Abhinavagupta: Tantraloka 21

परोक्षसंस्थितस्याथ दीक्षाकर्म निगद्यते ॥ १

parokṣasaṃsthitasyātha dīkṣākarma nigadyate // 1

Sanskrit only: no published translation is held for this verse.

भुक्तिमुक्तिप्रसिद्ध्यर्थं नीयते सद्गुरुं प्रति । इत्यस्मिन्मालिनीवाक्ये प्रतिः सांमुख्यावाचकः ॥ २

bhuktimuktiprasiddhyarthaṃ nīyate sadguruṃ prati / ityasminmālinīvākye pratiḥ sāṃmukhyāvācakaḥ // 2

Sanskrit only: no published translation is held for this verse.

सांमुख्यं चास्य शिष्यस्य तत्कृपास्पदतात्मकम् । तमाराध्येति वचनं कृपाहेतूपलक्षणम् ॥ ३

sāṃmukhyaṃ cāsya śiṣyasya tatkṛpāspadatātmakam / tamārādhyeti vacanaṃ kṛpāhetūpalakṣaṇam // 3

Sanskrit only: no published translation is held for this verse.

तत्संबन्धात्ततः कश्चित्तत्क्षणादपवृज्यते । इत्यस्यायमपि ह्यर्थो मालिनीवाक्यसन्मणेः ॥ ४

tatsaṃbandhāttataḥ kaścittatkṣaṇādapavṛjyate / ityasyāyamapi hyartho mālinīvākyasanmaṇeḥ // 4

Sanskrit only: no published translation is held for this verse.

तत्क्षणादिति नास्यास्ति यियासादिक्षणान्तरम् । किंत्वेवमेव करुणानिघ्नस्तं गुरुरुद्धरेत् ॥ ५

tatkṣaṇāditi nāsyāsti yiyāsādikṣaṇāntaram / kiṃtvevameva karuṇānighnastaṃ gururuddharet // 5

Sanskrit only: no published translation is held for this verse.

गुरुसेवाक्षीणतनोर्दीक्षामप्राप्य पञ्चताम् । गतस्याथ स्वयं मृत्युक्षणोदिततथारुचेः ॥ ६

gurusevākṣīṇatanordīkṣāmaprāpya pañcatām / gatasyātha svayaṃ mṛtyukṣaṇoditatathāruceḥ // 6

Sanskrit only: no published translation is held for this verse.

अथवाधरतन्त्रादिदीक्षासंस्कारभागिनः । प्राप्तसामयिकस्याथ परां दीक्षामविन्दतः ॥ ७

athavādharatantrādidīkṣāsaṃskārabhāginaḥ / prāptasāmayikasyātha parāṃ dīkṣāmavindataḥ // 7

Sanskrit only: no published translation is held for this verse.

डिम्बाहतस्य योगेशीभक्षितस्याभिचारतः । मृतस्य गुरुणा यन्त्रतन्त्रादिनिहतस्य वा ॥ ८

ḍimbāhatasya yogeśībhakṣitasyābhicārataḥ / mṛtasya guruṇā yantratantrādinihatasya vā // 8

Sanskrit only: no published translation is held for this verse.

भ्रष्टस्वसमयस्याथ दीक्षां प्राप्तवतो प्यलम् । बन्धुभार्यासुहृत्पुत्रगाढाभ्यर्थनयोगतः ॥ ९

bhraṣṭasvasamayasyātha dīkṣāṃ prāptavato pyalam / bandhubhāryāsuhṛtputragāḍhābhyarthanayogataḥ // 9

Sanskrit only: no published translation is held for this verse.

स्वयं तद्विषयोत्पन्नकरुणाबलतो पि वा । विज्ञाततन्मुखायातशक्तिपातांशधर्मणः ॥ १०

svayaṃ tadviṣayotpannakaruṇābalato pi vā / vijñātatanmukhāyātaśaktipātāṃśadharmaṇaḥ // 10

Sanskrit only: no published translation is held for this verse.

गुरुर्दीक्षां मृतोद्धारीं कुर्वीत शिवदायिनीम् । श्रीमृत्युञ्जयसिद्धादौ तदुक्तं परमेशिना ॥ ११

gururdīkṣāṃ mṛtoddhārīṃ kurvīta śivadāyinīm / śrīmṛtyuñjayasiddhādau taduktaṃ parameśinā // 11

Sanskrit only: no published translation is held for this verse.

अदीक्षिते नृपत्यादावलसे पतिते मृते । बालातुरस्त्रीवृद्धे च मृतोद्धारं प्रकल्पयेत् ॥ १२

adīkṣite nṛpatyādāvalase patite mṛte / bālāturastrīvṛddhe ca mṛtoddhāraṃ prakalpayet // 12

Sanskrit only: no published translation is held for this verse.

विधिः सर्वः पूर्वमुक्तः स तु संक्षिप्त इष्यते । गुर्वादिपूजारहितो बाह्ये भोगाय सा यतः ॥ १३

vidhiḥ sarvaḥ pūrvamuktaḥ sa tu saṃkṣipta iṣyate / gurvādipūjārahito bāhye bhogāya sā yataḥ // 13

Sanskrit only: no published translation is held for this verse.

अधिवासचरुक्षेत्रं शय्यामण्डलकल्पने । नोपयोग्यत्र तच्छिष्यसंस्क्रियास्वप्नदृष्टये ॥ १४

adhivāsacarukṣetraṃ śayyāmaṇḍalakalpane / nopayogyatra tacchiṣyasaṃskriyāsvapnadṛṣṭaye // 14

Sanskrit only: no published translation is held for this verse.

मन्त्रसंनिधिसंतृप्तियोगायात्र तु मण्डलम् । भूयोदिने च देवार्चा साक्षान्नास्योपकारि तत् ॥ १५

mantrasaṃnidhisaṃtṛptiyogāyātra tu maṇḍalam / bhūyodine ca devārcā sākṣānnāsyopakāri tat // 15

Sanskrit only: no published translation is held for this verse.

क्रियोपकरणस्थानमण्डलाकृतिमन्त्रतः । ध्यानयोगैकतद्भक्तिज्ञानतन्मयभावतः ॥ १६

kriyopakaraṇasthānamaṇḍalākṛtimantrataḥ / dhyānayogaikatadbhaktijñānatanmayabhāvataḥ // 16

Sanskrit only: no published translation is held for this verse.

तत्प्रविष्टस्य कस्यापि शिष्याणां च गुरोस्तथा । एकादशैते कथिताः संनिधानाय हेतवः ॥ १७

tatpraviṣṭasya kasyāpi śiṣyāṇāṃ ca gurostathā / ekādaśaite kathitāḥ saṃnidhānāya hetavaḥ // 17

Sanskrit only: no published translation is held for this verse.

उत्तरोत्तरमुत्कृष्टास्तथा व्यामिश्रणावशात् । क्रियातिभूयसी पुष्पाद्युत्तमं लक्षणान्वितम् ॥ १८

uttarottaramutkṛṣṭāstathā vyāmiśraṇāvaśāt / kriyātibhūyasī puṣpādyuttamaṃ lakṣaṇānvitam // 18

Sanskrit only: no published translation is held for this verse.

एकलिङ्गादि च स्थानं यत्रात्मा संप्रसीदति । मण्डलं त्रित्रिशूलाब्जचक्रं यन्मन्त्रमण्डले ॥ १९

ekaliṅgādi ca sthānaṃ yatrātmā saṃprasīdati / maṇḍalaṃ tritriśūlābjacakraṃ yanmantramaṇḍale // 19

Sanskrit only: no published translation is held for this verse.

अनाहूते पि दृष्टं सत्समयित्वप्रसाधनम् । तदुक्तं मालिनीतन्त्रे सिद्धं समयमण्डलम् ॥ २०

anāhūte pi dṛṣṭaṃ satsamayitvaprasādhanam / taduktaṃ mālinītantre siddhaṃ samayamaṇḍalam // 20

Sanskrit only: no published translation is held for this verse.

येन संदृष्टमात्रेति सिद्धमात्रपदद्वयात् । आकृतिर्दीप्तरूपा या मन्त्रस्तद्वत्सुदीप्तिकः ॥ २१

yena saṃdṛṣṭamātreti siddhamātrapadadvayāt / ākṛtirdīptarūpā yā mantrastadvatsudīptikaḥ // 21

Sanskrit only: no published translation is held for this verse.

शिष्टं स्पष्टमतो नेह कथितं विस्तरात्पुनः । कृत्वा मण्डलमभ्यर्च्य तत्र देवं कुशैरथ ॥ २२

śiṣṭaṃ spaṣṭamato neha kathitaṃ vistarātpunaḥ / kṛtvā maṇḍalamabhyarcya tatra devaṃ kuśairatha // 22

Sanskrit only: no published translation is held for this verse.

गोमयेनाकृतिं कुर्याच्छिष्यवत्तां निधापयेत् । ततस्तस्यां शोध्यमेकमध्वानं व्याप्तिभावनात् ॥ २३

gomayenākṛtiṃ kuryācchiṣyavattāṃ nidhāpayet / tatastasyāṃ śodhyamekamadhvānaṃ vyāptibhāvanāt // 23

Sanskrit only: no published translation is held for this verse.

प्रकृत्यन्तं विनिक्षिप्य पुनरेनं विधिं चरेत् । महाजालप्रयोगेण सर्वस्मादध्वमध्यतः ॥ २४

prakṛtyantaṃ vinikṣipya punarenaṃ vidhiṃ caret / mahājālaprayogeṇa sarvasmādadhvamadhyataḥ // 24

Sanskrit only: no published translation is held for this verse.

चित्तमाकृष्य तत्रस्थं कुर्यात्तद्विधिरुच्यते । मूलाधारादुदेत्य प्रसृतसुविततानन्तनाड्यध्वदण्डं वीर्येणाक्रम्य नासागगनपरिगतं विक्षिपन् व्याप्तुमीष्टे । यावद्धूमाभिरामप्रचिततरशिखाजालकेनाध्वचक्रं संछाद्याभीष्टजीवानयनमिति महाजालनामा प्रयोगः ॥ २५

cittamākṛṣya tatrasthaṃ kuryāttadvidhirucyate / mūlādhārādudetya prasṛtasuvitatānantanāḍyadhvadaṇḍaṃ vīryeṇākramya nāsāgaganaparigataṃ vikṣipan vyāptumīṣṭe / yāvaddhūmābhirāmapracitataraśikhājālakenādhvacakraṃ saṃchādyābhīṣṭajīvānayanamiti mahājālanāmā prayogaḥ // 25

Sanskrit only: no published translation is held for this verse.

एतेनाच्छादनीयं व्रजति परवशं संमुखीनत्वमादौ पञ्चादानीयते चेत्सकलमथ ततो प्यध्वमध्याद्यथेष्टम् । आकृष्टावुद्धृतौ वा मृतजनविषये कर्षणीये थ जीवे योगः श्रीशंभुनाथागमपरिगमितो जालनामा मयोक्तः ॥ २६

etenācchādanīyaṃ vrajati paravaśaṃ saṃmukhīnatvamādau pañcādānīyate cetsakalamatha tato pyadhvamadhyādyatheṣṭam / ākṛṣṭāvuddhṛtau vā mṛtajanaviṣaye karṣaṇīye tha jīve yogaḥ śrīśaṃbhunāthāgamaparigamito jālanāmā mayoktaḥ // 26

Sanskrit only: no published translation is held for this verse.

चिरविघटिते सेनायुग्मेयथामिलिते पुनर्हयगजनरं स्वां स्वां जातिं रसादभिधावति । करणपवनैर्नाडीचक्रैस्तथैव समागतैर्निजनिजरसादेकीभाव्यं स्वजालवशीकृतैः ॥ २७

ciravighaṭite senāyugmeyathāmilite punarhayagajanaraṃ svāṃ svāṃ jātiṃ rasādabhidhāvati / karaṇapavanairnāḍīcakraistathaiva samāgatairnijanijarasādekībhāvyaṃ svajālavaśīkṛtaiḥ // 27

Sanskrit only: no published translation is held for this verse.

महाजालसमाकृष्टो जीवो विज्ञानशालिना । स्वःप्रेततिर्यङ्निरयांस्तदैवैष विमुञ्चति ॥ २८

mahājālasamākṛṣṭo jīvo vijñānaśālinā / svaḥpretatiryaṅnirayāṃstadaivaiṣa vimuñcati // 28

Sanskrit only: no published translation is held for this verse.

तज्ज्ञानमन्त्रयोगाप्तः पुरुषश्चैष कृत्रिमम् । योगीव साध्यहृदयात्तदा तादात्म्यमुज्झति ॥ २९

tajjñānamantrayogāptaḥ puruṣaścaiṣa kṛtrimam / yogīva sādhyahṛdayāttadā tādātmyamujjhati // 29

Sanskrit only: no published translation is held for this verse.

स्थावरादिदशाश्चित्रास्तत्सलोकसमीपताः । त्यजेच्चेति न चित्रं स एवं यः कर्मणापि वा ॥ ३०

sthāvarādidaśāścitrāstatsalokasamīpatāḥ / tyajecceti na citraṃ sa evaṃ yaḥ karmaṇāpi vā // 30

Sanskrit only: no published translation is held for this verse.

अधिकारिशरीरत्वान्मानुष्ये तु शरीरगः । न तदा मुच्यते देहाद्देहान्ते तु शिवं व्रजेत् ॥ ३१

adhikāriśarīratvānmānuṣye tu śarīragaḥ / na tadā mucyate dehāddehānte tu śivaṃ vrajet // 31

Sanskrit only: no published translation is held for this verse.

तस्मिन्देहे तु काप्यस्य जायते शाङ्करी परा । भक्तिरूहाच्च विज्ञानादाचार्याद्वाप्यसेवितात् ॥ ३२

tasmindehe tu kāpyasya jāyate śāṅkarī parā / bhaktirūhācca vijñānādācāryādvāpyasevitāt // 32

Sanskrit only: no published translation is held for this verse.

तद्देहसंस्थितो प्येष जीवो जालबलादिमम् । दार्भादिदेहं व्याप्नोति स्वाधिष्ठित्याप्यचेतयन् ॥ ३३

taddehasaṃsthito pyeṣa jīvo jālabalādimam / dārbhādidehaṃ vyāpnoti svādhiṣṭhityāpyacetayan // 33

Sanskrit only: no published translation is held for this verse.

योगमन्त्रक्रियाज्ञानभूयोबलवशात्पुनः । मनुष्यदेहमप्येष तदैवाशु विमुञ्चति ॥ ३४

yogamantrakriyājñānabhūyobalavaśātpunaḥ / manuṣyadehamapyeṣa tadaivāśu vimuñcati // 34

Sanskrit only: no published translation is held for this verse.

सुप्तकल्पो प्यदेहो पि यो जीवः सो पि जालतः । आकृष्टो दार्भमायाति देहं फलमयं च वा ॥ ३५

suptakalpo pyadeho pi yo jīvaḥ so pi jālataḥ / ākṛṣṭo dārbhamāyāti dehaṃ phalamayaṃ ca vā // 35

Sanskrit only: no published translation is held for this verse.

जातीफलादि यत्किंचित्तेन वा देहकल्पना । अन्तर्बहिर्द्वयौचित्यात्तदत्रोत्कृष्टमुच्यते ॥ ३६

jātīphalādi yatkiṃcittena vā dehakalpanā / antarbahirdvayaucityāttadatrotkṛṣṭamucyate // 36

Sanskrit only: no published translation is held for this verse.

ततो जालक्रमानीतः स जीवः सुप्तवत्स्थितः । मनोविशिष्टदेहादिसामग्रीप्राप्त्यभावतः ॥ ३७

tato jālakramānītaḥ sa jīvaḥ suptavatsthitaḥ / manoviśiṣṭadehādisāmagrīprāptyabhāvataḥ // 37

Sanskrit only: no published translation is held for this verse.

न स्पन्दते न जानाति न वक्ति न किलेच्छति । तादृशस्यैव संस्कारान् सर्वान् प्राग्वत्प्रकल्पयेत् ॥ ३८

na spandate na jānāti na vakti na kilecchati / tādṛśasyaiva saṃskārān sarvān prāgvatprakalpayet // 38

Sanskrit only: no published translation is held for this verse.

निर्बीजदीक्षायोगेन सर्वं कृत्वा पुरोदितम् । विधिं योजनिकां पूर्णाहुत्या साकं क्षिपेच्च तम् ॥ ३९

nirbījadīkṣāyogena sarvaṃ kṛtvā puroditam / vidhiṃ yojanikāṃ pūrṇāhutyā sākaṃ kṣipecca tam // 39

Sanskrit only: no published translation is held for this verse.

दार्भादिदेहे मन्त्राग्नावर्पिते पूर्णया सह । मुक्तपाशः शिवं याति पुनरावृत्तिवर्जितः ॥ ४०

dārbhādidehe mantrāgnāvarpite pūrṇayā saha / muktapāśaḥ śivaṃ yāti punarāvṛttivarjitaḥ // 40

Sanskrit only: no published translation is held for this verse.

सप्रत्यया त्वियं यत्र स्पन्दते दर्भजा तनुः । तत्र प्राणमनोमन्त्रार्पणयोगात्तथा भवेत् ॥ ४१

sapratyayā tviyaṃ yatra spandate darbhajā tanuḥ / tatra prāṇamanomantrārpaṇayogāttathā bhavet // 41

Sanskrit only: no published translation is held for this verse.

साभ्यासस्य तदप्युक्तं बलाश्वासि न तत्कृते । मृतोद्धारोदितैरेव यथासंभूति हेतुभिः ॥ ४२

sābhyāsasya tadapyuktaṃ balāśvāsi na tatkṛte / mṛtoddhāroditaireva yathāsaṃbhūti hetubhiḥ // 42

Sanskrit only: no published translation is held for this verse.

जीवत्परोक्षदीक्षापि कार्या निर्बीजिका तु सा । तस्यां दर्भाकृतिप्रायकल्पने जालयोगतः ॥ ४३

jīvatparokṣadīkṣāpi kāryā nirbījikā tu sā / tasyāṃ darbhākṛtiprāyakalpane jālayogataḥ // 43

Sanskrit only: no published translation is held for this verse.

संकल्पमात्रेणाकर्षो जीवस्य मृतिभीतितः । शिष्टं प्राग्वत्कुशाद्युत्थाकारविप्लोषवर्जितम् ॥ ४४

saṃkalpamātreṇākarṣo jīvasya mṛtibhītitaḥ / śiṣṭaṃ prāgvatkuśādyutthākāraviploṣavarjitam // 44

Sanskrit only: no published translation is held for this verse.

पारिमित्यादनैश्वर्यात्साध्ये नियतियन्त्रणात् । जालाकृष्टिर्विनाभ्यासं रागद्वेषान्न जायते ॥ ४५

pārimityādanaiśvaryātsādhye niyatiyantraṇāt / jālākṛṣṭirvinābhyāsaṃ rāgadveṣānna jāyate // 45

Sanskrit only: no published translation is held for this verse.

परोक्ष एवातुल्याभिर्दीक्षाभिर्यदि दीक्षितः । तत्रोत्तरं स्याद्बलवत्संस्काराय त्वधस्तनम् ॥ ४६

parokṣa evātulyābhirdīkṣābhiryadi dīkṣitaḥ / tatrottaraṃ syādbalavatsaṃskārāya tvadhastanam // 46

Sanskrit only: no published translation is held for this verse.

भुक्तियोजनिकायां तु भूयोभिर्गुरुभिस्तथा । कृतायां भोगवैचित्र्यं हेतुवैचित्र्ययोगतः ॥ ४७

bhuktiyojanikāyāṃ tu bhūyobhirgurubhistathā / kṛtāyāṃ bhogavaicitryaṃ hetuvaicitryayogataḥ // 47

Sanskrit only: no published translation is held for this verse.

परोक्षदीक्षणे मायोत्तीर्णे भोगाय योजयेत् । भोगानीप्सा दुर्लभा हि सती वा भोगहानये ॥ ४८

parokṣadīkṣaṇe māyottīrṇe bhogāya yojayet / bhogānīpsā durlabhā hi satī vā bhogahānaye // 48

Sanskrit only: no published translation is held for this verse.

उक्तं हि स्वान्यसंवित्त्योः स्वसंविद्बलवत्तरा । बाधकत्वे बाधिकासौ साम्यौदासीन्ययोस्तथा ॥ ४९

uktaṃ hi svānyasaṃvittyoḥ svasaṃvidbalavattarā / bādhakatve bādhikāsau sāmyaudāsīnyayostathā // 49

Sanskrit only: no published translation is held for this verse.

श्रीमान् धर्मशिवो प्याह पारोक्ष्यां कर्मपद्धतौ । परोक्षदीक्षणे सम्यक् पूर्णाहुतिविधौ यदि ॥ ५०

śrīmān dharmaśivo pyāha pārokṣyāṃ karmapaddhatau / parokṣadīkṣaṇe samyak pūrṇāhutividhau yadi // 50

Sanskrit only: no published translation is held for this verse.

अग्निश्चिटिचिटाशब्दं सधूमं प्रतिमुञ्चति । धत्ते नीलाम्बुदच्छायां मुहुर्ज्वलति शाम्यति ॥ ५१

agniściṭiciṭāśabdaṃ sadhūmaṃ pratimuñcati / dhatte nīlāmbudacchāyāṃ muhurjvalati śāmyati // 51

Sanskrit only: no published translation is held for this verse.

विस्तरो घोररूपश्च महीं धावति चाप्यधः । ध्वांक्षाद्यश्रव्यशब्दो वा तदा तं लक्षयेद्गुरुः ॥ ५२

vistaro ghorarūpaśca mahīṃ dhāvati cāpyadhaḥ / dhvāṃkṣādyaśravyaśabdo vā tadā taṃ lakṣayedguruḥ // 52

Sanskrit only: no published translation is held for this verse.

ब्रह्महत्यादिभिः पापैस्तत्सङ्गैश्चोपपातकैः । तदा तस्य न कर्तव्या दीक्षास्मिन्नकृते विधौ ॥ ५३

brahmahatyādibhiḥ pāpaistatsaṅgaiścopapātakaiḥ / tadā tasya na kartavyā dīkṣāsminnakṛte vidhau // 53

Sanskrit only: no published translation is held for this verse.

नवात्मा फट्पुटान्तःस्थः पुनः पञ्चफडन्वितः । अमुकस्येति पापानि दहाम्यनु फडष्टकम् ॥ ५४

navātmā phaṭpuṭāntaḥsthaḥ punaḥ pañcaphaḍanvitaḥ / amukasyeti pāpāni dahāmyanu phaḍaṣṭakam // 54

Sanskrit only: no published translation is held for this verse.

इति साहस्रिको होमः कर्तव्यस्तिलतण्डुलैः । अन्ते पूर्णा च दातव्या ततो स्मै दीक्षया गुरुः ॥ ५५

iti sāhasriko homaḥ kartavyastilataṇḍulaiḥ / ante pūrṇā ca dātavyā tato smai dīkṣayā guruḥ // 55

Sanskrit only: no published translation is held for this verse.

परयोजनपर्यन्तं कुर्यात्तत्त्वविशोधनम् । प्रत्यक्षे पि स्थितस्याणोः पापिनो भगवन्मयीम् ॥ ५६

parayojanaparyantaṃ kuryāttattvaviśodhanam / pratyakṣe pi sthitasyāṇoḥ pāpino bhagavanmayīm // 56

Sanskrit only: no published translation is held for this verse.

शक्तिं प्राप्तवतो ज्येष्ठामेवमेव विधिं चरेत् । यदि वा दैशिकः सम्यङ् न दीप्तस्तस्य तत्पुरा ॥ ५७

śaktiṃ prāptavato jyeṣṭhāmevameva vidhiṃ caret / yadi vā daiśikaḥ samyaṅ na dīptastasya tatpurā // 57

Sanskrit only: no published translation is held for this verse.

प्रायश्चित्तैस्तथा दानैः प्राणायामैश्च शोधनम् । कृत्वा विधिमिमां चापि दीक्षां कुर्यादशङ्कितः ॥ ५८

prāyaścittaistathā dānaiḥ prāṇāyāmaiśca śodhanam / kṛtvā vidhimimāṃ cāpi dīkṣāṃ kuryādaśaṅkitaḥ // 58

Sanskrit only: no published translation is held for this verse.

सर्वथा वर्तमानो पि तत्त्वविन्मोचयेत्पशून् । इच्छयैव शिवः साक्षात्तस्मात्तं पूजयेत्सदा ॥ ५९

sarvathā vartamāno pi tattvavinmocayetpaśūn / icchayaiva śivaḥ sākṣāttasmāttaṃ pūjayetsadā // 59

Sanskrit only: no published translation is held for this verse.

शाठ्यं तत्र न कार्यं च तत्कृत्वाधो व्रजेच्छिशुः । न पुनः कीर्तयेत्तस्य पापं कीर्तयिता व्रजेत् ॥ ६०

śāṭhyaṃ tatra na kāryaṃ ca tatkṛtvādho vrajecchiśuḥ / na punaḥ kīrtayettasya pāpaṃ kīrtayitā vrajet // 60

Sanskrit only: no published translation is held for this verse.

निरयं वर्जयेत्तस्मादिति दीक्षोत्तरे विधिः । एषा परोक्षदीक्षा द्विधोदिता जीवदितरभेदेन ॥ ६१

nirayaṃ varjayettasmāditi dīkṣottare vidhiḥ / eṣā parokṣadīkṣā dvidhoditā jīvaditarabhedena // 61

Sanskrit only: no published translation is held for this verse.