ओम् अथ घ्र्तावेक्षणं वक्ष्यामः ॥
om atha ghrtāvekṣaṇaṃ vakṣyāmaḥ ||
Sanskrit only: no published translation is held for this verse.
Library·Atharvavedaparisistas·8
Atharvavedaparisistas 8
प्रातःप्रातः शङ्खदुन्दुभिनादेन ब्रह्मघोषेण वा प्रबोधितो राजा शयनगृहाद् उत्थायापराजितां दिशम् अभिनिष्क्रम्योपाध्यायं प्रतीक्षेत ॥
prātaḥprātaḥ śaṅkhadundubhinādena brahmaghoṣeṇa vā prabodhito rājā śayanagṛhād utthāyāparājitāṃ diśam abhiniṣkramyopādhyāyaṃ pratīkṣeta ||
Sanskrit only: no published translation is held for this verse.
अथ पुरोहितः स्नातानुलिप्तः शुचिः शुक्लवासाः क्र्तमङ्गलविरचितोष्णीषी शान्तिगृहं प्रविश्य देवानां नमस्कारं कृत्वा स्वस्तिवाचनम् अनुज्ञाप्य विनीतवद् उपविशेत् ॥
atha purohitaḥ snātānuliptaḥ śuciḥ śuklavāsāḥ krtamaṅgalaviracitoṣṇīṣī śāntigṛhaṃ praviśya devānāṃ namaskāraṃ kṛtvā svastivācanam anujñāpya vinītavad upaviśet ||
Sanskrit only: no published translation is held for this verse.
यमस्य लोकाद् यथा कलां यो न जीवो ऽसीति स्वस्त्ययनं कृत्वोल्लिख्याभ्युक्ष्य परिस्तीर्य शन्तातीयेन तिलान् घृताक्तान् जुहुयात् ॥
yamasya lokād yathā kalāṃ yo na jīvo 'sīti svastyayanaṃ kṛtvollikhyābhyukṣya paristīrya śantātīyena tilān ghṛtāktān juhuyāt ||
Sanskrit only: no published translation is held for this verse.
तान् हुत्वा सौवर्णराजतम् औदुम्बरं वा पात्रं घृतपूर्णं सहिरण्यं घृतस्य जूतिः सहस्रशृङ्गो यमस्य लोकाद् उरु विष्णो वि क्रमस्वेत्य् अभिमन्त्र्याज्यं तेज इति तदालभते ॥
tān hutvā sauvarṇarājatam audumbaraṃ vā pātraṃ ghṛtapūrṇaṃ sahiraṇyaṃ ghṛtasya jūtiḥ sahasraśṛṅgo yamasya lokād uru viṣṇo vi kramasvety abhimantryājyaṃ teja iti tadālabhate ||
Sanskrit only: no published translation is held for this verse.
आज्यं तेजः समुद्दिष्टम् आज्यं पापहरं परम् । आज्येन देवास् त्र्प्यन्ति आज्ये लोकाः प्रतिष्ठिताः ॥
ājyaṃ tejaḥ samuddiṣṭam ājyaṃ pāpaharaṃ param | ājyena devās trpyanti ājye lokāḥ pratiṣṭhitāḥ ||
Sanskrit only: no published translation is held for this verse.
भौमान्तरिक्षदिव्यं वा यत् ते कल्मषम् आगतम् । सर्वं तद् आज्यसंस्पर्शात् प्रणाशम् उपगच्छत्व् इति ॥
bhaumāntarikṣadivyaṃ vā yat te kalmaṣam āgatam | sarvaṃ tad ājyasaṃsparśāt praṇāśam upagacchatv iti ||
Sanskrit only: no published translation is held for this verse.
तस्मिन् घृतपात्रस्थं हि सर्वम् आत्मानं च पश्येत् ॥
tasmin ghṛtapātrasthaṃ hi sarvam ātmānaṃ ca paśyet ||
Sanskrit only: no published translation is held for this verse.
दध्ना शिरो हृदयम् अन्वालभ्य जपेत् ॥
dadhnā śiro hṛdayam anvālabhya japet ||
Sanskrit only: no published translation is held for this verse.
उच्चा पतन्तम् इति द्वाभ्याम्
uccā patantam iti dvābhyām
Sanskrit only: no published translation is held for this verse.
सूर्यस्यावृतम् इति प्रदक्षिणम् आवृत्य शेषं कारयेद् इत्य्
sūryasyāvṛtam iti pradakṣiṇam āvṛtya śeṣaṃ kārayed ity
Sanskrit only: no published translation is held for this verse.
अत्र श्लोकाः ॥
atra ślokāḥ ||
Sanskrit only: no published translation is held for this verse.
अयं घृतावेक्षणस्य प्रोक्तो विधिर् अथर्वणा । उपास्यो नित्यकालं तु राज्ञा विजयकाङ्क्षिणा ॥
ayaṃ ghṛtāvekṣaṇasya prokto vidhir atharvaṇā | upāsyo nityakālaṃ tu rājñā vijayakāṅkṣiṇā ||
Sanskrit only: no published translation is held for this verse.
एतत् समाहरेत् सर्वं प्रयतस् तु समाहितः । राजा विजयते राष्ट्रं नश्यन्ते तस्य शत्रवः ॥
etat samāharet sarvaṃ prayatas tu samāhitaḥ | rājā vijayate rāṣṭraṃ naśyante tasya śatravaḥ ||
Sanskrit only: no published translation is held for this verse.
द्विजोत्तमाय कपिलां राजा दद्यात् तु गां शुभाम् । आशीर्वादं ततस् तेन श्रुत्वा तन्मुखनिःसृतम् ॥
dvijottamāya kapilāṃ rājā dadyāt tu gāṃ śubhām | āśīrvādaṃ tatas tena śrutvā tanmukhaniḥsṛtam ||
Sanskrit only: no published translation is held for this verse.
गुरुणा वाचितो यस्माद् दीर्घम् आयुर् अवाप्नुयात् । पुत्रान् पौत्रांश् च मैत्रांश् च लभते नात्रसंशयः ॥
guruṇā vācito yasmād dīrgham āyur avāpnuyāt | putrān pautrāṃś ca maitrāṃś ca labhate nātrasaṃśayaḥ ||
Sanskrit only: no published translation is held for this verse.
आयुष्यम् अथ वर्चस्यं सौभाग्यं शत्रुतापनम् । दुःस्वप्ननाशनं पुण्यं घृतास्यावेक्षणं स्मृतम् इति ॥ इति घृतावेक्षणं समाप्तम् ॥ श्रीसाम्ब । यमस्य लोकाद् अध्य् आबभूविथ इति ऋचः ६, यथा कलां यथा शफम् इति ऋचः ६, घृतस्य जूतिर् इति ऋचः ४ घृतावेक्षणमध्ये पैप्पलादा मन्त्राः ॥
āyuṣyam atha varcasyaṃ saubhāgyaṃ śatrutāpanam | duḥsvapnanāśanaṃ puṇyaṃ ghṛtāsyāvekṣaṇaṃ smṛtam iti || iti ghṛtāvekṣaṇaṃ samāptam || śrīsāmba | yamasya lokād adhy ābabhūvitha iti ṛcaḥ 6, yathā kalāṃ yathā śapham iti ṛcaḥ 6, ghṛtasya jūtir iti ṛcaḥ 4 ghṛtāvekṣaṇamadhye paippalādā mantrāḥ ||
Sanskrit only: no published translation is held for this verse.