Abhinavagupta: Tantraloka 32

अथ कथये मुद्राणां गुर्वागमगीतमत्र विधिम् । ०ब् मुद्रा च प्रतिबिम्बात्मा श्रीमद्देव्याख्ययामले । उक्ता बिम्बोदयश्रुत्या वाच्यद्वयविवेचनात् ॥ १

atha kathaye mudrāṇāṃ gurvāgamagītamatra vidhim / 0b mudrā ca pratibimbātmā śrīmaddevyākhyayāmale / uktā bimbodayaśrutyā vācyadvayavivecanāt // 1

Sanskrit only: no published translation is held for this verse.

बिम्बात्समुदयो यस्या इत्युक्ता प्रतिबिम्बता । विम्बस्य यस्या उदय इत्युक्ता तदुपायता ॥ २

bimbātsamudayo yasyā ityuktā pratibimbatā / vimbasya yasyā udaya ityuktā tadupāyatā // 2

Sanskrit only: no published translation is held for this verse.

मुदं स्वरूपलाभाख्यं देहद्वारेण चात्मनाम् । रात्यर्पयति यत्तेन मुद्रा शास्त्रेषु वर्णिता ॥ ३

mudaṃ svarūpalābhākhyaṃ dehadvāreṇa cātmanām / rātyarpayati yattena mudrā śāstreṣu varṇitā // 3

Sanskrit only: no published translation is held for this verse.

तत्र प्रधानभूता श्रीखेचरी देवतात्मिका । निष्कलत्वेन विख्याता साकल्येन त्रिशूलिनी ॥ ४

tatra pradhānabhūtā śrīkhecarī devatātmikā / niṣkalatvena vikhyātā sākalyena triśūlinī // 4

Sanskrit only: no published translation is held for this verse.

करङ्किणी क्रोधना च भैरवी लेलिहानिका । महाप्रेता योगमुद्रा ज्वालिनी क्षोभिणी ध्रुवा ॥ ५

karaṅkiṇī krodhanā ca bhairavī lelihānikā / mahāpretā yogamudrā jvālinī kṣobhiṇī dhruvā // 5

Sanskrit only: no published translation is held for this verse.

इत्येवंबहुभेदेयं श्रीखेचर्येव गीयते । अन्यास्तदङ्गभूतास्तु पद्माद्या मालिनीमते ॥ ६

ityevaṃbahubhedeyaṃ śrīkhecaryeva gīyate / anyāstadaṅgabhūtāstu padmādyā mālinīmate // 6

Sanskrit only: no published translation is held for this verse.

तासां बहुत्वामुख्यत्वयोगाभ्यां नेह वर्णनम् । श्रीखेचरीसमाविष्टो यद्यत्स्थानं समाश्रयेत् ॥ ७

tāsāṃ bahutvāmukhyatvayogābhyāṃ neha varṇanam / śrīkhecarīsamāviṣṭo yadyatsthānaṃ samāśrayet // 7

Sanskrit only: no published translation is held for this verse.

देवीसंनिधये तत्स्यादलं किं डम्बरैर्वृथा । काम्ये कर्मणि ताश्च स्युर्मुख्याः कस्यापि जातुचित् ॥ ८

devīsaṃnidhaye tatsyādalaṃ kiṃ ḍambarairvṛthā / kāmye karmaṇi tāśca syurmukhyāḥ kasyāpi jātucit // 8

Sanskrit only: no published translation is held for this verse.

मुद्रा चतुर्विधा कायकरवाक्चित्तभेदतः ॥ ९

mudrā caturvidhā kāyakaravākcittabhedataḥ // 9

Sanskrit only: no published translation is held for this verse.

तत्र पूर्णेन रूपेण खेचरीमेव वर्णये । बद्ध्वा पद्मासनं योगी नाभावक्षेश्वरं क्षिपेत् ॥ १०

tatra pūrṇena rūpeṇa khecarīmeva varṇaye / baddhvā padmāsanaṃ yogī nābhāvakṣeśvaraṃ kṣipet // 10

Sanskrit only: no published translation is held for this verse.

दण्डाकारं तु तं तावन्नयेद्यावत्कखत्रयम् । निगृह्य तत्र तत्तूर्णं प्रेरयेत् खत्रयेण तु ॥ ११

daṇḍākāraṃ tu taṃ tāvannayedyāvatkakhatrayam / nigṛhya tatra tattūrṇaṃ prerayet khatrayeṇa tu // 11

Sanskrit only: no published translation is held for this verse.

एतां बद्ध्वा खे गतिः स्यादिति श्रीपूर्वशासने । ध्वनिज्योतिर्मरुद्युक्तं चित्तं विश्रम्य चोपरि ॥ १२

etāṃ baddhvā khe gatiḥ syāditi śrīpūrvaśāsane / dhvanijyotirmarudyuktaṃ cittaṃ viśramya copari // 12

Sanskrit only: no published translation is held for this verse.

अनेनाभ्यासयोगेन शिवं भित्त्वा परं व्रजेत् । जत्र्वधस्तात्करौ कृत्वा वामपादं च दक्षिणे ॥ १३

anenābhyāsayogena śivaṃ bhittvā paraṃ vrajet / jatrvadhastātkarau kṛtvā vāmapādaṃ ca dakṣiṇe // 13

Sanskrit only: no published translation is held for this verse.

विदार्यास्यं कनिष्ठाभ्यां मध्यमाभ्यां तु नासिकाम् । अनामे कुञ्चयेत्प्राज्ञो भ्रूभङ्गं तर्जनीद्वयम् ॥ १४

vidāryāsyaṃ kaniṣṭhābhyāṃ madhyamābhyāṃ tu nāsikām / anāme kuñcayetprājño bhrūbhaṅgaṃ tarjanīdvayam // 14

Sanskrit only: no published translation is held for this verse.

जिह्वां च चालयेन्मन्त्री हाहाकारं च कारयेत् । त्रिशूलेन प्रयोगेण ब्रह्मरन्ध्रमुपस्थितः ॥ १५

jihvāṃ ca cālayenmantrī hāhākāraṃ ca kārayet / triśūlena prayogeṇa brahmarandhramupasthitaḥ // 15

Sanskrit only: no published translation is held for this verse.

पदं सन्त्यज्य तन्मात्रं सद्यस्त्यजति मेदिनीम् । शून्याशून्यलये कृत्वा एकदण्डे निलानलौ ॥ १६

padaṃ santyajya tanmātraṃ sadyastyajati medinīm / śūnyāśūnyalaye kṛtvā ekadaṇḍe nilānalau // 16

Sanskrit only: no published translation is held for this verse.

शक्तित्रितयसम्बद्धे अधिष्ठातृत्रिदैवते । त्रिशूलं तद्विजानीयाद्येन व्योमोत्पतेद्बुधः ॥ १७

śaktitritayasambaddhe adhiṣṭhātṛtridaivate / triśūlaṃ tadvijānīyādyena vyomotpatedbudhaḥ // 17

Sanskrit only: no published translation is held for this verse.

आकाशभावं सन्त्यज्य सत्तामात्रमुपस्थितः । शूलं समरसं कृत्वा रसे रस इव स्थितः ॥ १८

ākāśabhāvaṃ santyajya sattāmātramupasthitaḥ / śūlaṃ samarasaṃ kṛtvā rase rasa iva sthitaḥ // 18

Sanskrit only: no published translation is held for this verse.

एकदण्डं स विज्ञाय त्रिशूलं खचरं प्रिये । बद्ध्वा तु खेचरीं मुद्रां ध्यात्वात्मानं च भैरवम् ॥ १९

ekadaṇḍaṃ sa vijñāya triśūlaṃ khacaraṃ priye / baddhvā tu khecarīṃ mudrāṃ dhyātvātmānaṃ ca bhairavam // 19

Sanskrit only: no published translation is held for this verse.

खेचरीचक्रसंजुष्टं सद्यस्त्यजति मेदिनीम् । त्यक्तांशको निराचारो निःशङ्को लोकवर्जितः ॥ २०

khecarīcakrasaṃjuṣṭaṃ sadyastyajati medinīm / tyaktāṃśako nirācāro niḥśaṅko lokavarjitaḥ // 20

Sanskrit only: no published translation is held for this verse.

अवधूतो निराचारो नाहमस्मीति भावयम् । मन्त्रैकनिष्ठः संपश्यन् देहस्थाः सर्वदेवताः ॥ २१

avadhūto nirācāro nāhamasmīti bhāvayam / mantraikaniṣṭhaḥ saṃpaśyan dehasthāḥ sarvadevatāḥ // 21

Sanskrit only: no published translation is held for this verse.

ह्लादोद्वेगास्मिताक्रुष्टनिद्रामैथुनमत्सरे । रूपादौ वा कर्तृकर्मकरणेषु च सर्वशः ॥ २२

hlādodvegāsmitākruṣṭanidrāmaithunamatsare / rūpādau vā kartṛkarmakaraṇeṣu ca sarvaśaḥ // 22

Sanskrit only: no published translation is held for this verse.

नाहमस्मीति मन्वान एकीभूतं विचिन्तयन् । कर्णाक्षिमुखनासादिचक्रस्थं देवतागणम् ॥ २३

nāhamasmīti manvāna ekībhūtaṃ vicintayan / karṇākṣimukhanāsādicakrasthaṃ devatāgaṇam // 23

Sanskrit only: no published translation is held for this verse.

ग्रहीतारं सदा पश्यन् खेचर्या सिद्ध्यति स्फुटम् । विद्याशङ्की मलाशङ्की शास्त्रशङ्की न सिद्ध्यति ॥ २४

grahītāraṃ sadā paśyan khecaryā siddhyati sphuṭam / vidyāśaṅkī malāśaṅkī śāstraśaṅkī na siddhyati // 24

Sanskrit only: no published translation is held for this verse.

शिवो रविः शिवो वह्निः पक्तृत्वात्स पुरोहितः । तत्रस्था देवताः सर्वा द्योतयन्त्यो खिलं जगत् ॥ २५

śivo raviḥ śivo vahniḥ paktṛtvātsa purohitaḥ / tatrasthā devatāḥ sarvā dyotayantyo khilaṃ jagat // 25

Sanskrit only: no published translation is held for this verse.

कनिष्ठया विदार्यास्यं तर्जनीभ्यां भ्रुवौ तथा । अनामे मध्यमे वक्त्रे जिह्वया तालुकं स्पृशेत् ॥ २६

kaniṣṭhayā vidāryāsyaṃ tarjanībhyāṃ bhruvau tathā / anāme madhyame vaktre jihvayā tālukaṃ spṛśet // 26

Sanskrit only: no published translation is held for this verse.

एषा करङ्किणी देवी ज्वालिनीं शृणु सांप्रतम् । हनुर्ललाटगौ हस्तौ प्रसार्याङ्गुलितः स्फुटौ ॥ २७

eṣā karaṅkiṇī devī jvālinīṃ śṛṇu sāṃpratam / hanurlalāṭagau hastau prasāryāṅgulitaḥ sphuṭau // 27

Sanskrit only: no published translation is held for this verse.

चालयेद्वायुवेगेन कृत्वान्तर्भ्रुकुटीं बुधः । विदार्यास्यं सजिह्वं च हाहाकारं तु कारयेत् ॥ २८

cālayedvāyuvegena kṛtvāntarbhrukuṭīṃ budhaḥ / vidāryāsyaṃ sajihvaṃ ca hāhākāraṃ tu kārayet // 28

Sanskrit only: no published translation is held for this verse.

एषा ज्वालिन्यग्निचक्रे तया चाष्टोत्तरं शतम् । जपेद्यदि ततः सिद्ध्येत्त्रैलोक्यं सचराचरम् ॥ २९

eṣā jvālinyagnicakre tayā cāṣṭottaraṃ śatam / japedyadi tataḥ siddhyettrailokyaṃ sacarācaram // 29

Sanskrit only: no published translation is held for this verse.

परदेहेषु चात्मानं परं चात्मशरीरतः । पश्येच्चरन्तं हानादाद्गमागमपदस्थितम् ॥ ३०

paradeheṣu cātmānaṃ paraṃ cātmaśarīrataḥ / paśyeccarantaṃ hānādādgamāgamapadasthitam // 30

Sanskrit only: no published translation is held for this verse.

नवच्छिद्रगतं चैकं नदन्तं व्यापकं ध्रुवम् । अनया हि खचारी श्रीयोगसञ्चार उच्यते ॥ ३१

navacchidragataṃ caikaṃ nadantaṃ vyāpakaṃ dhruvam / anayā hi khacārī śrīyogasañcāra ucyate // 31

Sanskrit only: no published translation is held for this verse.

कुलकुण्डलिकां बद्ध्वा अणोरन्तरवेदिनीम् । वामो यो यं जगत्यस्मिंस्तस्य संहरणोद्यताम् ॥ ३२

kulakuṇḍalikāṃ baddhvā aṇorantaravedinīm / vāmo yo yaṃ jagatyasmiṃstasya saṃharaṇodyatām // 32

Sanskrit only: no published translation is held for this verse.

स्वस्थाने निर्वृतिं लब्ध्वा ज्ञानामृतरसात्मकम् । व्रजेत्कन्दपदं मध्ये रावं कृत्वा ह्यरावकम् ॥ ३३

svasthāne nirvṛtiṃ labdhvā jñānāmṛtarasātmakam / vrajetkandapadaṃ madhye rāvaṃ kṛtvā hyarāvakam // 33

Sanskrit only: no published translation is held for this verse.

यावज्जीवं चतुष्कोणं पिण्डाधारं च कामिकम् । तत्र तां बोधयित्वा तु गतिं बुद्ध्वा क्रमागताम् ॥ ३४

yāvajjīvaṃ catuṣkoṇaṃ piṇḍādhāraṃ ca kāmikam / tatra tāṃ bodhayitvā tu gatiṃ buddhvā kramāgatām // 34

Sanskrit only: no published translation is held for this verse.

चक्रोभयनिबद्धां तु शाखाप्रान्तावलम्बिनीम् । मूलस्थानाद्यथा देवि तमोग्रन्थिं विदारयेत् ॥ ३५

cakrobhayanibaddhāṃ tu śākhāprāntāvalambinīm / mūlasthānādyathā devi tamogranthiṃ vidārayet // 35

Sanskrit only: no published translation is held for this verse.

वज्राख्यां ज्ञानजेनैव तथा शाखोभयान्ततः । कोणमध्यविनिष्क्रान्तं लिङ्गमूलं विभेदयेत् ॥ ३६

vajrākhyāṃ jñānajenaiva tathā śākhobhayāntataḥ / koṇamadhyaviniṣkrāntaṃ liṅgamūlaṃ vibhedayet // 36

Sanskrit only: no published translation is held for this verse.

तत्र सङ्घट्टितं चक्रयुग्ममैक्येन भासते । वैपरीत्यात्तु निक्षिप्य द्विधाभावं व्रजत्यतः ॥ ३७

tatra saṅghaṭṭitaṃ cakrayugmamaikyena bhāsate / vaiparītyāttu nikṣipya dvidhābhāvaṃ vrajatyataḥ // 37

Sanskrit only: no published translation is held for this verse.

ऊर्वाद्यङ्गुष्ठकालाग्निपर्यन्ते सा विनिक्षिपेत् । गमागमनसञ्चारे चरेत्सा लिङ्गलिङ्गिनी ॥ ३८

ūrvādyaṅguṣṭhakālāgniparyante sā vinikṣipet / gamāgamanasañcāre caretsā liṅgaliṅginī // 38

Sanskrit only: no published translation is held for this verse.

तत्र तत्पदसंयोगादुन्मीलनविधायिनी । यो जानाति स सिद्ध्येत्तु रसादानविसर्गयोः ॥ ३९

tatra tatpadasaṃyogādunmīlanavidhāyinī / yo jānāti sa siddhyettu rasādānavisargayoḥ // 39

Sanskrit only: no published translation is held for this verse.

ससङ्गममिदं स्थानमूर्मिण्युन्मीलनं परम् । एष क्रमस्ततो न्यो पि व्युत्क्रमः खेचरी परा ॥ ४०

sasaṅgamamidaṃ sthānamūrmiṇyunmīlanaṃ param / eṣa kramastato nyo pi vyutkramaḥ khecarī parā // 40

Sanskrit only: no published translation is held for this verse.

योन्याधारेति विख्याता शूलमूलेति शब्द्यते । वर्णास्तत्र लयं यान्ति ह्यवर्णे वर्णरूपिणि ॥ ४१

yonyādhāreti vikhyātā śūlamūleti śabdyate / varṇāstatra layaṃ yānti hyavarṇe varṇarūpiṇi // 41

Sanskrit only: no published translation is held for this verse.

नादिफान्तं समुच्चार्य कौलेशं देहसंनिभम् । आक्रम्य प्रथमं चक्रं खे यन्त्रे पादपीडितम् ॥ ४२

nādiphāntaṃ samuccārya kauleśaṃ dehasaṃnibham / ākramya prathamaṃ cakraṃ khe yantre pādapīḍitam // 42

Sanskrit only: no published translation is held for this verse.

नादं वै शक्तिसद्गर्भं सद्गर्भात्कौलिनीपदम् । बीजपञ्चकचारेण शूलभेदक्रमेण तु ॥ ४३

nādaṃ vai śaktisadgarbhaṃ sadgarbhātkaulinīpadam / bījapañcakacāreṇa śūlabhedakrameṇa tu // 43

Sanskrit only: no published translation is held for this verse.

हृच्छूलग्रन्थिभेदैश्चिद्रुद्रशक्तिं प्रबोधयेत् । वायुचक्रान्तनिलयं बिन्द्वाख्यं नाभिमण्डलम् ॥ ४४

hṛcchūlagranthibhedaiścidrudraśaktiṃ prabodhayet / vāyucakrāntanilayaṃ bindvākhyaṃ nābhimaṇḍalam // 44

Sanskrit only: no published translation is held for this verse.

आगच्छेल्लम्बिकास्थानं सूत्रद्वादशनिर्गतम् । चन्द्रचक्रविलोमेन प्रविशेद्भूतपञ्जरे ॥ ४५

āgacchellambikāsthānaṃ sūtradvādaśanirgatam / candracakravilomena praviśedbhūtapañjare // 45

Sanskrit only: no published translation is held for this verse.

भूयस्तु कुरुते लीलां मायापञ्जरवर्तिनीम् । पुनः सृष्टिः संहृतिश्च खेचर्या क्रियते बुधैः ॥ ४६

bhūyastu kurute līlāṃ māyāpañjaravartinīm / punaḥ sṛṣṭiḥ saṃhṛtiśca khecaryā kriyate budhaiḥ // 46

Sanskrit only: no published translation is held for this verse.

श्रीमद्वीरावलीयोग एष स्यात्खेचरीविधिः । चुम्बाकारेण वक्त्रेण यत्तत्त्वं श्रूयते परम् ॥ ४७

śrīmadvīrāvalīyoga eṣa syātkhecarīvidhiḥ / cumbākāreṇa vaktreṇa yattattvaṃ śrūyate param // 47

Sanskrit only: no published translation is held for this verse.

ग्रसमानमिदं विश्वं चन्द्रार्कपुटसंपुटे । तेनैव स्यात्खगामीति श्रीमत्कामिक उच्यते ॥ ४८

grasamānamidaṃ viśvaṃ candrārkapuṭasaṃpuṭe / tenaiva syātkhagāmīti śrīmatkāmika ucyate // 48

Sanskrit only: no published translation is held for this verse.

भवान्मुक्त्वा द्रावयन्ति पाशान्मुद्रा हि शक्तयः । मुख्यासां खेचरी सा च त्रिधोच्चारेण वाचिकी ॥ ४९

bhavānmuktvā drāvayanti pāśānmudrā hi śaktayaḥ / mukhyāsāṃ khecarī sā ca tridhoccāreṇa vācikī // 49

Sanskrit only: no published translation is held for this verse.

त्रिशिरोमुद्गरो देवि कायिकी परिपठ्यते । नासां नेत्रद्वयं चापि हृत्स्तनद्वयमेव च ॥ ५०

triśiromudgaro devi kāyikī paripaṭhyate / nāsāṃ netradvayaṃ cāpi hṛtstanadvayameva ca // 50

Sanskrit only: no published translation is held for this verse.

वृषणद्वयलिङ्गं च प्राप्य कायं गता त्वियम् । भवस्थानाभवस्थानमुच्चारेणावधारयेत् ॥ ५१

vṛṣaṇadvayaliṅgaṃ ca prāpya kāyaṃ gatā tviyam / bhavasthānābhavasthānamuccāreṇāvadhārayet // 51

Sanskrit only: no published translation is held for this verse.

मानसीयमितस्त्वन्याः पद्माद्या अष्ट मुद्रिकाः । मातृव्यूहकुले ताः स्युरस्यास्तु परिवारगाः ॥ ५२

mānasīyamitastvanyāḥ padmādyā aṣṭa mudrikāḥ / mātṛvyūhakule tāḥ syurasyāstu parivāragāḥ // 52

Sanskrit only: no published translation is held for this verse.

शरीरं तु समस्तं यत्कूटाक्षरसमाकृति । एषा मुद्रा महामुद्रा भैरवस्येति गह्वरे ॥ ५३

śarīraṃ tu samastaṃ yatkūṭākṣarasamākṛti / eṣā mudrā mahāmudrā bhairavasyeti gahvare // 53

Sanskrit only: no published translation is held for this verse.

सूपविष्टः पद्मके तु हस्ताग्राङ्गुलिरश्मिभिः । पराङ्मुखैर्झटित्युद्यद्रश्मिभिः पृष्ठसंस्थितैः ॥ ५४

sūpaviṣṭaḥ padmake tu hastāgrāṅguliraśmibhiḥ / parāṅmukhairjhaṭityudyadraśmibhiḥ pṛṣṭhasaṃsthitaiḥ // 54

Sanskrit only: no published translation is held for this verse.

अन्तःस्थितिः खेचरीयं संकोचाख्या शशाङ्किनी । तस्मादेव समुत्तम्ब्य बाहू चैवावकुञ्चितौ ॥ ५५

antaḥsthitiḥ khecarīyaṃ saṃkocākhyā śaśāṅkinī / tasmādeva samuttambya bāhū caivāvakuñcitau // 55

Sanskrit only: no published translation is held for this verse.

सम्यग्व्योमसु संस्थानाद्व्योमाख्या खेचरी मता । मुष्टिद्वितयसङ्घट्टाद्धृदि सा हृदयाह्वाया ॥ ५६

samyagvyomasu saṃsthānādvyomākhyā khecarī matā / muṣṭidvitayasaṅghaṭṭāddhṛdi sā hṛdayāhvāyā // 56

Sanskrit only: no published translation is held for this verse.

शान्ताख्या सा हस्तयुग्ममूर्ध्वाधः स्थितमुद्गतम् । समदृष्ट्यावलोक्यं च बहिर्योजितपाणिकम् ॥ ५७

śāntākhyā sā hastayugmamūrdhvādhaḥ sthitamudgatam / samadṛṣṭyāvalokyaṃ ca bahiryojitapāṇikam // 57

Sanskrit only: no published translation is held for this verse.

एषैव शक्तिमुद्रा चेदधोधावितपाणिका । दशानामङ्गुलीनां तु मुष्टिबन्धादनन्तरम् ॥ ५८

eṣaiva śaktimudrā cedadhodhāvitapāṇikā / daśānāmaṅgulīnāṃ tu muṣṭibandhādanantaram // 58

Sanskrit only: no published translation is held for this verse.

द्राक्क्षेपात्खेचरी देवी पञ्चकुण्डलिनी मता । संहारमुद्रा चैषैव यद्यूर्ध्वं क्षिप्यते किल ॥ ५९

drākkṣepātkhecarī devī pañcakuṇḍalinī matā / saṃhāramudrā caiṣaiva yadyūrdhvaṃ kṣipyate kila // 59

Sanskrit only: no published translation is held for this verse.

उत्क्रामणी झगित्येव पशूनां पाशकर्तरी । श्वभ्रे सुदूरे झटिति स्वात्मानं पातयन्निव ॥ ६०

utkrāmaṇī jhagityeva paśūnāṃ pāśakartarī / śvabhre sudūre jhaṭiti svātmānaṃ pātayanniva // 60

Sanskrit only: no published translation is held for this verse.

साहसानुप्रवेशेन कुञ्चितं हस्तयुग्मकम् । अधोवीक्षणशीलं च सम्यग्दृष्टिसमन्वितम् ॥ ६१

sāhasānupraveśena kuñcitaṃ hastayugmakam / adhovīkṣaṇaśīlaṃ ca samyagdṛṣṭisamanvitam // 61

Sanskrit only: no published translation is held for this verse.

वीरभैरवसंज्ञेयं खेचरी बोधवर्धिनी । अष्टधेत्थं वर्णिता श्रीभर्गाष्टकशिखाकुले ॥ ६२

vīrabhairavasaṃjñeyaṃ khecarī bodhavardhinī / aṣṭadhetthaṃ varṇitā śrībhargāṣṭakaśikhākule // 62

Sanskrit only: no published translation is held for this verse.

एवं नानाविधान्भेदानाश्रित्यैकैव या स्थिता । श्रीखेचरी तयाविष्टः परं बीजं प्रपद्यते ॥ ६३

evaṃ nānāvidhānbhedānāśrityaikaiva yā sthitā / śrīkhecarī tayāviṣṭaḥ paraṃ bījaṃ prapadyate // 63

Sanskrit only: no published translation is held for this verse.

एकं सृष्टिमयं बीजं यद्वीर्यं सर्वमन्त्रगम् । एका मुद्रा खेचरी च मुद्रौघः प्राणितो यया ॥ ६४

ekaṃ sṛṣṭimayaṃ bījaṃ yadvīryaṃ sarvamantragam / ekā mudrā khecarī ca mudraughaḥ prāṇito yayā // 64

Sanskrit only: no published translation is held for this verse.

तदेवं खेचरीचक्ररूढौ यद्रूपमुल्लसेत् । तदेव मुद्रा मन्तव्या शेषः स्याद्देहविक्रिया ॥ ६५

tadevaṃ khecarīcakrarūḍhau yadrūpamullaset / tadeva mudrā mantavyā śeṣaḥ syāddehavikriyā // 65

Sanskrit only: no published translation is held for this verse.

यागादौ तन्मध्ये तदवसितौ ज्ञानयोगपरिमर्शे । विघ्नप्रशमे पाशच्छेदे मुद्राविधेः समयः ॥ ६६

yāgādau tanmadhye tadavasitau jñānayogaparimarśe / vighnapraśame pāśacchede mudrāvidheḥ samayaḥ // 66

Sanskrit only: no published translation is held for this verse.

बोधावेशः सन्निधिरैक्येन विसर्जनं स्वरूपगतिः । शङ्कादलनं चक्रोदयदीप्तिरिति क्रमात्कृत्यम् ॥ ६७

bodhāveśaḥ sannidhiraikyena visarjanaṃ svarūpagatiḥ / śaṅkādalanaṃ cakrodayadīptiriti kramātkṛtyam // 67

Sanskrit only: no published translation is held for this verse.

इति मुद्राविधिः प्रोक्तः सुगूढो यः फलप्रदः ।

iti mudrāvidhiḥ proktaḥ sugūḍho yaḥ phalapradaḥ /

Sanskrit only: no published translation is held for this verse.