Abhinavagupta: Tantraloka 7

अथ परमरहस्यो यं चक्राणां भण्यते भ्युदयः ॥ १ब्

atha paramarahasyo yaṃ cakrāṇāṃ bhaṇyate bhyudayaḥ // 1b

Sanskrit only: no published translation is held for this verse.

इत्ययत्नजमाख्यातं यत्नजं तु निगद्यते । बीजपिण्डात्मकं सर्वं संविदः स्पन्दनात्मताम् ॥ २

ityayatnajamākhyātaṃ yatnajaṃ tu nigadyate / bījapiṇḍātmakaṃ sarvaṃ saṃvidaḥ spandanātmatām // 2

Sanskrit only: no published translation is held for this verse.

विदधत्परसंवित्तावुपाय इति वर्णितम् । यथारघट्टचक्राग्रघटीयन्त्रौघवाहनम् ॥ ३

vidadhatparasaṃvittāvupāya iti varṇitam / yathāraghaṭṭacakrāgraghaṭīyantraughavāhanam // 3

Sanskrit only: no published translation is held for this verse.

एकानुसंधियत्नेन चित्रं यन्त्रोदयं भजेत् । एकानुसंधानबलाज्जाते मन्त्रोदये निशम् ॥ ४

ekānusaṃdhiyatnena citraṃ yantrodayaṃ bhajet / ekānusaṃdhānabalājjāte mantrodaye niśam // 4

Sanskrit only: no published translation is held for this verse.

तन्मन्त्रदेवता यत्नात्तादात्म्येन प्रसीदति । खे रसैकाक्षि नित्योत्थे तदर्धं द्विकपिण्डके ॥ ५

tanmantradevatā yatnāttādātmyena prasīdati / khe rasaikākṣi nityotthe tadardhaṃ dvikapiṇḍake // 5

Sanskrit only: no published translation is held for this verse.

त्रिके सप्त सहस्राणि द्विशतीत्युदयो मतः । चतुष्के तु सहस्राणि पञ्च चैव चतुःशती ॥ ६

trike sapta sahasrāṇi dviśatītyudayo mataḥ / catuṣke tu sahasrāṇi pañca caiva catuḥśatī // 6

Sanskrit only: no published translation is held for this verse.

पञ्चार्णे ब्धिसहस्राणि त्रिशती विंशतिस्तथा । षट्के सहस्रत्रितयं षट्शती चोदयो भवेत् ॥ ७

pañcārṇe bdhisahasrāṇi triśatī viṃśatistathā / ṣaṭke sahasratritayaṃ ṣaṭśatī codayo bhavet // 7

Sanskrit only: no published translation is held for this verse.

सप्तके त्रिसहस्रं तु षडशीत्यधिकं स्मृतम् । शतैस्तु सप्तविंशत्या वर्णाष्टकविकल्पिते ॥ ८

saptake trisahasraṃ tu ṣaḍaśītyadhikaṃ smṛtam / śataistu saptaviṃśatyā varṇāṣṭakavikalpite // 8

Sanskrit only: no published translation is held for this verse.

चतुर्विंशतिशत्या तु नवार्णेषूदयो भवेत् । अधिषष्ट्येकविंशत्या शतानां दशवर्णके ॥ ९

caturviṃśatiśatyā tu navārṇeṣūdayo bhavet / adhiṣaṣṭyekaviṃśatyā śatānāṃ daśavarṇake // 9

Sanskrit only: no published translation is held for this verse.

एकान्नविंशतिशतं चतुःषष्टिः शिवार्णके । अष्टादश शतानि स्युरुदयो द्वादशार्णके ॥ १०

ekānnaviṃśatiśataṃ catuḥṣaṣṭiḥ śivārṇake / aṣṭādaśa śatāni syurudayo dvādaśārṇake // 10

Sanskrit only: no published translation is held for this verse.

त्रयोदशार्णे द्वाषष्ट्या शतानि किल षोडश । त्रिचत्वारिंशता पञ्चदशेति भुवनार्णके ॥ ११

trayodaśārṇe dvāṣaṣṭyā śatāni kila ṣoḍaśa / tricatvāriṃśatā pañcadaśeti bhuvanārṇake // 11

Sanskrit only: no published translation is held for this verse.

चतुर्दशशती खाब्धिः स्यात्पञ्चदशवर्णके । त्रयोदशशती सार्धा षोडशार्णे तु कथ्यते ॥ १२

caturdaśaśatī khābdhiḥ syātpañcadaśavarṇake / trayodaśaśatī sārdhā ṣoḍaśārṇe tu kathyate // 12

Sanskrit only: no published translation is held for this verse.

शतद्वादशिका सप्तदशार्णे सैकसप्ततिः । अष्टादशार्णे विज्ञेया शतद्वादशिका बुधैः ॥ १३

śatadvādaśikā saptadaśārṇe saikasaptatiḥ / aṣṭādaśārṇe vijñeyā śatadvādaśikā budhaiḥ // 13

Sanskrit only: no published translation is held for this verse.

चतुर्विंशतिसंख्याके चक्रे नवशती भवेत् । सप्तविंशतिसंख्याते तूदयो ष्टशतात्मकः ॥ १४

caturviṃśatisaṃkhyāke cakre navaśatī bhavet / saptaviṃśatisaṃkhyāte tūdayo ṣṭaśatātmakaḥ // 14

Sanskrit only: no published translation is held for this verse.

द्वात्रिंशके महाचक्रे षट्शती पञ्चसप्ततिः । द्विचतुर्विंशके चक्रे सार्धां शतचतुष्टयीम् ॥ १५

dvātriṃśake mahācakre ṣaṭśatī pañcasaptatiḥ / dvicaturviṃśake cakre sārdhāṃ śatacatuṣṭayīm // 15

Sanskrit only: no published translation is held for this verse.

उदयं पिण्डयोगज्ञः पिण्डमन्त्रेषु लक्षयेत् । चतुष्पञ्चाशके चक्रे शतानां तु चतुष्टयम् ॥ १६

udayaṃ piṇḍayogajñaḥ piṇḍamantreṣu lakṣayet / catuṣpañcāśake cakre śatānāṃ tu catuṣṭayam // 16

Sanskrit only: no published translation is held for this verse.

सप्तत्रिंशत्सहार्धेन त्रिशत्यष्टाष्टके भवेत् । अर्धमर्धत्रिभागश्च षट्षष्टिर्द्विशती भवेत् ॥ १७

saptatriṃśatsahārdhena triśatyaṣṭāṣṭake bhavet / ardhamardhatribhāgaśca ṣaṭṣaṣṭirdviśatī bhavet // 17

Sanskrit only: no published translation is held for this verse.

एकाशीतिपदे चक्रे उदयः प्राणचारगः । चक्रे तु षण्णवत्याख्ये सपादा द्विशती भवेत् ॥ १८

ekāśītipade cakre udayaḥ prāṇacāragaḥ / cakre tu ṣaṇṇavatyākhye sapādā dviśatī bhavet // 18

Sanskrit only: no published translation is held for this verse.

अष्टोत्तरशते चक्रे द्विशतस्तूदयो भवेत् । क्रमेणेत्थमिदं चक्रं षट्कृत्वो द्विगुणं यदा ॥ १९

aṣṭottaraśate cakre dviśatastūdayo bhavet / krameṇetthamidaṃ cakraṃ ṣaṭkṛtvo dviguṇaṃ yadā // 19

Sanskrit only: no published translation is held for this verse.

ततो पि द्विगुणे ष्टांशस्यार्धमध्यर्धमेककम् । ततो पि सूक्ष्मकुशलैरर्धार्धादिप्रकल्पने ॥ २०

tato pi dviguṇe ṣṭāṃśasyārdhamadhyardhamekakam / tato pi sūkṣmakuśalairardhārdhādiprakalpane // 20

Sanskrit only: no published translation is held for this verse.

भागषोडशकस्थित्या सूक्ष्मश्चारो भिलक्ष्यते । एवं प्रयत्नसंरुद्धप्राणचारस्य योगिनः ॥ २१

bhāgaṣoḍaśakasthityā sūkṣmaścāro bhilakṣyate / evaṃ prayatnasaṃruddhaprāṇacārasya yoginaḥ // 21

Sanskrit only: no published translation is held for this verse.

क्रमेण प्राणचारस्य ग्रास एवोपजायते । प्राणग्रासक्रमावाप्तकालसंकर्षणस्थितिः ॥ २२

krameṇa prāṇacārasya grāsa evopajāyate / prāṇagrāsakramāvāptakālasaṃkarṣaṇasthitiḥ // 22

Sanskrit only: no published translation is held for this verse.

संविदेकैव पूर्णा स्याज्ज्ञानभेदव्यपोहनात् । तथा हि प्राणचारस्य नवस्यानुदये सति ॥ २३

saṃvidekaiva pūrṇā syājjñānabhedavyapohanāt / tathā hi prāṇacārasya navasyānudaye sati // 23

Sanskrit only: no published translation is held for this verse.

न कालभेदजनितो ज्ञानभेदः प्रकल्पते । संवेद्यभेदान्न ज्ञानं भिन्नं शिखरिवृत्तवत् ॥ २४

na kālabhedajanito jñānabhedaḥ prakalpate / saṃvedyabhedānna jñānaṃ bhinnaṃ śikharivṛttavat // 24

Sanskrit only: no published translation is held for this verse.

कालस्तु भेदकस्तस्य स तु सूक्ष्मः क्षणो मतः । सौक्ष्म्यस्य चावधिर्ज्ञानं यावत्तिष्ठति स क्षणः ॥ २५

kālastu bhedakastasya sa tu sūkṣmaḥ kṣaṇo mataḥ / saukṣmyasya cāvadhirjñānaṃ yāvattiṣṭhati sa kṣaṇaḥ // 25

Sanskrit only: no published translation is held for this verse.

अन्यथा न स निर्वक्तुं निपुणैरपि पार्यते । ज्ञानं कियद्भवेत्तावत्तदभावो न भासते ॥ २६

anyathā na sa nirvaktuṃ nipuṇairapi pāryate / jñānaṃ kiyadbhavettāvattadabhāvo na bhāsate // 26

Sanskrit only: no published translation is held for this verse.

तदभावश्च नो तावद्यावत्तत्राक्षवर्त्मनि । अर्थे वात्मप्रदेशे वा न संयोगविभागिता ॥ २७

tadabhāvaśca no tāvadyāvattatrākṣavartmani / arthe vātmapradeśe vā na saṃyogavibhāgitā // 27

Sanskrit only: no published translation is held for this verse.

सा चेदुदयते स्पन्दमयी तत्प्राणगा ध्रुवम् । भवेदेव ततः प्राणस्पन्दाभावे न सा भवेत् ॥ २८

sā cedudayate spandamayī tatprāṇagā dhruvam / bhavedeva tataḥ prāṇaspandābhāve na sā bhavet // 28

Sanskrit only: no published translation is held for this verse.

तदभावान्न विज्ञानाभावः सैवं तु सैव धीः । न चासौ वस्तुतो दीर्घा कालभेदव्यपोहनात् ॥ २९

tadabhāvānna vijñānābhāvaḥ saivaṃ tu saiva dhīḥ / na cāsau vastuto dīrghā kālabhedavyapohanāt // 29

Sanskrit only: no published translation is held for this verse.

वस्तुतो ह्यत एवेयं कालं संविन्न संस्पृशेत् । अत एकैव संवित्तिर्नानारूपे तथातथा ॥ ३०

vastuto hyata eveyaṃ kālaṃ saṃvinna saṃspṛśet / ata ekaiva saṃvittirnānārūpe tathātathā // 30

Sanskrit only: no published translation is held for this verse.

विन्दाना निर्विकल्पापि विकल्पो भावगोचरे । स्पन्दान्तरं न यावत्तदुदितं तावदेव सः ॥ ३१

vindānā nirvikalpāpi vikalpo bhāvagocare / spandāntaraṃ na yāvattaduditaṃ tāvadeva saḥ // 31

Sanskrit only: no published translation is held for this verse.

तावानेको विकल्पः स्याद्विविधं वस्तु कल्पयन् । ये त्वित्थं न विदुस्तेषां विकल्पो नोपपद्यते ॥ ३२

tāvāneko vikalpaḥ syādvividhaṃ vastu kalpayan / ye tvitthaṃ na vidusteṣāṃ vikalpo nopapadyate // 32

Sanskrit only: no published translation is held for this verse.

स ह्येको न भवेत्कश्चित् त्रिजगत्यापि जातुचित् । शब्दारूषणया ज्ञानं विकल्पः किल कथ्यते ॥ ३३

sa hyeko na bhavetkaścit trijagatyāpi jātucit / śabdārūṣaṇayā jñānaṃ vikalpaḥ kila kathyate // 33

Sanskrit only: no published translation is held for this verse.

सा च स्यात्क्रमिकैवेत्थं किं कथं को विकल्पयेत् । घट इत्यपि नेयान्स्याद्विकल्पः का कथा स्थितौ ॥ ३४

sā ca syātkramikaivetthaṃ kiṃ kathaṃ ko vikalpayet / ghaṭa ityapi neyānsyādvikalpaḥ kā kathā sthitau // 34

Sanskrit only: no published translation is held for this verse.

न विकल्पश्च को प्यस्ति यो मात्रामात्रनिष्ठितः । न च ज्ञानसमूहो स्ति तेषामयुगपत्स्थितेः ॥ ३५

na vikalpaśca ko pyasti yo mātrāmātraniṣṭhitaḥ / na ca jñānasamūho sti teṣāmayugapatsthiteḥ // 35

Sanskrit only: no published translation is held for this verse.

तेनास्तङ्गत एवैष व्यवहारो विकल्पजः । तस्मात्स्पन्दान्तरं यावन्नोदियात्तावदेककम् ॥ ३६

tenāstaṅgata evaiṣa vyavahāro vikalpajaḥ / tasmātspandāntaraṃ yāvannodiyāttāvadekakam // 36

Sanskrit only: no published translation is held for this verse.

विज्ञानं तद्विकल्पात्मधर्मकोटीरपि स्पृशेत् । एकाशीतिपदोदारशक्त्यामर्शात्मकस्ततः ॥ ३७

vijñānaṃ tadvikalpātmadharmakoṭīrapi spṛśet / ekāśītipadodāraśaktyāmarśātmakastataḥ // 37

Sanskrit only: no published translation is held for this verse.

विकल्पः शिवतादायी पूर्वमेव निरूपितः । यथा कर्णौ नर्तयामीत्येवं यत्नात्तथा भवेत् ॥ ३८

vikalpaḥ śivatādāyī pūrvameva nirūpitaḥ / yathā karṇau nartayāmītyevaṃ yatnāttathā bhavet // 38

Sanskrit only: no published translation is held for this verse.

चक्रचारगताद्यत्नात्तद्वत्तच्चक्रगैव धीः । जपहोमार्चनादीनां प्राणसाम्यमतो विधिः ॥ ३९

cakracāragatādyatnāttadvattaccakragaiva dhīḥ / japahomārcanādīnāṃ prāṇasāmyamato vidhiḥ // 39

Sanskrit only: no published translation is held for this verse.

सिद्धामते कुण्डलिनीशक्तिः प्राणसमोन्मना । उक्तं च योगिनीकौले तदेतत्परमेशिना ॥ ४०

siddhāmate kuṇḍalinīśaktiḥ prāṇasamonmanā / uktaṃ ca yoginīkaule tadetatparameśinā // 40

Sanskrit only: no published translation is held for this verse.

पदमन्त्राक्षरे चक्रे विभागं शक्तितत्त्वगम् । पदेषु कृत्वा मन्त्रज्ञो जपादौ फलभाग्भवेत् ॥ ४१

padamantrākṣare cakre vibhāgaṃ śaktitattvagam / padeṣu kṛtvā mantrajño japādau phalabhāgbhavet // 41

Sanskrit only: no published translation is held for this verse.

द्वित्रिसप्ताष्टसंख्यातं लोपयेच्छतिकोदयम् । इति शक्तिस्थिता मन्त्रा विद्या वा चक्रनायकाः ॥ ४२

dvitrisaptāṣṭasaṃkhyātaṃ lopayecchatikodayam / iti śaktisthitā mantrā vidyā vā cakranāyakāḥ // 42

Sanskrit only: no published translation is held for this verse.

पदपिण्डस्वरूपेण ज्ञात्वा योज्याः सदा प्रिये । नित्योदये महातत्त्वे उदयस्थे सदाशिवे ॥ ४३

padapiṇḍasvarūpeṇa jñātvā yojyāḥ sadā priye / nityodaye mahātattve udayasthe sadāśive // 43

Sanskrit only: no published translation is held for this verse.

अयुक्ताः शक्तिमार्गे तु न जप्ताश्चोदयेन ये । ते न सिद्ध्यन्ति यत्नेन जप्ताः कोटिशतैरपि ॥ ४४

ayuktāḥ śaktimārge tu na japtāścodayena ye / te na siddhyanti yatnena japtāḥ koṭiśatairapi // 44

Sanskrit only: no published translation is held for this verse.

मालामन्त्रेषु सर्वेषु मानसो जप उच्यते । उपांशुर्वा शक्त्युदयं तेषां न परिकल्पयेत् ॥ ४५

mālāmantreṣu sarveṣu mānaso japa ucyate / upāṃśurvā śaktyudayaṃ teṣāṃ na parikalpayet // 45

Sanskrit only: no published translation is held for this verse.

पदमन्त्रेषु सर्वेषु यावत्तत्पदशक्तिगम् । शक्यते सततं युक्तैस्तावज्जप्यं तु साधकैः ॥ ४६

padamantreṣu sarveṣu yāvattatpadaśaktigam / śakyate satataṃ yuktaistāvajjapyaṃ tu sādhakaiḥ // 46

Sanskrit only: no published translation is held for this verse.

तावती तेषु वै संख्या पदेषु पदसंज्ञिता । तावन्तमुदयं कृत्वा त्रिपदोक्त्यादितः क्रमात् ॥ ४७

tāvatī teṣu vai saṃkhyā padeṣu padasaṃjñitā / tāvantamudayaṃ kṛtvā tripadoktyāditaḥ kramāt // 47

Sanskrit only: no published translation is held for this verse.

द्वादशाख्ये द्वादशिते चक्रे सार्धं शतं भवेत् । उदयस्तद्धि सचतुश्चत्वारिंशच्छतं भवेत् ॥ ४८

dvādaśākhye dvādaśite cakre sārdhaṃ śataṃ bhavet / udayastaddhi sacatuścatvāriṃśacchataṃ bhavet // 48

Sanskrit only: no published translation is held for this verse.

षोडशाख्ये द्वादशिते द्वानवत्यधिके शते । चारार्धेन समं प्रोक्तं शतं द्वादशकाधिकम् ॥ ४९

ṣoḍaśākhye dvādaśite dvānavatyadhike śate / cārārdhena samaṃ proktaṃ śataṃ dvādaśakādhikam // 49

Sanskrit only: no published translation is held for this verse.

षोडशाख्ये षोडशिते भवेच्चतुरशीतिगः । उदयो द्विशतं तद्धि षट्पञ्चाशत्समुत्तरम् ॥ ५०

ṣoḍaśākhye ṣoḍaśite bhaveccaturaśītigaḥ / udayo dviśataṃ taddhi ṣaṭpañcāśatsamuttaram // 50

Sanskrit only: no published translation is held for this verse.

चाराष्टभागांस्त्रीनत्र कथयन्त्यधिकान्बुधाः । अष्टाष्टके द्वादशिते पादार्धं विंशतिं वसून् ॥ ५१

cārāṣṭabhāgāṃstrīnatra kathayantyadhikānbudhāḥ / aṣṭāṣṭake dvādaśite pādārdhaṃ viṃśatiṃ vasūn // 51

Sanskrit only: no published translation is held for this verse.

उदयः सप्तशतिका साष्टा षष्टिर्यतो हि सः । एष चक्रोदयः प्रोक्तः साधकानां हितावहः ॥ ५२

udayaḥ saptaśatikā sāṣṭā ṣaṣṭiryato hi saḥ / eṣa cakrodayaḥ proktaḥ sādhakānāṃ hitāvahaḥ // 52

Sanskrit only: no published translation is held for this verse.

निरुद्ध्य मानसीर्वृत्तीश्चक्रे विश्रान्तिमागतः । व्युत्थाय यावद्विश्राम्येत्तावच्चारोदयो ह्ययम् ॥ ५३

niruddhya mānasīrvṛttīścakre viśrāntimāgataḥ / vyutthāya yāvadviśrāmyettāvaccārodayo hyayam // 53

Sanskrit only: no published translation is held for this verse.

पूर्णे समुदये त्वत्र प्रवेशैकात्म्यनिर्गमाः । त्रय इत्यत एवोक्तः सिद्धौ मध्योदयो वरः ॥ ५४

pūrṇe samudaye tvatra praveśaikātmyanirgamāḥ / traya ityata evoktaḥ siddhau madhyodayo varaḥ // 54

Sanskrit only: no published translation is held for this verse.

आद्यन्तोदयनिर्मुक्ता मध्यमोदयसंयुताः । मन्त्रविद्याचक्रगणाः सिद्धिभाजो भवन्ति हि ॥ ५५

ādyantodayanirmuktā madhyamodayasaṃyutāḥ / mantravidyācakragaṇāḥ siddhibhājo bhavanti hi // 55

Sanskrit only: no published translation is held for this verse.

मन्त्रचक्रोदयज्ञस्तु विद्याचक्रोदयार्थवित् । क्षिप्रं सिद्ध्येदिति प्रोक्तं श्रीमद्द्विंशतिके त्रिके ॥ ५६

mantracakrodayajñastu vidyācakrodayārthavit / kṣipraṃ siddhyediti proktaṃ śrīmaddviṃśatike trike // 56

Sanskrit only: no published translation is held for this verse.

द्विस्त्रिश्चतुर्वा मात्राभिर्विद्यां वा चक्रमेव वा । तत्त्वोदययुतं नित्यं पृथग्भूतं जपेत्सदा ॥ ५७

dvistriścaturvā mātrābhirvidyāṃ vā cakrameva vā / tattvodayayutaṃ nityaṃ pṛthagbhūtaṃ japetsadā // 57

Sanskrit only: no published translation is held for this verse.

पिण्डाक्षरपदैर्मन्त्रमेकैकं शक्तितत्त्वगम् । बह्वक्षरस्तु यो मन्त्रो विद्या वा चक्रमेव वा ॥ ५८

piṇḍākṣarapadairmantramekaikaṃ śaktitattvagam / bahvakṣarastu yo mantro vidyā vā cakrameva vā // 58

Sanskrit only: no published translation is held for this verse.

शक्तिस्थं नैव तं तत्र विभागस्त्व्ॐनमोन्तगः । अस्मिंस्तत्त्वोदये तस्मादहोरात्रस्त्रिशस्त्रिशः ॥ ५९

śaktisthaṃ naiva taṃ tatra vibhāgastvoṃnamontagaḥ / asmiṃstattvodaye tasmādahorātrastriśastriśaḥ // 59

Sanskrit only: no published translation is held for this verse.

विभज्यते विभागश्च पुनरेव त्रिशस्त्रिशः । पूर्वोदये तु विश्रम्य द्वितीयेनोल्लसेद्यदा ॥ ६०

vibhajyate vibhāgaśca punareva triśastriśaḥ / pūrvodaye tu viśramya dvitīyenollasedyadā // 60

Sanskrit only: no published translation is held for this verse.

विशेच्चार्धर्धिकायोगात्तदोक्तार्धोदयो भवेत् । यदा पूर्णोदयात्मा तु समः कालस्त्रिके स्फुरेत् ॥ ६१

viśeccārdhardhikāyogāttadoktārdhodayo bhavet / yadā pūrṇodayātmā tu samaḥ kālastrike sphuret // 61

Sanskrit only: no published translation is held for this verse.

प्रवेशविश्रान्त्युल्लासे स्यात्स्वत्र्यंशोदयस्तदा । एत्येष कालविभवः प्राण एव प्रतिष्ठितः ॥ ६२

praveśaviśrāntyullāse syātsvatryaṃśodayastadā / etyeṣa kālavibhavaḥ prāṇa eva pratiṣṭhitaḥ // 62

Sanskrit only: no published translation is held for this verse.

स स्पदे खे स तच्चित्यां तेनास्यां विश्वनिष्ठिअतिः । अतः संवित्प्रतिष्ठानौ यतो विश्वलयोदयौ ॥ ६३

sa spade khe sa taccityāṃ tenāsyāṃ viśvaniṣṭhiatiḥ / ataḥ saṃvitpratiṣṭhānau yato viśvalayodayau // 63

Sanskrit only: no published translation is held for this verse.

शक्त्यन्ते ध्वनि तत्स्पन्दासंख्याता वास्तवी ततः । उक्तं श्रीमालिनीतन्त्रे गात्रे यत्रैव कुत्रचित् ॥ ६४

śaktyante dhvani tatspandāsaṃkhyātā vāstavī tataḥ / uktaṃ śrīmālinītantre gātre yatraiva kutracit // 64

Sanskrit only: no published translation is held for this verse.

विकार उपजायेत तत्तत्त्वं तत्त्वमुत्तमम् । प्राणे प्रतिष्ठितः कालस्तदाविष्टा च यत्तनुः ॥ ६५

vikāra upajāyeta tattattvaṃ tattvamuttamam / prāṇe pratiṣṭhitaḥ kālastadāviṣṭā ca yattanuḥ // 65

Sanskrit only: no published translation is held for this verse.

देहे प्रतिष्ठितस्यास्य ततो रूपं निरूप्यते । चित्स्पन्दप्राणवृत्तीनामन्त्या या स्थूलता सुषिः ॥ ६६

dehe pratiṣṭhitasyāsya tato rūpaṃ nirūpyate / citspandaprāṇavṛttīnāmantyā yā sthūlatā suṣiḥ // 66

Sanskrit only: no published translation is held for this verse.

सा नाडीरूपतामेत्य देहं संतानयेदिमम् । श्रीस्वच्छन्दे त एवोक्तं यथा पर्णं स्वतन्तुभिः ॥ ६७

sā nāḍīrūpatāmetya dehaṃ saṃtānayedimam / śrīsvacchande ta evoktaṃ yathā parṇaṃ svatantubhiḥ // 67

Sanskrit only: no published translation is held for this verse.

व्याप्तं तद्वत्तनुर्द्वारद्वारिभावेन नाडिभिः । पादाङ्गुष्ठादिकोर्ध्वस्थब्रह्मकुण्डलिकान्तगः ॥ ६८

vyāptaṃ tadvattanurdvāradvāribhāvena nāḍibhiḥ / pādāṅguṣṭhādikordhvasthabrahmakuṇḍalikāntagaḥ // 68

Sanskrit only: no published translation is held for this verse.

कालः समस्तश्चतुरशीतावेवाङ्गुलेष्वितः । द्वादशान्तावधिं किंचित्सूक्ष्मकालस्थितिं विदुः ॥ ६९

kālaḥ samastaścaturaśītāvevāṅguleṣvitaḥ / dvādaśāntāvadhiṃ kiṃcitsūkṣmakālasthitiṃ viduḥ // 69

Sanskrit only: no published translation is held for this verse.

षण्णवत्यामधः षड्द्विक्रमाच्चाष्टोत्तरं शतम् । अत्र मध्यमसंचारिप्राणोदयलयान्तरे ॥ ७०

ṣaṇṇavatyāmadhaḥ ṣaḍdvikramāccāṣṭottaraṃ śatam / atra madhyamasaṃcāriprāṇodayalayāntare // 70

Sanskrit only: no published translation is held for this verse.

विश्वे सृष्टिलयास्ते तु चित्रा वाय्वन्तरक्रमात् । इत्येष सूक्ष्मपरिमर्शनशीलनीयश्चक्रोदयो नुभवशास्त्रदृशा मयोक्तः ॥ ७१

viśve sṛṣṭilayāste tu citrā vāyvantarakramāt / ityeṣa sūkṣmaparimarśanaśīlanīyaścakrodayo nubhavaśāstradṛśā mayoktaḥ // 71

Sanskrit only: no published translation is held for this verse.