Abhisamayalankaravrttih sphutartha 0

सर्वाकारज्ञताधिकारः प्रथमः नमः सर्वबुद्धबोधिसत्त्वेभ्यः मंगलाचरणम् प्रज्ञापारमितायै यस्यास्तदलङ्कारकारिकाणाम् । सर्वालङ्करणार्थं क्रियते व्याख्या नमस्तस्यै

sarvākārajñatādhikāraḥ prathamaḥ namaḥ sarvabuddhabodhisattvebhyaḥ maṃgalācaraṇam prajñāpāramitāyai yasyāstadalaṅkārakārikāṇām / sarvālaṅkaraṇārthaṃ kriyate vyākhyā namastasyai

Sanskrit only: no published translation is held for this verse.

जगदासङ्गसङ्गेन त्वार्यासङ्गेन तायिना । आकर्ण्याजितनाथात्तन्महाशास्त्रं व्यभज्यत

jagadāsaṅgasaṅgena tvāryāsaṅgena tāyinā / ākarṇyājitanāthāttanmahāśāstraṃ vyabhajyata

Sanskrit only: no published translation is held for this verse.

जगद्धितपरो बन्धुः वसुबन्धुः स्वकाशयम् । चान्तर्ज्ञेयं समाश्रित्य तद्व्याख्यामकरोत्ततः

jagaddhitaparo bandhuḥ vasubandhuḥ svakāśayam / cāntarjñeyaṃ samāśritya tadvyākhyāmakarottataḥ

Sanskrit only: no published translation is held for this verse.

आर्यान्तर्गणितः ख्यातो विमुक्तिरिति तत्कृताम् । अकृतामिव तां द्रष्ट्वा चक्रे ऽन्यां मध्यया धिया

āryāntargaṇitaḥ khyāto vimuktiriti tatkṛtām / akṛtāmiva tāṃ draṣṭvā cakre 'nyāṃ madhyayā dhiyā

Sanskrit only: no published translation is held for this verse.

ततो विमुक्तिसेनेन शास्त्राण्यप्राप्य सर्वशः । श्रद्धाभूमिस्थितेनापि व्याख्याता स्वमनीषया

tato vimuktisenena śāstrāṇyaprāpya sarvaśaḥ / śraddhābhūmisthitenāpi vyākhyātā svamanīṣayā

Sanskrit only: no published translation is held for this verse.

एवं विद्वद्वरैः प्रोक्ते किञ्चन्नैयून्यमीक्ष्यते । अस्मिन् सर्वं सुसम्पन्नं महदाश्चर्यकारकम्

evaṃ vidvadvaraiḥ prokte kiñcannaiyūnyamīkṣyate / asmin sarvaṃ susampannaṃ mahadāścaryakārakam

Sanskrit only: no published translation is held for this verse.

अयं सुदुर्लभः पन्थाः गम्भीरश्च यथार्थकः । सुविमृश्यश्च विद्वद्भिः प्राप्तो बुद्धानुकम्पया

ayaṃ sudurlabhaḥ panthāḥ gambhīraśca yathārthakaḥ / suvimṛśyaśca vidvadbhiḥ prāpto buddhānukampayā

Sanskrit only: no published translation is held for this verse.

सर्वथा मम नास्त्येव गोचरो ऽप्यहमुत्सहे । पुण्यविध्यनुकूलत्वात् स्वपरोपचिकीर्षया

sarvathā mama nāstyeva gocaro 'pyahamutsahe / puṇyavidhyanukūlatvāt svaparopacikīrṣayā

Sanskrit only: no published translation is held for this verse.