर्वेषु यागं कृत्वा विधानतः । ततो ऽमृतमहाशान्त्या स्थापयेत् पद्मसंभवम् ॥
nakṣatreṣu ca sarveṣu yāgaṃ kṛtvā vidhānataḥ | tato 'mṛtamahāśāntyā sthāpayet padmasaṃbhavam ||
Sanskrit only: no published translation is held for this verse.
सावित्र्या लक्षहोमं तु भौमे तिष्ठेद् विशारदाः । कुर्युर् देयं च दानानां विप्रेभ्यो यस्य यत् प्रियम् ॥
sāvitryā lakṣahomaṃ tu bhaume tiṣṭhed viśāradāḥ | kuryur deyaṃ ca dānānāṃ viprebhyo yasya yat priyam ||
Sanskrit only: no published translation is held for this verse.
गोभूमिकाञ्चनाश्वानां रत्नानां धान्यवाससाम् । रथानां वारणानां च दानं कामम् अतः परम् ॥
gobhūmikāñcanāśvānāṃ ratnānāṃ dhānyavāsasām | rathānāṃ vāraṇānāṃ ca dānaṃ kāmam ataḥ param ||
Sanskrit only: no published translation is held for this verse.
तुष्येयुर् येन वा विप्राः संभवो यस्य यस्य हि । तत् तत् सर्वम् उपादेयम् एष दानविधिः स्मृतः ॥
tuṣyeyur yena vā viprāḥ saṃbhavo yasya yasya hi | tat tat sarvam upādeyam eṣa dānavidhiḥ smṛtaḥ ||
Sanskrit only: no published translation is held for this verse.
दद्याच् च गुरवे ग्रामं धेनुं वासोयुगं तथा । अलंकारैश् च संपूज्य प्रीणयेत् प्रीतमानसः ॥
dadyāc ca gurave grāmaṃ dhenuṃ vāsoyugaṃ tathā | alaṃkāraiś ca saṃpūjya prīṇayet prītamānasaḥ ||
Sanskrit only: no published translation is held for this verse.
अनेन विधिना भौमम् अद्भुतं शमयेद् गुरुः । एष एव विधिर् ज्ञेयो वियत्ये ऽप्य् अद्भुताश्रये ॥
anena vidhinā bhaumam adbhutaṃ śamayed guruḥ | eṣa eva vidhir jñeyo viyatye 'py adbhutāśraye ||
Sanskrit only: no published translation is held for this verse.
विशेषो ऽयं तु सावित्र्या दशलक्षांस् तु होमयेत् । होमसमाहितमनाः कुर्याच् च घृतकम्बलम् ॥
viśeṣo 'yaṃ tu sāvitryā daśalakṣāṃs tu homayet | homasamāhitamanāḥ kuryāc ca ghṛtakambalam ||
Sanskrit only: no published translation is held for this verse.
धेनूनां द्वादशं देयं शतनिष्कसमन्वितम् । गुरवे दीयमानं तच् छमयत्य् अम्बराद्भुतम् ॥
dhenūnāṃ dvādaśaṃ deyaṃ śataniṣkasamanvitam | gurave dīyamānaṃ tac chamayaty ambarādbhutam ||
Sanskrit only: no published translation is held for this verse.
दिव्याद्भुतेषु कर्तव्यः कोटिहोमसमन्वितैः । गोसहस्रं च दातव्यं गुरवे दक्षिणाविधिः ॥
divyādbhuteṣu kartavyaḥ koṭihomasamanvitaiḥ | gosahasraṃ ca dātavyaṃ gurave dakṣiṇāvidhiḥ ||
Sanskrit only: no published translation is held for this verse.
एष प्रोक्तो विधिः सम्यग् दिव्यानिष्टविपत्करे । सुभिक्षक्षेमसंपत्त्या प्रजानां पुष्टिवर्धनः ॥
eṣa prokto vidhiḥ samyag divyāniṣṭavipatkare | subhikṣakṣemasaṃpattyā prajānāṃ puṣṭivardhanaḥ ||
Sanskrit only: no published translation is held for this verse.
कोटिहोमेषु सर्वेषु द्रव्यभेदाश्रयं फलम् । शान्तिपुष्ट्यभिचारार्थं तन् मे निगदतः शृणु ॥
koṭihomeṣu sarveṣu dravyabhedāśrayaṃ phalam | śāntipuṣṭyabhicārārthaṃ tan me nigadataḥ śṛṇu ||
Sanskrit only: no published translation is held for this verse.
सौम्यवृक्षाश्रयाः कार्याः समिधः शान्तिम् इच्छता । अर्ककाश्मर्यनिम्बानां समिद्भिः शत्रुशातनम् ॥
saumyavṛkṣāśrayāḥ kāryāḥ samidhaḥ śāntim icchatā | arkakāśmaryanimbānāṃ samidbhiḥ śatruśātanam ||
Sanskrit only: no published translation is held for this verse.
दुर्नामकण्टकम्बूनां समिद्भिश् च विशेषतः । भग्नस्फुटितवृक्षाणां फलं शत्रुनिबर्हणम् ॥
durnāmakaṇṭakambūnāṃ samidbhiś ca viśeṣataḥ | bhagnasphuṭitavṛkṣāṇāṃ phalaṃ śatrunibarhaṇam ||
Sanskrit only: no published translation is held for this verse.
बिल्वपद्मोत्पलानां तु शुचिदेशप्ररोहिणाम् । सर्वदा सर्वकामांस् तु होमैः प्राप्नोति मानवः ॥
bilvapadmotpalānāṃ tu śucideśaprarohiṇām | sarvadā sarvakāmāṃs tu homaiḥ prāpnoti mānavaḥ ||
Sanskrit only: no published translation is held for this verse.
तिलव्रीहियवादीनां दध्नो मधुघृतस्य च । पयोगोधूमशालीनां होता शान्तिं समारभेत् ॥
tilavrīhiyavādīnāṃ dadhno madhughṛtasya ca | payogodhūmaśālīnāṃ hotā śāntiṃ samārabhet ||
Sanskrit only: no published translation is held for this verse.
सर्वेषां हविषां चैव घृतं शान्तिकरं स्मृतम् । सर्वद्रव्ये घृतं तस्माद् धोमे प्रक्षेपम् अर्हति ॥
sarveṣāṃ haviṣāṃ caiva ghṛtaṃ śāntikaraṃ smṛtam | sarvadravye ghṛtaṃ tasmād dhome prakṣepam arhati ||
Sanskrit only: no published translation is held for this verse.
यज्ञोपवीतिना कार्यं शान्तिकर्म विपश्चिता । उपवीतं तु पित्र्येषु सर्वेष्व् एव समारभेत् ॥
yajñopavītinā kāryaṃ śāntikarma vipaścitā | upavītaṃ tu pitryeṣu sarveṣv eva samārabhet ||
Sanskrit only: no published translation is held for this verse.
मध्वाज्यदधिदुग्धेषु भक्ष्यमाणे विलेपने । यन्त्रवाहनशस्त्रेषु भवनेष्व् आयुधेषु च ॥
madhvājyadadhidugdheṣu bhakṣyamāṇe vilepane | yantravāhanaśastreṣu bhavaneṣv āyudheṣu ca ||
Sanskrit only: no published translation is held for this verse.
दर्पणे भक्तपात्रे च मणिमुक्ताफलेषु च । भूषणेषु तथान्येषु शय्यायाम् आसनेषु च ॥
darpaṇe bhaktapātre ca maṇimuktāphaleṣu ca | bhūṣaṇeṣu tathānyeṣu śayyāyām āsaneṣu ca ||
Sanskrit only: no published translation is held for this verse.
काकोलूककपोतानां मधोर् वा दर्शनं भवेत् । अन्येषां चाप्रशस्तानाम् आगमो मृगपक्षिणाम् ॥
kākolūkakapotānāṃ madhor vā darśanaṃ bhavet | anyeṣāṃ cāpraśastānām āgamo mṛgapakṣiṇām ||
Sanskrit only: no published translation is held for this verse.
अश्वेतानां च पुष्पाणां सरीसृपगणस्य च । वसालोहितमांसानाम् अस्थिमज्जाशिरोरुहाम् ॥५ ॥
aśvetānāṃ ca puṣpāṇāṃ sarīsṛpagaṇasya ca | vasālohitamāṃsānām asthimajjāśiroruhām ||5 ||
Sanskrit only: no published translation is held for this verse.
अकस्माच् चैव संघाते दर्शने नखभस्मनाम् । रसान्यत्वे रसानां च दुर्गन्धे वानिमित्तजे ॥
akasmāc caiva saṃghāte darśane nakhabhasmanām | rasānyatve rasānāṃ ca durgandhe vānimittaje ||
Sanskrit only: no published translation is held for this verse.
पद्मपुष्पाकृतिर् यत्र दृश्यते मधुसर्पिषि । कृसरापायसे चैव क्षयस् तस्य धनायुषोः ॥
padmapuṣpākṛtir yatra dṛśyate madhusarpiṣi | kṛsarāpāyase caiva kṣayas tasya dhanāyuṣoḥ ||
Sanskrit only: no published translation is held for this verse.
घृते वा मधुदध्नि वा यदा पद्माकृतिर् भवेत् । स्वस्तिको वापि दृश्येत तदा मरणम् आदिशेत् ॥
ghṛte vā madhudadhni vā yadā padmākṛtir bhavet | svastiko vāpi dṛśyeta tadā maraṇam ādiśet ||
Sanskrit only: no published translation is held for this verse.
विकारो यत्र दृश्येत क्षीरोदनहविह्षु वा । श्रोत्रियाय तु तद् दद्याद् भावैव शमयेन् नरः ॥
vikāro yatra dṛśyeta kṣīrodanahavihṣu vā | śrotriyāya tu tad dadyād bhāvaiva śamayen naraḥ ||
Sanskrit only: no published translation is held for this verse.
यत्रस्थं चाद्भुतं पश्येत् तत्रापि प्रतिपादयेत् । कुर्याद् वा वारुणीं शान्तिं परमेण समाधिना ॥
yatrasthaṃ cādbhutaṃ paśyet tatrāpi pratipādayet | kuryād vā vāruṇīṃ śāntiṃ parameṇa samādhinā ||
Sanskrit only: no published translation is held for this verse.
अन्याकृतिषु वाप्य् एतद् ये स्थाने शान्तिकारकाः । तेषाम् अथाक्षयं विद्याद् आयुषार्थधनेन वा ॥
anyākṛtiṣu vāpy etad ye sthāne śāntikārakāḥ | teṣām athākṣayaṃ vidyād āyuṣārthadhanena vā ||
Sanskrit only: no published translation is held for this verse.
चलिते ज्वलिते पाते स्फुरित उत्पतिते तथा । महाजनगजाश्वानां स्थाने विद्यान् महद् भयम् ॥
calite jvalite pāte sphurita utpatite tathā | mahājanagajāśvānāṃ sthāne vidyān mahad bhayam ||
Sanskrit only: no published translation is held for this verse.
तत्र युध्यन्ति जातीनां भयं तत् स्याद् असंशयम् । तत्रापि चार्थनिचयैः पशुभिर् विद्ययापि वा ॥
tatra yudhyanti jātīnāṃ bhayaṃ tat syād asaṃśayam | tatrāpi cārthanicayaiḥ paśubhir vidyayāpi vā ||
Sanskrit only: no published translation is held for this verse.
उत्पातशमनार्थं तु ये क्रिया न प्रयुञ्जते । नराः क्षिप्रं विनश्यन्ते सान्वयाः सपरिच्छदाः ॥
utpātaśamanārthaṃ tu ye kriyā na prayuñjate | narāḥ kṣipraṃ vinaśyante sānvayāḥ saparicchadāḥ ||
Sanskrit only: no published translation is held for this verse.
विप्राणां भोजनं कार्यं सहस्रस्यायुतस्य वा । बलिपुष्पोपहारैश् च देवतानां प्रसादनम् ॥
viprāṇāṃ bhojanaṃ kāryaṃ sahasrasyāyutasya vā | balipuṣpopahāraiś ca devatānāṃ prasādanam ||
Sanskrit only: no published translation is held for this verse.
कर्तव्यं च यथान्यायं शान्तिकर्म विपश्चिता । एवं कृते भयं सर्वं तत्क्षणाद् एव नश्यति ॥
kartavyaṃ ca yathānyāyaṃ śāntikarma vipaścitā | evaṃ kṛte bhayaṃ sarvaṃ tatkṣaṇād eva naśyati ||
Sanskrit only: no published translation is held for this verse.
शुभाशुभस्थितं चैव मुनयो भृगुम् अब्रुवन् । स प्रत्युवाच पुरुषु संवत्सरसमाश्रये ॥
śubhāśubhasthitaṃ caiva munayo bhṛgum abruvan | sa pratyuvāca puruṣu saṃvatsarasamāśraye ||
Sanskrit only: no published translation is held for this verse.
शीतोष्णवृष्टिकालेषु वीतदोषेषु सर्वदा । संवत्सराख्यः पुरुषो निरुपद्रव उच्यते ॥
śītoṣṇavṛṣṭikāleṣu vītadoṣeṣu sarvadā | saṃvatsarākhyaḥ puruṣo nirupadrava ucyate ||
Sanskrit only: no published translation is held for this verse.
यदि निर्घातभूकम्पदिग्दाहादिविवर्जितः । केतुभिश् चैव युज्येत यदि वादित्यकीलकैः ॥
yadi nirghātabhūkampadigdāhādivivarjitaḥ | ketubhiś caiva yujyeta yadi vādityakīlakaiḥ ||
Sanskrit only: no published translation is held for this verse.
अन्यैर् वा लोकनाशार्थैर् अद्भुतैर् नाशनाकुलैः । तत एष विशुद्धात्मा पुरुषः सुखम् एधते ॥
anyair vā lokanāśārthair adbhutair nāśanākulaiḥ | tata eṣa viśuddhātmā puruṣaḥ sukham edhate ||
Sanskrit only: no published translation is held for this verse.
अथ चेत् स बहुविधैर् अद्भुतैः परिसंयुतः । संवत्सरं भवेच् छीघ्रं कुर्युस् तच्छमनं बुधाः ॥
atha cet sa bahuvidhair adbhutaiḥ parisaṃyutaḥ | saṃvatsaraṃ bhavec chīghraṃ kuryus tacchamanaṃ budhāḥ ||
Sanskrit only: no published translation is held for this verse.
तत्र शान्तिं प्रवक्ष्यामि सर्वपापप्रणाशिनीम् । दिव्यतन्त्रविद् आचार्यो यया फलम् अवाप्नुयात् ॥
tatra śāntiṃ pravakṣyāmi sarvapāpapraṇāśinīm | divyatantravid ācāryo yayā phalam avāpnuyāt ||
Sanskrit only: no published translation is held for this verse.
पूर्वं तावद् विशुद्धात्मा स पुरश्चरणो भवेत् । देवतानां ततो यागं यथाश्रुति समाचरेत् ॥
pūrvaṃ tāvad viśuddhātmā sa puraścaraṇo bhavet | devatānāṃ tato yāgaṃ yathāśruti samācaret ||
Sanskrit only: no published translation is held for this verse.
यागं कृत्वा ग्रहाणां तु नक्षत्राणां ततः परम् । ऋतून् अथार्तवांश् चैव महादेवगणाधिपान् ॥
yāgaṃ kṛtvā grahāṇāṃ tu nakṣatrāṇāṃ tataḥ param | ṛtūn athārtavāṃś caiva mahādevagaṇādhipān ||
Sanskrit only: no published translation is held for this verse.
दिशश् च विदिशश् चैव यमेन्द्रवरुणांस् तथा । विश्वेश्वरं च विष्णुं च यजेताद्भुतकर्म च ॥
diśaś ca vidiśaś caiva yamendravaruṇāṃs tathā | viśveśvaraṃ ca viṣṇuṃ ca yajetādbhutakarma ca ||
Sanskrit only: no published translation is held for this verse.
सूर्याचन्द्रमसाव् अग्निं सर्वान् ग्रहगणांस् तथा । वायुं तथाश्विनौ चैव महाशान्तिं विधानतः ॥
sūryācandramasāv agniṃ sarvān grahagaṇāṃs tathā | vāyuṃ tathāśvinau caiva mahāśāntiṃ vidhānataḥ ||
Sanskrit only: no published translation is held for this verse.
कुर्याद् देवादृतो धीमान् एवं दोषः प्रशाम्यति ॥
kuryād devādṛto dhīmān evaṃ doṣaḥ praśāmyati ||
Sanskrit only: no published translation is held for this verse.
श्वेतं वा भवति पयो विलोहितं वा पीतं वा भवति हि कृष्णपिङ्गलं वा । उत्पातः फलति यथा चतुःप्रकारस् तत् सर्वं शृणुत समासतो मयोक्तम् ॥
śvetaṃ vā bhavati payo vilohitaṃ vā pītaṃ vā bhavati hi kṛṣṇapiṅgalaṃ vā | utpātaḥ phalati yathā catuḥprakāras tat sarvaṃ śṛṇuta samāsato mayoktam ||
Sanskrit only: no published translation is held for this verse.
विप्राणां भवति हि शुक्लम् अम्बुदोषे राजानं सपदि निहन्ति लोहितं च । पीतं चेद् भवति निहन्ति वैश्यवर्गं शूद्राणां भवति हि कृष्णपिङ्गदोषे ॥
viprāṇāṃ bhavati hi śuklam ambudoṣe rājānaṃ sapadi nihanti lohitaṃ ca | pītaṃ ced bhavati nihanti vaiśyavargaṃ śūdrāṇāṃ bhavati hi kṛṣṇapiṅgadoṣe ||
Sanskrit only: no published translation is held for this verse.
बीजं यत्र प्ररोहेत फलम् अथ प्रमादतः । एतद् अत्यद्भुतं नाम दम्पत्योस् तु विनाशनम् ॥
bījaṃ yatra praroheta phalam atha pramādataḥ | etad atyadbhutaṃ nāma dampatyos tu vināśanam ||
Sanskrit only: no published translation is held for this verse.
अपूजनात् तु पूज्यस्य तथापूज्यस्य पूजनात् । अन्तःकरणदोषाच् च हेतोः शान्तिर् न जायते ॥
apūjanāt tu pūjyasya tathāpūjyasya pūjanāt | antaḥkaraṇadoṣāc ca hetoḥ śāntir na jāyate ||
Sanskrit only: no published translation is held for this verse.
तस्माद् वेदार्थशास्त्रज्ञान् वीतरागान् अमत्सरान् । परिचारकमुख्यांश् च कारयेत् कुशलान् द्विजान् ॥
tasmād vedārthaśāstrajñān vītarāgān amatsarān | paricārakamukhyāṃś ca kārayet kuśalān dvijān ||
Sanskrit only: no published translation is held for this verse.
विचारितं च विद्वद्भिर् निश्चितं सुधिया पुनः । देशकालसमायुक्तं कर्म कुर्याद् विचक्षणः ॥
vicāritaṃ ca vidvadbhir niścitaṃ sudhiyā punaḥ | deśakālasamāyuktaṃ karma kuryād vicakṣaṇaḥ ||
Sanskrit only: no published translation is held for this verse.
चोदिते कर्मण्य् अन्यस्मिन् नान्यत् कुर्याद् विधानवित् । न च प्रारभ्य कर्माणि स्थातव्यं क्व चिद् अन्तरे ॥
codite karmaṇy anyasmin nānyat kuryād vidhānavit | na ca prārabhya karmāṇi sthātavyaṃ kva cid antare ||
Sanskrit only: no published translation is held for this verse.
नापि कुर्वीत मतिमान् कदा चित् कर्मसंकरम् । कुर्वंस् तु न तथा कर्म दोषम् उत्पादयेद् भृशम् ॥
nāpi kurvīta matimān kadā cit karmasaṃkaram | kurvaṃs tu na tathā karma doṣam utpādayed bhṛśam ||
Sanskrit only: no published translation is held for this verse.
अन्यथाकरणे दोषान् समीक्ष्य तु बहून् इह । संकल्पवान् न समाप्तिः [सावीर्याकृतिकर्मणी] ॥
anyathākaraṇe doṣān samīkṣya tu bahūn iha | saṃkalpavān na samāptiḥ [sāvīryākṛtikarmaṇī] ||
Sanskrit only: no published translation is held for this verse.
दृष्ट्वाद्भुतं तु कार्त्स्न्येन ततः शान्तिं समारभेत् । असमीक्ष्य तु कुर्वाणो न शान्तिं लभते नरः ॥
dṛṣṭvādbhutaṃ tu kārtsnyena tataḥ śāntiṃ samārabhet | asamīkṣya tu kurvāṇo na śāntiṃ labhate naraḥ ||
Sanskrit only: no published translation is held for this verse.
वातिकस्य यथा वैद्यः पैत्तिकस्य च निश्चये । रोगस्य भैषजे दत्ते कर्मसिद्धिम् अवाप्नुयात् ॥
vātikasya yathā vaidyaḥ paittikasya ca niścaye | rogasya bhaiṣaje datte karmasiddhim avāpnuyāt ||
Sanskrit only: no published translation is held for this verse.
तस्मात् तावत् परीक्षेत यावन् निष्पन्नम् अद्भुतम् । असदस्यसदस्यानां कर्तुः कारयितुस् तथा ॥
tasmāt tāvat parīkṣeta yāvan niṣpannam adbhutam | asadasyasadasyānāṃ kartuḥ kārayitus tathā ||
Sanskrit only: no published translation is held for this verse.
विगुणं क्रियमाणं तु कर्म कुर्याद् उपद्रवम् । विशेषतो निहन्येत कर्तारं सपरिच्छदम् ॥
viguṇaṃ kriyamāṇaṃ tu karma kuryād upadravam | viśeṣato nihanyeta kartāraṃ saparicchadam ||
Sanskrit only: no published translation is held for this verse.
हेतुश्रुतं च दृष्टं च तस्मात् सागुण्यम् आचरेत् । सगुणे च कृते तस्मिन् सर्वसंपद् भवेद् ध्रुवम् ॥
hetuśrutaṃ ca dṛṣṭaṃ ca tasmāt sāguṇyam ācaret | saguṇe ca kṛte tasmin sarvasaṃpad bhaved dhruvam ||
Sanskrit only: no published translation is held for this verse.
अशोकपुष्पैर् होमे तु मधुक्षीरसमन्वितैः । प्राप्नोति सुकृतैर् विप्रो गन्धर्वपदम् उत्तमम् ॥
aśokapuṣpair home tu madhukṣīrasamanvitaiḥ | prāpnoti sukṛtair vipro gandharvapadam uttamam ||
Sanskrit only: no published translation is held for this verse.
ब्रह्मादिस्तम्बपर्यन्तं यं यं कामं समीहते । तत् तत् प्राप्नोत्य् अयत्नेन सत्यम् एतद् द्विजोत्तमाः ॥
brahmādistambaparyantaṃ yaṃ yaṃ kāmaṃ samīhate | tat tat prāpnoty ayatnena satyam etad dvijottamāḥ ||
Sanskrit only: no published translation is held for this verse.