Abhinavagupta: Tantraloka 12

अथाध्वनो स्य प्रकृत उपयोगः प्रकाश्यते ॥ १ब्

athādhvano sya prakṛta upayogaḥ prakāśyate // 1b

Sanskrit only: no published translation is held for this verse.

इत्थमध्वा समस्तो यं यथा संविदि संस्थितः । तद्द्वारा शून्यधीप्राणनाडीचक्रतनुष्वथो ॥ २

itthamadhvā samasto yaṃ yathā saṃvidi saṃsthitaḥ / taddvārā śūnyadhīprāṇanāḍīcakratanuṣvatho // 2

Sanskrit only: no published translation is held for this verse.

बहिश्च लिङ्गमूर्त्यग्निस्थण्डिलादिषु सर्वतः । तथा स्थितः समस्तश्च व्यस्तश्चैष क्रमाक्रमात् ॥ ३

bahiśca liṅgamūrtyagnisthaṇḍilādiṣu sarvataḥ / tathā sthitaḥ samastaśca vyastaścaiṣa kramākramāt // 3

Sanskrit only: no published translation is held for this verse.

आसंवित्तत्त्वमाबाह्यं यो यमध्वा व्यवस्थितः । तत्र तत्रोचितं रूपं स्वं स्वातन्त्र्येण भासयेत् ॥ ४

āsaṃvittattvamābāhyaṃ yo yamadhvā vyavasthitaḥ / tatra tatrocitaṃ rūpaṃ svaṃ svātantryeṇa bhāsayet // 4

Sanskrit only: no published translation is held for this verse.

सर्वं सर्वत्र रूपं च तस्यापि न न भासते । नह्यवच्छेदितां क्वापि स्वप्ने पि विषहामहे ॥ ५

sarvaṃ sarvatra rūpaṃ ca tasyāpi na na bhāsate / nahyavaccheditāṃ kvāpi svapne pi viṣahāmahe // 5

Sanskrit only: no published translation is held for this verse.

एवं विश्वाध्वसंपूर्णं कालव्यापारचित्रितम् । देशकालमयस्पन्दसद्म देहं विलोकयेत् ॥ ६

evaṃ viśvādhvasaṃpūrṇaṃ kālavyāpāracitritam / deśakālamayaspandasadma dehaṃ vilokayet // 6

Sanskrit only: no published translation is held for this verse.

तथा विलोक्यमानो सौ विश्वान्तर्देवतामयः । ध्येयः पूज्यश्च तर्प्यश्च तदाविष्टो विमुच्यते ॥ ७

tathā vilokyamāno sau viśvāntardevatāmayaḥ / dhyeyaḥ pūjyaśca tarpyaśca tadāviṣṭo vimucyate // 7

Sanskrit only: no published translation is held for this verse.

इत्थं घटं पटं लिङ्गं स्थण्डिलं पुस्तकं जलम् । यद्वा किंचित्क्वचित्पश्येत्तत्र तन्मयतां व्रजेत् ॥ ८

itthaṃ ghaṭaṃ paṭaṃ liṅgaṃ sthaṇḍilaṃ pustakaṃ jalam / yadvā kiṃcitkvacitpaśyettatra tanmayatāṃ vrajet // 8

Sanskrit only: no published translation is held for this verse.

तत्रार्पणं हि वस्तूनामभेदेनार्चनं मतम् । तथा संपूर्णरूपत्वानुसंधिर्ध्यानमुच्यते ॥ ९

tatrārpaṇaṃ hi vastūnāmabhedenārcanaṃ matam / tathā saṃpūrṇarūpatvānusaṃdhirdhyānamucyate // 9

Sanskrit only: no published translation is held for this verse.

संपूर्णत्वानुसंधानमकम्पं दार्ढ्यमानयन् । तथान्तर्जल्पयोगेन विमृशञ्जपभाजनम् ॥ १०

saṃpūrṇatvānusaṃdhānamakampaṃ dārḍhyamānayan / tathāntarjalpayogena vimṛśañjapabhājanam // 10

Sanskrit only: no published translation is held for this verse.

तत्रार्पितानां भावानां स्वकभेदविलापनम् । कुर्वंस्तद्रश्मिसद्भावं दद्याद्धोमक्रियापरः ॥ ११

tatrārpitānāṃ bhāvānāṃ svakabhedavilāpanam / kurvaṃstadraśmisadbhāvaṃ dadyāddhomakriyāparaḥ // 11

Sanskrit only: no published translation is held for this verse.

तथैवंकुर्वतः सर्वं समभावेन पश्यतः । निष्कम्पता व्रतं शुद्धं साम्यं नन्दिशिखोदितम् ॥ १२

tathaivaṃkurvataḥ sarvaṃ samabhāvena paśyataḥ / niṣkampatā vrataṃ śuddhaṃ sāmyaṃ nandiśikhoditam // 12

Sanskrit only: no published translation is held for this verse.

तथार्चनजपध्यानहोमव्रतविधिक्रमात् । परिपूर्णां स्थितिं प्राहुः समाधिं गुरवः पुरा ॥ १३

tathārcanajapadhyānahomavratavidhikramāt / paripūrṇāṃ sthitiṃ prāhuḥ samādhiṃ guravaḥ purā // 13

Sanskrit only: no published translation is held for this verse.

अत्र पूजाजपाद्येषु बहिरन्तर्द्वयस्थितौ । द्रव्यौघे न विधिः को पि न कापि प्रतिषिद्धता ॥ १४

atra pūjājapādyeṣu bahirantardvayasthitau / dravyaughe na vidhiḥ ko pi na kāpi pratiṣiddhatā // 14

Sanskrit only: no published translation is held for this verse.

कल्पनाशुद्धिसंध्यादेर्नोपयोगो त्र कश्चन । उक्तं श्रीत्रिकसूत्रे च जायते यजनं प्रति ॥ १५

kalpanāśuddhisaṃdhyādernopayogo tra kaścana / uktaṃ śrītrikasūtre ca jāyate yajanaṃ prati // 15

Sanskrit only: no published translation is held for this verse.

अविधिज्ञो विधिज्ञश्चेत्येवमादि सुविस्तरम् । यदा यथा येन यत्र स्वा सम्वित्तिः प्रसीदति ॥ १६

avidhijño vidhijñaścetyevamādi suvistaram / yadā yathā yena yatra svā samvittiḥ prasīdati // 16

Sanskrit only: no published translation is held for this verse.

तदा तथा तेन तत्र तत्तद्भोग्यं विधिश्च सः । लौकिकालौकिकं सर्वं तेनात्र विनियोजयेत् ॥ १७

tadā tathā tena tatra tattadbhogyaṃ vidhiśca saḥ / laukikālaukikaṃ sarvaṃ tenātra viniyojayet // 17

Sanskrit only: no published translation is held for this verse.

निष्कम्पत्वे सकम्पस्तु कम्पं निर्ह्रासयेद्बलात् । यथा येनाभ्युपायेन क्रमादक्रमतो पि वा ॥ १८

niṣkampatve sakampastu kampaṃ nirhrāsayedbalāt / yathā yenābhyupāyena kramādakramato pi vā // 18

Sanskrit only: no published translation is held for this verse.

विचिकित्सा गलत्यन्तस्तथासौ यत्नवान्भवेत् । धीकर्माक्षगता देवीर्निषिद्धैरेव तर्पयेत् ॥ १९

vicikitsā galatyantastathāsau yatnavānbhavet / dhīkarmākṣagatā devīrniṣiddhaireva tarpayet // 19

Sanskrit only: no published translation is held for this verse.

वीरव्रतं चाभिनन्देदिति भर्गशिखावचः । तथाहि शङ्का मालिन्यं ग्लानिः संकोच इत्यदः ॥ २०

vīravrataṃ cābhinandediti bhargaśikhāvacaḥ / tathāhi śaṅkā mālinyaṃ glāniḥ saṃkoca ityadaḥ // 20

Sanskrit only: no published translation is held for this verse.

संसारकारागारान्तः स्थूलस्थूणाघटायते । मन्त्रा वर्णस्वभावा ये द्रव्यं यत्पाञ्चभौतिकम् ॥ २१

saṃsārakārāgārāntaḥ sthūlasthūṇāghaṭāyate / mantrā varṇasvabhāvā ye dravyaṃ yatpāñcabhautikam // 21

Sanskrit only: no published translation is held for this verse.

यच्चिदात्म प्राणिजातं तत्र कः संकरः कथम् । संकराभावतः केयं शङ्का तस्यामपि स्फुटम् ॥ २२

yaccidātma prāṇijātaṃ tatra kaḥ saṃkaraḥ katham / saṃkarābhāvataḥ keyaṃ śaṅkā tasyāmapi sphuṭam // 22

Sanskrit only: no published translation is held for this verse.

न शङ्केत तथा शङ्का विलीयेतावहेलया । श्रीसर्वाचारवीरालीनिशाचरक्रमादिषु ॥ २३

na śaṅketa tathā śaṅkā vilīyetāvahelayā / śrīsarvācāravīrālīniśācarakramādiṣu // 23

Sanskrit only: no published translation is held for this verse.

शास्त्रेषु विततं चैतत्तत्र तत्रोच्यते यतः । शङ्कया जायते ग्लानिः शङ्कया विघ्नभाजनम् ॥ २४

śāstreṣu vitataṃ caitattatra tatrocyate yataḥ / śaṅkayā jāyate glāniḥ śaṅkayā vighnabhājanam // 24

Sanskrit only: no published translation is held for this verse.

उवाचोत्पलदेवश्च श्रीमानस्मद्गुरोर्गुरुः । सर्वाशङ्काशनिं मार्गं नुमो माहेश्वरं त्विति ॥ २५

uvācotpaladevaśca śrīmānasmadgurorguruḥ / sarvāśaṅkāśaniṃ mārgaṃ numo māheśvaraṃ tviti // 25

Sanskrit only: no published translation is held for this verse.

अनुत्तरपदाप्तये तदिदमाणवं दर्शिताभ्युपायमतिविस्तरान्ननु विदांकुरुध्वं बुधाः ।

anuttarapadāptaye tadidamāṇavaṃ darśitābhyupāyamativistarānnanu vidāṃkurudhvaṃ budhāḥ /

Sanskrit only: no published translation is held for this verse.