अथ परोक्षस्य दीक्षा द्विविधश् च सः मृतो जीवंश् च
atha parokṣasya dīkṣā dvividhaś ca saḥ mṛto jīvaṃś ca
Sanskrit only: no published translation is held for this verse.
Library·Abhinavagupta: Tantrasara·16
Abhinavagupta: Tantrasara 16
तत्र कृतगुरुसेव एव मृत उद्वासितो वा अभिचारादिहतो डिम्बाहतो मृत्युक्षणोदिततथारुचिः मुखान्तरायातशक्तिपातो वा तथा दीक्ष्य इत्य् आज्ञा
tatra kṛtaguruseva eva mṛta udvāsito vā abhicārādihato ḍimbāhato mṛtyukṣaṇoditatathāruciḥ mukhāntarāyātaśaktipāto vā tathā dīkṣya ity ājñā
Sanskrit only: no published translation is held for this verse.
अत्र च मृतदीक्षायाम् अधिवासादि न उपयुज्यते
atra ca mṛtadīkṣāyām adhivāsādi na upayujyate
Sanskrit only: no published translation is held for this verse.
मण्डले मन्त्रविशेषसंनिधये यत्र बहुला क्रिया उत्तमम् उपकरणं पुष्पादि स्थानं पीठादि मण्डलं त्रिशूलाब्जादि आकृतिः ध्येयविशेषः मन्त्रः स्वयं दीप्तश् च ध्यानपरस्य योगिनः तदेकभक्तिसमावेशशालिनो ज्ञानिनश् च सम्बन्धः इत्य् एते संनिधानहेतवो यथोत्तरम् उक्ताः
maṇḍale mantraviśeṣasaṃnidhaye yatra bahulā kriyā uttamam upakaraṇaṃ puṣpādi sthānaṃ pīṭhādi maṇḍalaṃ triśūlābjādi ākṛtiḥ dhyeyaviśeṣaḥ mantraḥ svayaṃ dīptaś ca dhyānaparasya yoginaḥ tadekabhaktisamāveśaśālino jñāninaś ca sambandhaḥ ity ete saṃnidhānahetavo yathottaram uktāḥ
Sanskrit only: no published translation is held for this verse.
समुदितत्वे तु का कथा स्यात् इति परमेश्वरेण उक्तम्
samuditatve tu kā kathā syāt iti parameśvareṇa uktam
Sanskrit only: no published translation is held for this verse.
ततो देवं पूजयित्वा तदाकृतिं कुशादिमयीम् अग्रे स्थापयित्वा गुर्वासादितज्ञानोपदेशक्रमेण तां पश्येत् स च मूलाधाराद् उदेत्य प्रसृतसुविततानन्तनाड्यध्वदण्डं वीर्येणाक्रम्य नासागगनपरिगतं विक्षिपन् व्याप्तुम् ईष्टे
tato devaṃ pūjayitvā tadākṛtiṃ kuśādimayīm agre sthāpayitvā gurvāsāditajñānopadeśakrameṇa tāṃ paśyet sa ca mūlādhārād udetya prasṛtasuvitatānantanāḍyadhvadaṇḍaṃ vīryeṇākramya nāsāgaganaparigataṃ vikṣipan vyāptum īṣṭe
Sanskrit only: no published translation is held for this verse.
यावद् धूमाभिरामप्रचिततरशिखाजालकेनाध्वचक्रं संछाद्याभीष्टजीवानयनम् इति महाञ् जालनामा प्रयोगः
yāvad dhūmābhirāmapracitataraśikhājālakenādhvacakraṃ saṃchādyābhīṣṭajīvānayanam iti mahāñ jālanāmā prayogaḥ
Sanskrit only: no published translation is held for this verse.
एतेनाच्छादनीयं व्रजति परवशं संमुखीनत्वम् आदौ पश्चाद् आनीयते चेत् सकलम् अथ ततो ऽप्य् अध्वमध्याद् यथेष्टम्
etenācchādanīyaṃ vrajati paravaśaṃ saṃmukhīnatvam ādau paścād ānīyate cet sakalam atha tato 'py adhvamadhyād yatheṣṭam
Sanskrit only: no published translation is held for this verse.
आकृष्टाव् उद्धतौ वा मृतजनविषये कर्षणीये ऽथ जीवे योगः श्रीशंभुनाथागमपरिगमितो जालनामा मयोक्तः
ākṛṣṭāv uddhatau vā mṛtajanaviṣaye karṣaṇīye 'tha jīve yogaḥ śrīśaṃbhunāthāgamaparigamito jālanāmā mayoktaḥ
Sanskrit only: no published translation is held for this verse.
बहिर् अपि इत्थं कथं न भवति आकर्षणादौ विनाभ्यासात् इति चेत् रागद्वेषादियोगवशेन तत्प्रवृत्तौ ऐश्वर्यावेशायोगात्
bahir api itthaṃ kathaṃ na bhavati ākarṣaṇādau vinābhyāsāt iti cet rāgadveṣādiyogavaśena tatpravṛttau aiśvaryāveśāyogāt
Sanskrit only: no published translation is held for this verse.
ततो नियतिनियन्त्रितत्वात् अभ्यासाद्यपेक्षा स्याद् एव
tato niyatiniyantritatvāt abhyāsādyapekṣā syād eva
Sanskrit only: no published translation is held for this verse.
इह तु अनुग्रहात्मकपरमेश्वरतावेशात् तथाभावः
iha tu anugrahātmakaparameśvaratāveśāt tathābhāvaḥ
Sanskrit only: no published translation is held for this verse.
परमेश्वर एव हि गुरुशरीराधिष्ठानद्वारेण अनुग्राह्यान् अनुगृह्णाति
parameśvara eva hi guruśarīrādhiṣṭhānadvāreṇa anugrāhyān anugṛhṇāti
Sanskrit only: no published translation is held for this verse.
स च अचिन्त्यमहिमा इति उक्तप्रायम्
sa ca acintyamahimā iti uktaprāyam
Sanskrit only: no published translation is held for this verse.
एवं जालप्रयोगाकृष्टो जीवो दार्भं जातीफलादि वा शरीरं समाविष्टो भवति न च स्पन्दते मनःप्रणादिसामग्र्यभावात् तदनुध्यानबलात् तु स्पन्दते ऽपि तादृशे ऽपि तस्मिन् पूर्ववत् प्रोक्षणादिसंस्कारः पूर्णाहुतियोजनिकान्तः
evaṃ jālaprayogākṛṣṭo jīvo dārbhaṃ jātīphalādi vā śarīraṃ samāviṣṭo bhavati na ca spandate manaḥpraṇādisāmagryabhāvāt tadanudhyānabalāt tu spandate 'pi tādṛśe 'pi tasmin pūrvavat prokṣaṇādisaṃskāraḥ pūrṇāhutiyojanikāntaḥ
Sanskrit only: no published translation is held for this verse.
अत्र परं पूर्णाहुत्या तस्य दार्भाद्याकारस्य परतेजसि लयः कर्तव्यः
atra paraṃ pūrṇāhutyā tasya dārbhādyākārasya paratejasi layaḥ kartavyaḥ
Sanskrit only: no published translation is held for this verse.
एवम् उद्धृतो ऽसौ पूर्णाहुत्यैव अपवृज्यते यदि स्वर्नरकप्रेततिर्यक्षु स्थितः
evam uddhṛto 'sau pūrṇāhutyaiva apavṛjyate yadi svarnarakapretatiryakṣu sthitaḥ
Sanskrit only: no published translation is held for this verse.
मनुष्यस् तु तदैव ज्ञानं योगं दीक्षां विवेकं वा लभते
manuṣyas tu tadaiva jñānaṃ yogaṃ dīkṣāṃ vivekaṃ vā labhate
Sanskrit only: no published translation is held for this verse.
अधिकारिशरीरत्वात् इति मृतोद्धरणम्
adhikāriśarīratvāt iti mṛtoddharaṇam
Sanskrit only: no published translation is held for this verse.
जीवतो ऽपि परोक्षस्य उत्पन्ने शक्तिपाते ऽयम् एव क्रमः दार्भाकृतिकल्पनजीवाकृष्टिवर्जम्
jīvato 'pi parokṣasya utpanne śaktipāte 'yam eva kramaḥ dārbhākṛtikalpanajīvākṛṣṭivarjam
Sanskrit only: no published translation is held for this verse.
ध्यानमात्रोपस्थापितस्यैव अस्य संस्कारः
dhyānamātropasthāpitasyaiva asya saṃskāraḥ
Sanskrit only: no published translation is held for this verse.
दीक्षा च भोगभोक्षोभयदायिनी
dīkṣā ca bhogabhokṣobhayadāyinī
Sanskrit only: no published translation is held for this verse.
स्ववासनाबलीयस्त्वात् भोगवासनाविच्छेदस्य च असंभाव्यमानत्वात् बहुभिः दीक्षायाम् ऊर्ध्वशासनसंस्कारो बलवान् अन्यस् तु तत्संस्काराय स्यात्
svavāsanābalīyastvāt bhogavāsanāvicchedasya ca asaṃbhāvyamānatvāt bahubhiḥ dīkṣāyām ūrdhvaśāsanasaṃskāro balavān anyas tu tatsaṃskārāya syāt
Sanskrit only: no published translation is held for this verse.
परोषस्यापि दीक्षितस्य तथैव ज्ञानाद्याविर्भावः इति
paroṣasyāpi dīkṣitasya tathaiva jñānādyāvirbhāvaḥ iti
Sanskrit only: no published translation is held for this verse.