Library·Atharvavedaparisistas·71
पप्रच्छोशनसं काव्यं नारदः पर्यवस्थितः । दिव्यांश् चैवान्तरिक्षांश् च उत्पातान् पार्थिवांस् तथा ॥
papracchośanasaṃ kāvyaṃ nāradaḥ paryavasthitaḥ | divyāṃś caivāntarikṣāṃś ca utpātān pārthivāṃs tathā ||
Sanskrit only: no published translation is held for this verse.
ऋतूनां च विपर्यासे तथैव मृगपक्षिणाम् । अमानुषाणां व्याहारे स्थावराणां व्यतिक्रमे ॥
ṛtūnāṃ ca viparyāse tathaiva mṛgapakṣiṇām | amānuṣāṇāṃ vyāhāre sthāvarāṇāṃ vyatikrame ||
Sanskrit only: no published translation is held for this verse.
योनिव्यतिकरे चैव मांसशोनितवर्षणे । अनग्निज्वलने चैव तथा यानानुसर्पणे ॥
yonivyatikare caiva māṃsaśonitavarṣaṇe | anagnijvalane caiva tathā yānānusarpaṇe ||
Sanskrit only: no published translation is held for this verse.
शस्त्रप्रज्वलने चैव चैत्यशुष्कविरोहणे । लिङ्गायतनचित्राणां रोदने गर्जने तथा ॥
śastraprajvalane caiva caityaśuṣkavirohaṇe | liṅgāyatanacitrāṇāṃ rodane garjane tathā ||
Sanskrit only: no published translation is held for this verse.
उदपानतडागाबान् ज्वलने गर्जने ऽपि वा । मत्स्यसर्पद्विजातीनां रसानां च प्रवर्षणे ॥
udapānataḍāgābān jvalane garjane 'pi vā | matsyasarpadvijātīnāṃ rasānāṃ ca pravarṣaṇe ||
Sanskrit only: no published translation is held for this verse.
आयुधानां प्रज्वलने गर्जने च विशेषतः । पुष्पे फले च वृक्षाणाम् अकाले च विरोहणे ॥
āyudhānāṃ prajvalane garjane ca viśeṣataḥ | puṣpe phale ca vṛkṣāṇām akāle ca virohaṇe ||
Sanskrit only: no published translation is held for this verse.
प्रासादाद्रिविमानानां प्राकाराणां च कम्पने । गीतवादित्रशब्दाश् च यत्र स्युर् अनिमित्ततः ॥
prāsādādrivimānānāṃ prākārāṇāṃ ca kampane | gītavāditraśabdāś ca yatra syur animittataḥ ||
Sanskrit only: no published translation is held for this verse.
ये चान्ये के चिद् उत्पाता जायन्ते विकृतात्मकाः । तेषां फलं च कालं च तत्त्वेनाचक्ष्व भार्गव ॥
ye cānye ke cid utpātā jāyante vikṛtātmakāḥ | teṣāṃ phalaṃ ca kālaṃ ca tattvenācakṣva bhārgava ||
Sanskrit only: no published translation is held for this verse.
स तस्मै पृच्छते सम्यङ् नारदायाशनाः कविः । त्रिविधान् अप्य् अथोत्पातान् व्याख्यातुम् उपचक्रमे ॥
sa tasmai pṛcchate samyaṅ nāradāyāśanāḥ kaviḥ | trividhān apy athotpātān vyākhyātum upacakrame ||
Sanskrit only: no published translation is held for this verse.
यदा शीते भवत्य् उष्णम् उष्णे शीतम् अतीव च । नवमासात् परं विद्यात् तेषु देशेषु वै भयम् ॥
yadā śīte bhavaty uṣṇam uṣṇe śītam atīva ca | navamāsāt paraṃ vidyāt teṣu deśeṣu vai bhayam ||
Sanskrit only: no published translation is held for this verse.
यत्रानृतौ प्रबद्धेन त्र्यहाद् ऊर्ध्वं प्रवर्षति । तस्मिन् देशे प्रधानस्य पुरुषस्य वधो भवेत् ॥
yatrānṛtau prabaddhena tryahād ūrdhvaṃ pravarṣati | tasmin deśe pradhānasya puruṣasya vadho bhavet ||
Sanskrit only: no published translation is held for this verse.
कोकिलाश् च मयूराश् च अकाले मदभागिनः । संसर्गं वापि गच्छेयुर् विद्याज् जानपदं भयम् ॥
kokilāś ca mayūrāś ca akāle madabhāginaḥ | saṃsargaṃ vāpi gaccheyur vidyāj jānapadaṃ bhayam ||
Sanskrit only: no published translation is held for this verse.
रुरवश् चैव रौद्राश् च पृषता हरिणास् तथा । येषु देशेषु दृश्यन्ते तान् अरण्याय निर्दिशेत् ॥
ruravaś caiva raudrāś ca pṛṣatā hariṇās tathā | yeṣu deśeṣu dṛśyante tān araṇyāya nirdiśet ||
Sanskrit only: no published translation is held for this verse.
प्रधानाश् चैव वध्यन्ते पक्षे सप्तदशे तथा । तस्मिञ् जनपदे चैव महद् उत्पद्यते भयम् ॥
pradhānāś caiva vadhyante pakṣe saptadaśe tathā | tasmiñ janapade caiva mahad utpadyate bhayam ||
Sanskrit only: no published translation is held for this verse.
गावो ऽश्वाः कुञ्जराः श्वानः खरोष्ट्रा वानरोरगाः । नकुलाः पक्षिणो व्यालाः सूकरा महिषा मृगाः ॥
gāvo 'śvāḥ kuñjarāḥ śvānaḥ kharoṣṭrā vānaroragāḥ | nakulāḥ pakṣiṇo vyālāḥ sūkarā mahiṣā mṛgāḥ ||
Sanskrit only: no published translation is held for this verse.
सत्त्वान्य् एतानि जल्पन्ति येषु देशेषु मानुषम् । तेषु देशेषु राजा तु षष्ठे मासि विनश्यति ॥
sattvāny etāni jalpanti yeṣu deśeṣu mānuṣam | teṣu deśeṣu rājā tu ṣaṣṭhe māsi vinaśyati ||
Sanskrit only: no published translation is held for this verse.
उत्पाता विकृतात्मानो दृश्यन्ते यत्र तत्र वै । देशे भवति शीघ्रं हि षण्मासाद् भयम् उत्तमम् ॥
utpātā vikṛtātmāno dṛśyante yatra tatra vai | deśe bhavati śīghraṃ hi ṣaṇmāsād bhayam uttamam ||
Sanskrit only: no published translation is held for this verse.
आसनं शयनं यानं यदा यत्र प्रसर्पति । विपक्षात् तत्र तत्स्वामी भयं प्राप्नोति दारुणम् ॥
āsanaṃ śayanaṃ yānaṃ yadā yatra prasarpati | vipakṣāt tatra tatsvāmī bhayaṃ prāpnoti dāruṇam ||
Sanskrit only: no published translation is held for this verse.
धान्यकोष्ठायुधागाराः पाषाणाः कूपपर्वताः । एतानि यत्र सर्पन्ति विकृतानि वदन्ति च ॥
dhānyakoṣṭhāyudhāgārāḥ pāṣāṇāḥ kūpaparvatāḥ | etāni yatra sarpanti vikṛtāni vadanti ca ||
Sanskrit only: no published translation is held for this verse.
बहु वा जायते तीव्रं तस्मिन् देशे भयं महत् । त्रीन् मासान् परकाले तु शेषे सौम्यातिकं फलम् ॥
bahu vā jāyate tīvraṃ tasmin deśe bhayaṃ mahat | trīn māsān parakāle tu śeṣe saumyātikaṃ phalam ||
Sanskrit only: no published translation is held for this verse.
देशे वा यदि वा ग्रामे योनिव्यतिकरो भवेत् । तत्र संवत्सराद् ऊर्ध्वं महद् उत्पद्यते भयम् ॥
deśe vā yadi vā grāme yonivyatikaro bhavet | tatra saṃvatsarād ūrdhvaṃ mahad utpadyate bhayam ||
Sanskrit only: no published translation is held for this verse.
गौर् अश्वं वडवा वापि यस्मिन् देशे प्रसूयते । अभ्यन्तरेण तद्वर्षाद् राज्ञो मरणम् आदिशेत् ॥
gaur aśvaṃ vaḍavā vāpi yasmin deśe prasūyate | abhyantareṇa tadvarṣād rājño maraṇam ādiśet ||
Sanskrit only: no published translation is held for this verse.
मानुषी जनयेद् यत्र तृणादान् विविधान् पशून् । षण्मासोत्थं भयं तीव्रं तत्र तूत्पद्यते महत् ॥
mānuṣī janayed yatra tṛṇādān vividhān paśūn | ṣaṇmāsotthaṃ bhayaṃ tīvraṃ tatra tūtpadyate mahat ||
Sanskrit only: no published translation is held for this verse.
परचक्रागमं चैव निर्दिशेद् इह शास्त्रवित् । संग्रामाश् चात्र विपुला जायन्ते विकृतात्मकाः ॥
paracakrāgamaṃ caiva nirdiśed iha śāstravit | saṃgrāmāś cātra vipulā jāyante vikṛtātmakāḥ ||
Sanskrit only: no published translation is held for this verse.
सर्पं वा पक्षिणं वापि जनयेद् यत्र मानुषी । प्रचलस् तस्य देशस्य षण्मासात् तु परं भवेत् ॥
sarpaṃ vā pakṣiṇaṃ vāpi janayed yatra mānuṣī | pracalas tasya deśasya ṣaṇmāsāt tu paraṃ bhavet ||
Sanskrit only: no published translation is held for this verse.
उष्ट्रं वा या प्रसूयेत वानरं वापि मानुषी । अन्यद् वा जङ्गमं किं चित् स्थावरं वापि किं चन ॥
uṣṭraṃ vā yā prasūyeta vānaraṃ vāpi mānuṣī | anyad vā jaṅgamaṃ kiṃ cit sthāvaraṃ vāpi kiṃ cana ||
Sanskrit only: no published translation is held for this verse.
रोगेण शस्त्रपातेन दुर्भिक्षेण च पीडितः । स देशो व्यथते शीघ्रं राजा तत्र विनश्यति ॥
rogeṇa śastrapātena durbhikṣeṇa ca pīḍitaḥ | sa deśo vyathate śīghraṃ rājā tatra vinaśyati ||
Sanskrit only: no published translation is held for this verse.
अमानुषी मानुषं वा मानुषी वाप्य् अमानुषम् । प्रसूयते तु जानीयात् परचक्रागमं ध्रुवम् ॥
amānuṣī mānuṣaṃ vā mānuṣī vāpy amānuṣam | prasūyate tu jānīyāt paracakrāgamaṃ dhruvam ||
Sanskrit only: no published translation is held for this verse.
चतुरक्षं द्विशीर्षं वा गात्रैर् न्यूनाधिकैस् तथा । व्यञ्जनैश् चोपसंपन्नं मानुषी या प्रसूयते ॥
caturakṣaṃ dviśīrṣaṃ vā gātrair nyūnādhikais tathā | vyañjanaiś copasaṃpannaṃ mānuṣī yā prasūyate ||
Sanskrit only: no published translation is held for this verse.
द्विसंवत्सरपर्यन्ताद् राजा तत्र विनश्यति । उष्ट्रो वृषो वाप्य् अश्वो वा गजो वा यत्र जायते ॥
dvisaṃvatsaraparyantād rājā tatra vinaśyati | uṣṭro vṛṣo vāpy aśvo vā gajo vā yatra jāyate ||
Sanskrit only: no published translation is held for this verse.
पक्षान् मासाच् च भवति राज्ञस् तत्र भयं महत् । परचक्रसमुत्थं वा स देशो भयम् ऋच्छति ॥
pakṣān māsāc ca bhavati rājñas tatra bhayaṃ mahat | paracakrasamutthaṃ vā sa deśo bhayam ṛcchati ||
Sanskrit only: no published translation is held for this verse.
योनिव्यतिकरं यत्र कुर्युर् एवंविधं स्त्रियः । गौर् वा सूयेत् तथान्यानि तत्र राज्यं विनश्यति ॥
yonivyatikaraṃ yatra kuryur evaṃvidhaṃ striyaḥ | gaur vā sūyet tathānyāni tatra rājyaṃ vinaśyati ||
Sanskrit only: no published translation is held for this verse.
वसन्ति येषु देशेषु तेषु विद्यान् महद् भयम् । तस्माद् एतानि सत्त्वानि राजा क्षिप्रं प्रवासयेत् ॥
vasanti yeṣu deśeṣu teṣu vidyān mahad bhayam | tasmād etāni sattvāni rājā kṣipraṃ pravāsayet ||
Sanskrit only: no published translation is held for this verse.
अश्वा किशोरं जनयेच् छृङ्गिणं यत्र तत्र तु । आदिशेन् मरणं राज्ञो वर्षाभ्यन्तर एव हि ॥
aśvā kiśoraṃ janayec chṛṅgiṇaṃ yatra tatra tu | ādiśen maraṇaṃ rājño varṣābhyantara eva hi ||
Sanskrit only: no published translation is held for this verse.
माघे बुधे च महिषी श्रावणे वडवा दिवा । सिंहे गावः प्रसूयन्ते स्वामिनो मृत्युदायकाः । इति शास्त्रसमुच्चयात् ॥
māghe budhe ca mahiṣī śrāvaṇe vaḍavā divā | siṃhe gāvaḥ prasūyante svāmino mṛtyudāyakāḥ | iti śāstrasamuccayāt ||
Sanskrit only: no published translation is held for this verse.
नारी खरवृषोष्ट्राश्वाञ् शुनः सूकरगर्दभान् । राक्षसान् वा पिशाचान् वा यदाप्य् एवं प्रसूयते ॥
nārī kharavṛṣoṣṭrāśvāñ śunaḥ sūkaragardabhān | rākṣasān vā piśācān vā yadāpy evaṃ prasūyate ||
Sanskrit only: no published translation is held for this verse.
व्यापद्यन्ते ऽत्र धान्यानि सस्यानि च धनानि च । चतुर्विधं भयं घोरं क्षिप्रं तत्र प्रवर्तते ॥
vyāpadyante 'tra dhānyāni sasyāni ca dhanāni ca | caturvidhaṃ bhayaṃ ghoraṃ kṣipraṃ tatra pravartate ||
Sanskrit only: no published translation is held for this verse.
वध्यन्ते हि प्रधानास् तु सार्धमासाष्टमे तथा । व्याधींश् च तेषु देशेषु त्रीणि वर्षाणि निर्दिशेत् ॥
vadhyante hi pradhānās tu sārdhamāsāṣṭame tathā | vyādhīṃś ca teṣu deśeṣu trīṇi varṣāṇi nirdiśet ||
Sanskrit only: no published translation is held for this verse.
अनग्निर् ज्वलते यत्र देशे तूर्णम् अनिन्धनः । यो राजा तस्य देशस्य सदेशः स विनश्यति ॥
anagnir jvalate yatra deśe tūrṇam anindhanaḥ | yo rājā tasya deśasya sadeśaḥ sa vinaśyati ||
Sanskrit only: no published translation is held for this verse.
मांसवर्षेण मघवा यत्र देशे प्रवर्षति । अस्थीनि रुधिरं मज्जां वसां चैतेषु वै ध्रुवम् ॥
māṃsavarṣeṇa maghavā yatra deśe pravarṣati | asthīni rudhiraṃ majjāṃ vasāṃ caiteṣu vai dhruvam ||
Sanskrit only: no published translation is held for this verse.
परचक्रागमः शीघ्रं विज्ञेयस् तु महद् भयम् । आहवाश् चात्र जायन्ते विपुला विकृतात्मकाः ॥
paracakrāgamaḥ śīghraṃ vijñeyas tu mahad bhayam | āhavāś cātra jāyante vipulā vikṛtātmakāḥ ||
Sanskrit only: no published translation is held for this verse.
अङ्गारवालुकाधान्यं यत्र देवः प्रवर्षति । क्षिप्रं तत्र भयं घोरं प्रवर्तेत चतुर्विधम् ॥
aṅgāravālukādhānyaṃ yatra devaḥ pravarṣati | kṣipraṃ tatra bhayaṃ ghoraṃ pravarteta caturvidham ||
Sanskrit only: no published translation is held for this verse.
सर्पान् मत्स्यान् पक्षिणो वा यत्र देवः प्रवर्षति । तत्र सस्योपघातः स्याद् भयं चातिप्रवर्तते ॥
sarpān matsyān pakṣiṇo vā yatra devaḥ pravarṣati | tatra sasyopaghātaḥ syād bhayaṃ cātipravartate ||
Sanskrit only: no published translation is held for this verse.
सुरासवं तथा क्षौद्रं सर्पिस् तैलं पयो दधि । यत्र वर्षति पर्जन्यः क्षुद्रोगस् तत्र जायते ॥
surāsavaṃ tathā kṣaudraṃ sarpis tailaṃ payo dadhi | yatra varṣati parjanyaḥ kṣudrogas tatra jāyate ||
Sanskrit only: no published translation is held for this verse.
उल्काताराश् च धिष्ण्येषु यदाङ्गारांश् च वर्षति । तदा व्याधिभयं घोरं तेषु देशेषु निर्दिशेत् ॥
ulkātārāś ca dhiṣṇyeṣu yadāṅgārāṃś ca varṣati | tadā vyādhibhayaṃ ghoraṃ teṣu deśeṣu nirdiśet ||
Sanskrit only: no published translation is held for this verse.
पुमान् अश्वो गजो वापि यदा यत्र प्रदीप्यते । दशमासात् परं तत्र जानीयाद् राष्ट्रसंप्लवम् ॥
pumān aśvo gajo vāpi yadā yatra pradīpyate | daśamāsāt paraṃ tatra jānīyād rāṣṭrasaṃplavam ||
Sanskrit only: no published translation is held for this verse.
नाराचाः शक्तयः खड्गाः प्रदीप्यन्ते यदा मुहुः । तदा शस्त्रभयं घोरं तेषु देशेषु निर्दिशेत् ॥
nārācāḥ śaktayaḥ khaḍgāḥ pradīpyante yadā muhuḥ | tadā śastrabhayaṃ ghoraṃ teṣu deśeṣu nirdiśet ||
Sanskrit only: no published translation is held for this verse.
चैत्यवृक्षाः प्रभज्यन्ते विस्वरं विनदन्ति च । प्रहसन्ति प्रसर्पन्ति गायन्ति च रुदन्ति च ॥
caityavṛkṣāḥ prabhajyante visvaraṃ vinadanti ca | prahasanti prasarpanti gāyanti ca rudanti ca ||
Sanskrit only: no published translation is held for this verse.
आगमः परचक्रस्य तेषु चापद्यते त्वरम् । सचक्रा वापि नश्यन्ति प्रधानश् चात्र वध्यते ॥
āgamaḥ paracakrasya teṣu cāpadyate tvaram | sacakrā vāpi naśyanti pradhānaś cātra vadhyate ||
Sanskrit only: no published translation is held for this verse.
यत्र स्रवेच् चैत्यवृक्षः सहसा विविधान् रसान् । पृथक्पृथक् समस्तान् वा तत् प्रवक्ष्यामि लक्षणम् ॥
yatra sravec caityavṛkṣaḥ sahasā vividhān rasān | pṛthakpṛthak samastān vā tat pravakṣyāmi lakṣaṇam ||
Sanskrit only: no published translation is held for this verse.
घृते मधुनि दुग्धे च घृते दुग्धे तथाम्भसि । क्षौद्रे मधुनि तैले वा व्याधयः स्युः सुदारुणाः ॥
ghṛte madhuni dugdhe ca ghṛte dugdhe tathāmbhasi | kṣaudre madhuni taile vā vyādhayaḥ syuḥ sudāruṇāḥ ||
Sanskrit only: no published translation is held for this verse.
सुरासवे मिथोभेदः शोणिते शस्त्रपातनम् । तैले प्रधाना वध्यन्ते भक्षे क्षुद्भयम् आदिशेत् ॥
surāsave mithobhedaḥ śoṇite śastrapātanam | taile pradhānā vadhyante bhakṣe kṣudbhayam ādiśet ||
Sanskrit only: no published translation is held for this verse.
अनृतौ चेत् फलं यत्र पुष्पं वा सूयते द्रुमः । विद्याद् द्वादशमे मासि राज्ञस् तत्र विपर्ययम् ॥
anṛtau cet phalaṃ yatra puṣpaṃ vā sūyate drumaḥ | vidyād dvādaśame māsi rājñas tatra viparyayam ||
Sanskrit only: no published translation is held for this verse.
पुष्पे पुष्पं भवेद् यत्र फले वा स्यात् तथा फलम् । पर्णे पर्णं विजानीयात् तत्र जानपदं भयम् ॥
puṣpe puṣpaṃ bhaved yatra phale vā syāt tathā phalam | parṇe parṇaṃ vijānīyāt tatra jānapadaṃ bhayam ||
Sanskrit only: no published translation is held for this verse.
शुक्लेन वाससा यत्र चैत्यवृक्षः समावृतः । ब्राह्मणानां भयं घोरम् आशु तीव्रं विनिर्दिशेत् ॥
śuklena vāsasā yatra caityavṛkṣaḥ samāvṛtaḥ | brāhmaṇānāṃ bhayaṃ ghoram āśu tīvraṃ vinirdiśet ||
Sanskrit only: no published translation is held for this verse.
रक्तवस्त्रावृतैश् चान्यैः क्षत्रियाणां महद् भयम् । पीतवस्त्रैस् तु वैश्यानां शूद्राणां कृष्णवाससैः ॥
raktavastrāvṛtaiś cānyaiḥ kṣatriyāṇāṃ mahad bhayam | pītavastrais tu vaiśyānāṃ śūdrāṇāṃ kṛṣṇavāsasaiḥ ||
Sanskrit only: no published translation is held for this verse.
नीलैः सस्योपघातः स्याच् चित्रैस् तु मृगपक्षिणाम् । विवर्णैर् व्याधयस् तीव्राः परं स्युर् दशमासतः ॥
nīlaiḥ sasyopaghātaḥ syāc citrais tu mṛgapakṣiṇām | vivarṇair vyādhayas tīvrāḥ paraṃ syur daśamāsataḥ ||
Sanskrit only: no published translation is held for this verse.
दैवतानि प्रसर्पन्ति यत्र राष्ट्रे हसन्ति वा । उदीक्षन्ते ऽथ रोधांसि तत्र विद्यान् महद् भयम् ॥
daivatāni prasarpanti yatra rāṣṭre hasanti vā | udīkṣante 'tha rodhāṃsi tatra vidyān mahad bhayam ||
Sanskrit only: no published translation is held for this verse.
विहसन्ति निमीलन्ति गायन्ति विकृतानि च । मांसशोनितगन्धानि यत्र तत्र महद् भयम् ॥
vihasanti nimīlanti gāyanti vikṛtāni ca | māṃsaśonitagandhāni yatra tatra mahad bhayam ||
Sanskrit only: no published translation is held for this verse.
यत्र चित्रम् उदीक्षेत गायते चेष्टते मुहुः । एतेष्व् अष्टसु मासेषु राज्ञो मरणम् आदिशेत् ॥
yatra citram udīkṣeta gāyate ceṣṭate muhuḥ | eteṣv aṣṭasu māseṣu rājño maraṇam ādiśet ||
Sanskrit only: no published translation is held for this verse.
चित्राणि यत्र लिङ्गानि तथैवायतनानि च । विकारं कुर्युर् अत्यर्थं तत्र विद्यान् महद् भयम् ॥
citrāṇi yatra liṅgāni tathaivāyatanāni ca | vikāraṃ kuryur atyarthaṃ tatra vidyān mahad bhayam ||
Sanskrit only: no published translation is held for this verse.
उदपानं तडागं वा सरः पर्वत एव वा । समुद्देशेषु दीप्यन्ते विद्याद् भयम् उपस्थितम् ॥
udapānaṃ taḍāgaṃ vā saraḥ parvata eva vā | samuddeśeṣu dīpyante vidyād bhayam upasthitam ||
Sanskrit only: no published translation is held for this verse.
[प्रहसेयुः स्तनेयुर् वा] श्वा वा मार्जारवद् वदेत् । तस्य देशस्य राजा तु पीडाम् आप्नोति दारुणाम् ॥
[prahaseyuḥ staneyur vā] śvā vā mārjāravad vadet | tasya deśasya rājā tu pīḍām āpnoti dāruṇām ||
Sanskrit only: no published translation is held for this verse.
शङ्खवैणवतूर्याणां दुन्दुभीनां च निस्वनः । देशे यत्र भृशं तत्र राजदण्डो निपात्यते ॥
śaṅkhavaiṇavatūryāṇāṃ dundubhīnāṃ ca nisvanaḥ | deśe yatra bhṛśaṃ tatra rājadaṇḍo nipātyate ||
Sanskrit only: no published translation is held for this verse.
यस्य राज्ञो जनपदे नित्योद्विग्नाः प्रजाः क्षयम् । गच्छन्ति न चित्रात् तत्र विनाशम् अपि निर्दिशेत् ॥
yasya rājño janapade nityodvignāḥ prajāḥ kṣayam | gacchanti na citrāt tatra vināśam api nirdiśet ||
Sanskrit only: no published translation is held for this verse.
यस्य राज्ञो जनपदे नित्यम् एव गवां क्षयः । भयं तत्र विजानीयाद् अचिरात् समुपस्थितम् ॥
yasya rājño janapade nityam eva gavāṃ kṣayaḥ | bhayaṃ tatra vijānīyād acirāt samupasthitam ||
Sanskrit only: no published translation is held for this verse.
यस्य राज्ञो जनपदे नदी वहति कर्दमम् । काष्ठं तृणं चोपलं वा मृतमत्स्यान् ग्रहांस् तथा ॥
yasya rājño janapade nadī vahati kardamam | kāṣṭhaṃ tṛṇaṃ copalaṃ vā mṛtamatsyān grahāṃs tathā ||
Sanskrit only: no published translation is held for this verse.
मद्यं क्षौद्रं च मांसं च सर्पिस् तैलं पयो दधि । अन्यराजागमभयं तत्र देशे समादिशेत् ॥
madyaṃ kṣaudraṃ ca māṃsaṃ ca sarpis tailaṃ payo dadhi | anyarājāgamabhayaṃ tatra deśe samādiśet ||
Sanskrit only: no published translation is held for this verse.
यस्य राज्ञो जनपदे प्रतिस्रोतो नदी वहेत् । मासाष्टकाज् जानपदं भयं स्याच् छस्त्रपाणिनः ॥
yasya rājño janapade pratisroto nadī vahet | māsāṣṭakāj jānapadaṃ bhayaṃ syāc chastrapāṇinaḥ ||
Sanskrit only: no published translation is held for this verse.
कूपो वा गर्जते यत्र यदा वाप्य् अवदीर्यते । लोहितं वाथ पूयं वा भयं तत्र विनिर्दिशेत् ॥
kūpo vā garjate yatra yadā vāpy avadīryate | lohitaṃ vātha pūyaṃ vā bhayaṃ tatra vinirdiśet ||
Sanskrit only: no published translation is held for this verse.
आयुधानि प्रधावन्ति तीव्रं प्रत्याहरन्ति च । तूणीरात् सहसा बाणा उद्गिरन्ति नदन्ति च ॥
āyudhāni pradhāvanti tīvraṃ pratyāharanti ca | tūṇīrāt sahasā bāṇā udgiranti nadanti ca ||
Sanskrit only: no published translation is held for this verse.
स्वभावतश् च पूर्यन्ते धनूम्षि प्रज्वलन्ति च । संग्रामो दारुणस् तत्र देशे भवति बिश्चितः ॥
svabhāvataś ca pūryante dhanūmṣi prajvalanti ca | saṃgrāmo dāruṇas tatra deśe bhavati biścitaḥ ||
Sanskrit only: no published translation is held for this verse.
अकाले पुष्पवन्तश् च फलवन्तश् च पादपाः । दृश्यन्ते यस्य राष्ट्रेषु तस्य नाशो विभाव्यते ॥
akāle puṣpavantaś ca phalavantaś ca pādapāḥ | dṛśyante yasya rāṣṭreṣu tasya nāśo vibhāvyate ||
Sanskrit only: no published translation is held for this verse.
वृक्षा वल्ल्यश् च तरुणा यत्र स्युः फलपुष्पदाः । अकाले चापि दृश्येयुस् तत्र विद्यान् महद् भयम् ॥
vṛkṣā vallyaś ca taruṇā yatra syuḥ phalapuṣpadāḥ | akāle cāpi dṛśyeyus tatra vidyān mahad bhayam ||
Sanskrit only: no published translation is held for this verse.
प्रासादानि विमानानि प्रज्वलन्ति तु यत्र वै । दृढानि च विशीर्यन्ते यस्य स म्रियते ऽचिरात् ॥
prāsādāni vimānāni prajvalanti tu yatra vai | dṛḍhāni ca viśīryante yasya sa mriyate 'cirāt ||
Sanskrit only: no published translation is held for this verse.
वदन्त्य् अरण्ये तूर्याणि श्रूयन्ते व्योम्नि नित्यशः । निवसेत तदा राजा समागम्य दिशो दश ॥
vadanty araṇye tūryāṇi śrūyante vyomni nityaśaḥ | nivaseta tadā rājā samāgamya diśo daśa ||
Sanskrit only: no published translation is held for this verse.
यस्य वेश्मनि श्रूयन्ते गीतवादित्रनिस्वनाः । अकस्मान् म्रियते सम्यग् धनं चास्य विलुप्यते ॥
yasya veśmani śrūyante gītavāditranisvanāḥ | akasmān mriyate samyag dhanaṃ cāsya vilupyate ||
Sanskrit only: no published translation is held for this verse.
शङ्खवैणववीणाश् च भेरीमुरजगोमुखाः । वाद्यमानाः प्रदृश्यन्ते देशे यत्राप्य् अघट्टिताः ॥
śaṅkhavaiṇavavīṇāś ca bherīmurajagomukhāḥ | vādyamānāḥ pradṛśyante deśe yatrāpy aghaṭṭitāḥ ||
Sanskrit only: no published translation is held for this verse.
संभृत्यैव ततो भारम् अन्यं जनपदं व्रजेत् । मृगवांस् तु स देशो हि वायुश् चात्रोपजायते ॥
saṃbhṛtyaiva tato bhāram anyaṃ janapadaṃ vrajet | mṛgavāṃs tu sa deśo hi vāyuś cātropajāyate ||
Sanskrit only: no published translation is held for this verse.
अनाहता दुन्दुभयो वादित्राणि वदन्ति च । छिद्राणि च गृहे यस्य स शीघ्रं भयम् ऋच्छति ॥
anāhatā dundubhayo vāditrāṇi vadanti ca | chidrāṇi ca gṛhe yasya sa śīghraṃ bhayam ṛcchati ||
Sanskrit only: no published translation is held for this verse.
देवराजध्वजानां च पतनं भङ्ग एव वा । क्रव्यादानां प्रवेशं च राज्ञः पीडाकरं भवेत् ॥
devarājadhvajānāṃ ca patanaṃ bhaṅga eva vā | kravyādānāṃ praveśaṃ ca rājñaḥ pīḍākaraṃ bhavet ||
Sanskrit only: no published translation is held for this verse.
वाजिवारणमुख्यानाम् अकस्मान् मरणं भवेत् । इतरक्षमापतेस् तत्र विज्ञेया सत्वरागतिः ॥
vājivāraṇamukhyānām akasmān maraṇaṃ bhavet | itarakṣamāpates tatra vijñeyā satvarāgatiḥ ||
Sanskrit only: no published translation is held for this verse.
अश्वत्थे पुष्पिते क्षत्रं ब्राह्मणं चाप्य् उदुम्बरे । प्लक्षे वैश्याश् तु पीड्यन्ते न्यग्रोधे दस्यवस् तथा ॥
aśvatthe puṣpite kṣatraṃ brāhmaṇaṃ cāpy udumbare | plakṣe vaiśyāś tu pīḍyante nyagrodhe dasyavas tathā ||
Sanskrit only: no published translation is held for this verse.
श्वेतम् इन्द्रायुधं विप्रान् रक्तं क्षत्रियनाशनम् । वैश्यानां पीतकं रात्रौ कृष्णं शूद्रविनाशनम् ॥
śvetam indrāyudhaṃ viprān raktaṃ kṣatriyanāśanam | vaiśyānāṃ pītakaṃ rātrau kṛṣṇaṃ śūdravināśanam ||
Sanskrit only: no published translation is held for this verse.
निर्घाते भूमिकम्पे च चैत्यशुष्कविरोहणे । देशपीडां विजानीयात् प्रधानश् चात्र वध्यते ॥
nirghāte bhūmikampe ca caityaśuṣkavirohaṇe | deśapīḍāṃ vijānīyāt pradhānaś cātra vadhyate ||
Sanskrit only: no published translation is held for this verse.
इन्द्रयष्टिर् भज्यते वा विशस्तो वा पशुर् व्रजेत् । यदा तदा विजानीयाद् राज्ञः पीडाम् उपस्थिताम् ॥
indrayaṣṭir bhajyate vā viśasto vā paśur vrajet | yadā tadā vijānīyād rājñaḥ pīḍām upasthitām ||
Sanskrit only: no published translation is held for this verse.
पितामहे वासुदेवे सोमधर्मार्यमेष्व् अपि । निमित्तम् अशुभं यत्र ब्राह्मणानां भयावहम् ॥
pitāmahe vāsudeve somadharmāryameṣv api | nimittam aśubhaṃ yatra brāhmaṇānāṃ bhayāvaham ||
Sanskrit only: no published translation is held for this verse.
बृहस्पतौ वा शुक्रे वा पावके पाकशासने । यानि रूपाणि दृश्यन्ते विद्यात् तानि पुरोहिते ॥
bṛhaspatau vā śukre vā pāvake pākaśāsane | yāni rūpāṇi dṛśyante vidyāt tāni purohite ||
Sanskrit only: no published translation is held for this verse.
महादेवे कुबेरे च तथा स्कन्दविशाखयोः । निमित्तं तत् पार्थिवेषु विज्ञेयं संप्रवर्तितम् ॥ [अकस्माद् दृश्यते यत् तु निमित्तं संप्रकीर्तितम् ॥]
mahādeve kubere ca tathā skandaviśākhayoḥ | nimittaṃ tat pārthiveṣu vijñeyaṃ saṃpravartitam || [akasmād dṛśyate yat tu nimittaṃ saṃprakīrtitam ||]
Sanskrit only: no published translation is held for this verse.
देवानां पार्थिवानां च रथो यत्र निमज्जति । भयं तत्र विजानीयात् पार्थिवस्याशुरद्भुतम् ॥
devānāṃ pārthivānāṃ ca ratho yatra nimajjati | bhayaṃ tatra vijānīyāt pārthivasyāśuradbhutam ||
Sanskrit only: no published translation is held for this verse.
सोमे च वासुदेवे च वरुणे पाकशासने । यद् भयं दृश्यते तद्द् हि ज्ञेयं भाण्डाधिके कने ॥
some ca vāsudeve ca varuṇe pākaśāsane | yad bhayaṃ dṛśyate tadd hi jñeyaṃ bhāṇḍādhike kane ||
Sanskrit only: no published translation is held for this verse.
वाते प्राजापतौ चैव विश्वकर्मणि चैव हि । प्रवर्तते यन् निमित्तं तज् जानपदिकं भवेत् ॥
vāte prājāpatau caiva viśvakarmaṇi caiva hi | pravartate yan nimittaṃ taj jānapadikaṃ bhavet ||
Sanskrit only: no published translation is held for this verse.
कुमारीषु कुमारीणां कुमाराणां कुमारजम् । तथा प्रेष्येषु सर्वेषु कल्पयेच् छास्त्रतः फलम् ॥
kumārīṣu kumārīṇāṃ kumārāṇāṃ kumārajam | tathā preṣyeṣu sarveṣu kalpayec chāstrataḥ phalam ||
Sanskrit only: no published translation is held for this verse.
इन्द्राणि वरुणानी च भद्रकाली महाबला । वीरमाता च यद् ब्रूयुस् तद् राजमहिषीभयम् ॥
indrāṇi varuṇānī ca bhadrakālī mahābalā | vīramātā ca yad brūyus tad rājamahiṣībhayam ||
Sanskrit only: no published translation is held for this verse.
एकैवासां तथा चान्या याश् चान्या देवताः स्त्रियः । कुर्युर् निमित्तं तत् स्त्रीणां प्रधानानां च निर्दिशेत् ॥
ekaivāsāṃ tathā cānyā yāś cānyā devatāḥ striyaḥ | kuryur nimittaṃ tat strīṇāṃ pradhānānāṃ ca nirdiśet ||
Sanskrit only: no published translation is held for this verse.
गन्धर्वेषु निमित्तं यत् तद् अन्येषु प्रदृश्यते । सेनापतीनां भयकृत् सचिवानां भयाय च ॥
gandharveṣu nimittaṃ yat tad anyeṣu pradṛśyate | senāpatīnāṃ bhayakṛt sacivānāṃ bhayāya ca ||
Sanskrit only: no published translation is held for this verse.
रक्षपन्नगयक्षेषु लिङ्गस्यायतनेषु च । यथारूपं यथाकर्म पुरुषेषु व्यवस्थितम् ॥
rakṣapannagayakṣeṣu liṅgasyāyataneṣu ca | yathārūpaṃ yathākarma puruṣeṣu vyavasthitam ||
Sanskrit only: no published translation is held for this verse.
दक्षिणेषु शरीरेषु देवतानां च वेश्मसु । सर्वेष्व् अङ्गेषु नारीणां तुल्यं स्याद् उभयोर् भयम् ॥
dakṣiṇeṣu śarīreṣu devatānāṃ ca veśmasu | sarveṣv aṅgeṣu nārīṇāṃ tulyaṃ syād ubhayor bhayam ||
Sanskrit only: no published translation is held for this verse.
स्वशरीरे यथोत्पाता विहिता दैवचिन्तकैः । तथैव परिसंख्येयं सर्वत्रैव शुभाशुभम् ॥
svaśarīre yathotpātā vihitā daivacintakaiḥ | tathaiva parisaṃkhyeyaṃ sarvatraiva śubhāśubham ||
Sanskrit only: no published translation is held for this verse.
माणिभद्रादयो यक्षा गन्धर्वाश् चित्रसेनयः । तद्भयं तु प्रधानानाम् अमात्यानां विभावयेत् ॥
māṇibhadrādayo yakṣā gandharvāś citrasenayaḥ | tadbhayaṃ tu pradhānānām amātyānāṃ vibhāvayet ||
Sanskrit only: no published translation is held for this verse.
येषु देशेषु दृश्येत दैवतेषु शुभाशुभम् । ते च देशा विनश्यन्ति राजा वाथ विनश्यति ॥
yeṣu deśeṣu dṛśyeta daivateṣu śubhāśubham | te ca deśā vinaśyanti rājā vātha vinaśyati ||
Sanskrit only: no published translation is held for this verse.
ब्राह्मणा यत्र वध्यन्ते ग्रामे राष्ट्रे ऽथ वा पुरे । राजधानीषु वा यत्र तद् अभावस्य लक्षणम् ॥
brāhmaṇā yatra vadhyante grāme rāṣṭre 'tha vā pure | rājadhānīṣu vā yatra tad abhāvasya lakṣaṇam ||
Sanskrit only: no published translation is held for this verse.
यत्राबलं वध्यमानं राजा नैवाभिरक्षति । तत्र दैवकृतो दण्डो निपतत्य् आशु राजनि ॥
yatrābalaṃ vadhyamānaṃ rājā naivābhirakṣati | tatra daivakṛto daṇḍo nipataty āśu rājani ||
Sanskrit only: no published translation is held for this verse.
छत्त्रध्वजपताकासु देवस्थाने गृहेषु च । द्वाराट्टालक^हर्म्येषु [कारयेद्द् होमवाचनम्] ॥
chattradhvajapatākāsu devasthāne gṛheṣu ca | dvārāṭṭālaka^harmyeṣu [kārayedd homavācanam] ||
Sanskrit only: no published translation is held for this verse.
यत्र प्रकृतिभूतानि लिङ्गानि विकृतानि च । देवताश् चापि नद्यश् च क्षरक्षाममहीरुहाः ॥
yatra prakṛtibhūtāni liṅgāni vikṛtāni ca | devatāś cāpi nadyaś ca kṣarakṣāmamahīruhāḥ ||
Sanskrit only: no published translation is held for this verse.
सेना चैव न दृश्येत हस्त्यश्वैश् च पदातिभिः । हीनाङ्गा विकृताङ्गा वा प्रलयं तत्र निर्दिशेत् ॥
senā caiva na dṛśyeta hastyaśvaiś ca padātibhiḥ | hīnāṅgā vikṛtāṅgā vā pralayaṃ tatra nirdiśet ||
Sanskrit only: no published translation is held for this verse.
स्तम्भवृक्षा ध्वजा यत्र स्रवेयू रुधिराम्बु च । धूमयेयुर् ज्वलेयुर् वा मन्त्रिणां तत्र वै वधः ॥
stambhavṛkṣā dhvajā yatra sraveyū rudhirāmbu ca | dhūmayeyur jvaleyur vā mantriṇāṃ tatra vai vadhaḥ ||
Sanskrit only: no published translation is held for this verse.
जगत्स्वामिनि जानीयाद् यदि चेद् दिवि जायते । आन्तरिक्षं तु देशे स्याद् भौमं सस्योपतिष्ठति ॥
jagatsvāmini jānīyād yadi ced divi jāyate | āntarikṣaṃ tu deśe syād bhaumaṃ sasyopatiṣṭhati ||
Sanskrit only: no published translation is held for this verse.
भार्यायां वाहने पुत्रे कोशे सेनापतौ पुरे । पुरोहिते नरेन्द्रे वा पतते दैवम् अष्टधा ॥
bhāryāyāṃ vāhane putre kośe senāpatau pure | purohite narendre vā patate daivam aṣṭadhā ||
Sanskrit only: no published translation is held for this verse.
माहेन्द्रीम् अमृतां रौद्रीं वैश्वदेवीम् अथापि वा । उत्पातेषु महाशान्तिं कारयेद् बहुदक्षिणाम् ॥
māhendrīm amṛtāṃ raudrīṃ vaiśvadevīm athāpi vā | utpāteṣu mahāśāntiṃ kārayed bahudakṣiṇām ||
Sanskrit only: no published translation is held for this verse.
शाम्यन्ति येन घोराणि योगक्षेमं च जायते । राजानो मुदितास् तत्र पालयन्ति वसुंधराम् ॥
śāmyanti yena ghorāṇi yogakṣemaṃ ca jāyate | rājāno muditās tatra pālayanti vasuṃdharām ||
Sanskrit only: no published translation is held for this verse.