तत्र समस्त एव अयं मूर्तिवैचित्र्याभासनशक्तिजो देशाध्वा संविदि विश्रान्तः तद्द्वारेण शून्ये बुद्धौ प्राणे नाडीचक्रानुचक्रेषु बहिः शरीरे यावल् लिङ्गस्थण्डिलप्रतिमादौ समस्तो ऽध्वा परिनिष्ठितः तं समस्तम् अध्वानं देहे विलाप्य देहं च प्राणे तं धियि तां शून्ये तत्संवेदने निर्भरपरिपूर्णसंवित् सम्पद्यते षट्त्रिंशत्तत्त्वस्वरूपज्ञः तदुत्तीर्णां संविदं परमशिवरूपां पश्यन् विश्वमयीम् अपि संवेदयेत अपरथा वेद्यभागम् एव कंचित् परत्वेन गृह्णीयान् मायागर्भाधिकारिणं विष्णुब्रह्मादिकं वा तस्माद् अवश्यं प्रक्रियाज्ञानपरेण भवितव्यम्
tatra samasta eva ayaṃ mūrtivaicitryābhāsanaśaktijo deśādhvā saṃvidi viśrāntaḥ taddvāreṇa śūnye buddhau prāṇe nāḍīcakrānucakreṣu bahiḥ śarīre yāval liṅgasthaṇḍilapratimādau samasto 'dhvā pariniṣṭhitaḥ taṃ samastam adhvānaṃ dehe vilāpya dehaṃ ca prāṇe taṃ dhiyi tāṃ śūnye tatsaṃvedane nirbharaparipūrṇasaṃvit sampadyate ṣaṭtriṃśattattvasvarūpajñaḥ taduttīrṇāṃ saṃvidaṃ paramaśivarūpāṃ paśyan viśvamayīm api saṃvedayeta aparathā vedyabhāgam eva kaṃcit paratvena gṛhṇīyān māyāgarbhādhikāriṇaṃ viṣṇubrahmādikaṃ vā tasmād avaśyaṃ prakriyājñānapareṇa bhavitavyam
Sanskrit only: no published translation is held for this verse.
तद् उक्तं न प्रक्रियापरं ज्ञानम् इति
tad uktaṃ na prakriyāparaṃ jñānam iti
Sanskrit only: no published translation is held for this verse.
तत्र पृथिवीतत्त्वं शतकोटिप्रविस्तीर्णं ब्रह्माण्डगोलकरूपम्
tatra pṛthivītattvaṃ śatakoṭipravistīrṇaṃ brahmāṇḍagolakarūpam
Sanskrit only: no published translation is held for this verse.
तस्य अन्तः कालाग्निर् नरकाः पातालानि पृथिवी स्वर्गो यावद् ब्रह्मलोक इति
tasya antaḥ kālāgnir narakāḥ pātālāni pṛthivī svargo yāvad brahmaloka iti
Sanskrit only: no published translation is held for this verse.
ब्रह्माण्डबाह्ये रुद्राणां शतम्
brahmāṇḍabāhye rudrāṇāṃ śatam
Sanskrit only: no published translation is held for this verse.
न च ब्रह्माण्डानां संख्या विद्यते
na ca brahmāṇḍānāṃ saṃkhyā vidyate
Sanskrit only: no published translation is held for this verse.
ततो धरातत्त्वाद् दशगुणं जलतत्त्वम्
tato dharātattvād daśaguṇaṃ jalatattvam
Sanskrit only: no published translation is held for this verse.
तत उत्तरोत्तरं दशगुणम् अहंकारान्तम्
tata uttarottaraṃ daśaguṇam ahaṃkārāntam
Sanskrit only: no published translation is held for this verse.
तद् यथा जलं तेजो वायुर् नभः तन्मात्रपञ्चकाक्षैकादशगर्भो ऽहंकारश् चेति
tad yathā jalaṃ tejo vāyur nabhaḥ tanmātrapañcakākṣaikādaśagarbho 'haṃkāraś ceti
Sanskrit only: no published translation is held for this verse.
अहंकारात् शतगुणं बुद्धितत्त्वम्
ahaṃkārāt śataguṇaṃ buddhitattvam
Sanskrit only: no published translation is held for this verse.
ततः सहस्रधा प्रकृतितत्त्वम् एतावत् प्रकृत्यण्डम्
tataḥ sahasradhā prakṛtitattvam etāvat prakṛtyaṇḍam
Sanskrit only: no published translation is held for this verse.
तच् च ब्रह्माण्डवद् असंख्यम्
tac ca brahmāṇḍavad asaṃkhyam
Sanskrit only: no published translation is held for this verse.
प्रकृतितत्त्वात् पुरुषतत्त्वं च दशसहस्रधा
prakṛtitattvāt puruṣatattvaṃ ca daśasahasradhā
Sanskrit only: no published translation is held for this verse.
पुरुषान् नियतिः लक्षधा
puruṣān niyatiḥ lakṣadhā
Sanskrit only: no published translation is held for this verse.
नियतेर् उत्तरोत्तरं दशलक्षधा कलातत्त्वान्तम्
niyater uttarottaraṃ daśalakṣadhā kalātattvāntam
Sanskrit only: no published translation is held for this verse.
तद् यथा नियतिः रागो ऽशुद्धविद्या कालः कला चेति
tad yathā niyatiḥ rāgo 'śuddhavidyā kālaḥ kalā ceti
Sanskrit only: no published translation is held for this verse.
कलातत्त्वात् कोटिधा माया एतावत् मायाण्डम्
kalātattvāt koṭidhā māyā etāvat māyāṇḍam
Sanskrit only: no published translation is held for this verse.
मायातत्त्वात् शुद्धविद्या दशकोटिगुणिता
māyātattvāt śuddhavidyā daśakoṭiguṇitā
Sanskrit only: no published translation is held for this verse.
विद्यातत्त्वाद् ईश्वरतत्त्वं शतकोटिधा
vidyātattvād īśvaratattvaṃ śatakoṭidhā
Sanskrit only: no published translation is held for this verse.
ईश्वरतत्त्वात् सादाख्यं सहस्रकोटिधा
īśvaratattvāt sādākhyaṃ sahasrakoṭidhā
Sanskrit only: no published translation is held for this verse.
सादाख्यात् वृन्दगुणितं शक्तितत्त्वम् इति शक्त्यण्डम्
sādākhyāt vṛndaguṇitaṃ śaktitattvam iti śaktyaṇḍam
Sanskrit only: no published translation is held for this verse.
सा शक्तिर् व्याप्य यतो विश्वम् अध्वानम् अन्तर्बहिर् आस्ते तस्माद् व्यापिनी
sā śaktir vyāpya yato viśvam adhvānam antarbahir āste tasmād vyāpinī
Sanskrit only: no published translation is held for this verse.
एवम् एतानि उत्तरोत्तरम् आवरणतया वर्तमानानि तत्त्वान्य् उत्तरं व्यापकं पूर्वं व्याप्यम् इति स्थित्या वर्तन्ते
evam etāni uttarottaram āvaraṇatayā vartamānāni tattvāny uttaraṃ vyāpakaṃ pūrvaṃ vyāpyam iti sthityā vartante
Sanskrit only: no published translation is held for this verse.
यावद् अशेषशक्तितत्त्वान्तो ऽध्वा शिवतत्त्वेन व्याप्तः
yāvad aśeṣaśaktitattvānto 'dhvā śivatattvena vyāptaḥ
Sanskrit only: no published translation is held for this verse.
शिवतत्त्वं पुनर् अपरिमेयं सर्वाध्वोत्तीर्णं सर्वाध्वव्यापकं च
śivatattvaṃ punar aparimeyaṃ sarvādhvottīrṇaṃ sarvādhvavyāpakaṃ ca
Sanskrit only: no published translation is held for this verse.
एतत् तत्त्वान्तरालवर्तीनि यानि भुवनानि तत्पतय एव अत्र पृथिव्यां स्थिता इति
etat tattvāntarālavartīni yāni bhuvanāni tatpataya eva atra pṛthivyāṃ sthitā iti
Sanskrit only: no published translation is held for this verse.
तेष्व् आयतनेषु ये म्रियन्ते तेषां तत्र तत्र गतिं ते वितरन्ति
teṣv āyataneṣu ye mriyante teṣāṃ tatra tatra gatiṃ te vitaranti
Sanskrit only: no published translation is held for this verse.
क्रमाच् च ऊर्ध्वोर्ध्वं प्रेरयन्ति दीक्षाक्रमेण
kramāc ca ūrdhvordhvaṃ prerayanti dīkṣākrameṇa
Sanskrit only: no published translation is held for this verse.