Library·Atharvavedaparisistas·9
ओम् अथ तिलधेनुं प्रवक्ष्यामि सर्वपापप्रणाशनीम् । तिलाः श्वेतास् तिलाः कृष्णास् तिला गोमूत्रवर्णकाः ॥
om atha tiladhenuṃ pravakṣyāmi sarvapāpapraṇāśanīm | tilāḥ śvetās tilāḥ kṛṣṇās tilā gomūtravarṇakāḥ ||
Sanskrit only: no published translation is held for this verse.
तिलानां तु विचित्राणां धेनुं वत्सं च कारयेत् । द्रोणस्य वत्सकं कुर्याच् चतुर्द्रोणा तु गौः स्मृता ॥
tilānāṃ tu vicitrāṇāṃ dhenuṃ vatsaṃ ca kārayet | droṇasya vatsakaṃ kuryāc caturdroṇā tu gauḥ smṛtā ||
Sanskrit only: no published translation is held for this verse.
सुवासायां शुचौ भूमौ धूपपुष्पैर् अलंक्र्ता । कृष्णाजिने तु कर्तव्या बहूनां वापि कारयेत् ॥
suvāsāyāṃ śucau bhūmau dhūpapuṣpair alaṃkrtā | kṛṣṇājine tu kartavyā bahūnāṃ vāpi kārayet ||
Sanskrit only: no published translation is held for this verse.
कर्णौ रत्नमयौ कुर्याच् चक्षुषी दीपकौ तथा । घ्राणे तु सर्वग्न्धांस् तु जिह्वायां शारदं घृतम् ॥
karṇau ratnamayau kuryāc cakṣuṣī dīpakau tathā | ghrāṇe tu sarvagndhāṃs tu jihvāyāṃ śāradaṃ ghṛtam ||
Sanskrit only: no published translation is held for this verse.
दन्तेषु मौक्तिकं दद्याल् ललाटे ताम्रभाजनम् । ऊधसि तु मधूशीरम् अपाने च घृतं मधु ॥
danteṣu mauktikaṃ dadyāl lalāṭe tāmrabhājanam | ūdhasi tu madhūśīram apāne ca ghṛtaṃ madhu ||
Sanskrit only: no published translation is held for this verse.
हृदये चन्दनं दद्याज् जङ्घयोर् इक्षुकाण्डकम् । सुवर्णशृङ्गी रौप्यखुरी रौप्यलाङ्गूलदक्षिणा ॥
hṛdaye candanaṃ dadyāj jaṅghayor ikṣukāṇḍakam | suvarṇaśṛṅgī raupyakhurī raupyalāṅgūladakṣiṇā ||
Sanskrit only: no published translation is held for this verse.
वस्त्रछन्ना तु दातव्या कांस्यपात्रं तु दोहनी ।
vastrachannā tu dātavyā kāṃsyapātraṃ tu dohanī |
Sanskrit only: no published translation is held for this verse.
प्रजापतिश् चेत्य् अभिमन्त्र्य विप्राय दद्यात्
prajāpatiś cety abhimantrya viprāya dadyāt
Sanskrit only: no published translation is held for this verse.
तत्र श्लोकाः ॥
tatra ślokāḥ ||
Sanskrit only: no published translation is held for this verse.
धेनुं वत्सं च यो दद्याद् विनाथर्वाभिमन्त्रिताम् । विनानेन विधानेन देवत्वं नोपजायते ॥
dhenuṃ vatsaṃ ca yo dadyād vinātharvābhimantritām | vinānena vidhānena devatvaṃ nopajāyate ||
Sanskrit only: no published translation is held for this verse.
विश्वरूपाः स्थिताः सर्वा धेनवः परिकीर्तिताः । धेनुत्वं न स प्रयाति विना सूक्ताभिमन्त्रिताम् । निष्फलं नश्यते सर्वं विनाभिमन्त्रितं सताम् ॥
viśvarūpāḥ sthitāḥ sarvā dhenavaḥ parikīrtitāḥ | dhenutvaṃ na sa prayāti vinā sūktābhimantritām | niṣphalaṃ naśyate sarvaṃ vinābhimantritaṃ satām ||
Sanskrit only: no published translation is held for this verse.
बालत्वे यच् च कौमारे यत् पापं यौवने कृतम् । वयःपरिणतौ यच् च यच् च जन्मान्तरेषु च ॥
bālatve yac ca kaumāre yat pāpaṃ yauvane kṛtam | vayaḥpariṇatau yac ca yac ca janmāntareṣu ca ||
Sanskrit only: no published translation is held for this verse.
यन् निशायां तथा प्रातर् यन् मध्याह्नापराह्णयोः । संध्ययोर् यत् कृतं पापं कर्मणा मनसा गिरा ॥
yan niśāyāṃ tathā prātar yan madhyāhnāparāhṇayoḥ | saṃdhyayor yat kṛtaṃ pāpaṃ karmaṇā manasā girā ||
Sanskrit only: no published translation is held for this verse.
प्रसूयमानां यो धेनुं दद्याद् ब्राह्मणपुंगवे । कृष्णाजिनं गुडधेनुं घृतधेनुं तथैव च ॥
prasūyamānāṃ yo dhenuṃ dadyād brāhmaṇapuṃgave | kṛṣṇājinaṃ guḍadhenuṃ ghṛtadhenuṃ tathaiva ca ||
Sanskrit only: no published translation is held for this verse.
सुवर्णरत्नधेनुं च जलधेनुं तथा पराम् । क्षीरधेनुं मधुधेनुं शर्करालवणं तथा ॥
suvarṇaratnadhenuṃ ca jaladhenuṃ tathā parām | kṣīradhenuṃ madhudhenuṃ śarkarālavaṇaṃ tathā ||
Sanskrit only: no published translation is held for this verse.
रसादिधेनूः सर्वान्या अनेन विधिना स्मृताः । यत् तु बाल्ये कृतं पापं यौवने चैव यत् कृतम् ॥
rasādidhenūḥ sarvānyā anena vidhinā smṛtāḥ | yat tu bālye kṛtaṃ pāpaṃ yauvane caiva yat kṛtam ||
Sanskrit only: no published translation is held for this verse.
मानकूटं तुलाकूटं कन्यानृतगवानृतम् । उदके ष्ठीवितं चैव मुसलं चापि लङ्घितम् ॥
mānakūṭaṃ tulākūṭaṃ kanyānṛtagavānṛtam | udake ṣṭhīvitaṃ caiva musalaṃ cāpi laṅghitam ||
Sanskrit only: no published translation is held for this verse.
वृषलीगमनं चैव गुरुदारानिषेवणम् । सुरापानस्य यत् पापं तिलधेनुः प्रशाम्यति ॥
vṛṣalīgamanaṃ caiva gurudārāniṣevaṇam | surāpānasya yat pāpaṃ tiladhenuḥ praśāmyati ||
Sanskrit only: no published translation is held for this verse.
या स यमपुरे घोरे नदी वैतरणी स्मृता । यत्र लोहमुखाः काकाः श्वानश् चैव भयावहाः ॥
yā sa yamapure ghore nadī vaitaraṇī smṛtā | yatra lohamukhāḥ kākāḥ śvānaś caiva bhayāvahāḥ ||
Sanskrit only: no published translation is held for this verse.
वालुकान्ताः स्थलाश् चैव पच्यन्ते यत्र दुष्कृतः । असिपत्त्रवनं यत्र शालूकाः शाल्मली तथा ॥
vālukāntāḥ sthalāś caiva pacyante yatra duṣkṛtaḥ | asipattravanaṃ yatra śālūkāḥ śālmalī tathā ||
Sanskrit only: no published translation is held for this verse.
तान् सुखेन व्यतिक्रम्य धर्मराजाश्रमं व्रजेत् । स्वागतं ते महाभाग स्वस्ति ते ऽस्तु महामते ॥
tān sukhena vyatikramya dharmarājāśramaṃ vrajet | svāgataṃ te mahābhāga svasti te 'stu mahāmate ||
Sanskrit only: no published translation is held for this verse.
विमानम् एतद् योग्यं ते मणिरत्नविभूषितम् । अत्रारुह्य नरश्रेष्ठ गच्छ त्वं परमां गतिम् ॥
vimānam etad yogyaṃ te maṇiratnavibhūṣitam | atrāruhya naraśreṣṭha gaccha tvaṃ paramāṃ gatim ||
Sanskrit only: no published translation is held for this verse.
मा च चारभटे दद्यान् मा च दद्यात् पुरोहिते । मा च काणे विरूपे च कुष्ठिव्यङ्गे तथैव च ॥
mā ca cārabhaṭe dadyān mā ca dadyāt purohite | mā ca kāṇe virūpe ca kuṣṭhivyaṅge tathaiva ca ||
Sanskrit only: no published translation is held for this verse.
वेदान्तगाय दातव्या वेदान्तगसुताय वा । एकैकस्मै च दातव्या माघमासे तु पूर्णिमाम् ॥
vedāntagāya dātavyā vedāntagasutāya vā | ekaikasmai ca dātavyā māghamāse tu pūrṇimām ||
Sanskrit only: no published translation is held for this verse.
य इमां पठते नित्यं यश् चेमां शृणुयाद् अपि । देवलोकम् अतिक्रम्य सूर्यलोकं स गच्छति ॥ सूर्यलोकं स गच्छतीति ॥ इति तिलधेनुविधिः समाप्तः ॥
ya imāṃ paṭhate nityaṃ yaś cemāṃ śṛṇuyād api | devalokam atikramya sūryalokaṃ sa gacchati || sūryalokaṃ sa gacchatīti || iti tiladhenuvidhiḥ samāptaḥ ||
Sanskrit only: no published translation is held for this verse.