Maitreyanatha: Abhisamayalamkaranamaprajnaparamitopadesasastram 3

॥ अभिसमयालङ्कारे प्रज्ञापारमितोपदेशशास्त्रे मार्गज्ञताधिकारो द्वितीयः ॥ नापरे न परे तीरे नान्तराले तथोः स्थिता । अध्वनां समताज्ञानात् प्रज्ञापारमितामता

// abhisamayālaṅkāre prajñāpāramitopadeśaśāstre mārgajñatādhikāro dvitīyaḥ // nāpare na pare tīre nāntarāle tathoḥ sthitā / adhvanāṃ samatājñānāt prajñāpāramitāmatā

Sanskrit only: no published translation is held for this verse.

अनुपायेन दूरं सा सनिमित्तोपलम्भतः । उपायकौशलेनास्याः सम्यगासन्नतोदिता

anupāyena dūraṃ sā sanimittopalambhataḥ / upāyakauśalenāsyāḥ samyagāsannatoditā

Sanskrit only: no published translation is held for this verse.

रूपादिस्कन्धशून्यत्वे धर्मेषु त्र्यध्वगेषु च । दानादौ बोधिपक्षेषु चर्यासंज्ञा विपक्षता

rūpādiskandhaśūnyatve dharmeṣu tryadhvageṣu ca / dānādau bodhipakṣeṣu caryāsaṃjñā vipakṣatā

Sanskrit only: no published translation is held for this verse.

दानादिष्वनहंकारः परेषां तन्नियोजनम् । सङ्गकोटीनिषेधो ऽयं सुक्ष्मः सङ्गो जिनादिषु

dānādiṣvanahaṃkāraḥ pareṣāṃ tanniyojanam / saṅgakoṭīniṣedho 'yaṃ sukṣmaḥ saṅgo jinādiṣu

Sanskrit only: no published translation is held for this verse.

तद्गाम्बीर्यं प्रकृत्यैव विवेकाद्धर्मपद्धतेः *इति* । एकप्रकृतिकं ज्ञानं धर्माणां सङ्गवर्जनम्

tadgāmbīryaṃ prakṛtyaiva vivekāddharmapaddhateḥ *iti* / ekaprakṛtikaṃ jñānaṃ dharmāṇāṃ saṅgavarjanam

Sanskrit only: no published translation is held for this verse.

दृष्टादिप्रतिषेधेन तस्या दुर्बोधतोदिता *इति* । रूपादिभिरविज्ञानात्तदचिन्त्यत्वमिष्यते

dṛṣṭādipratiṣedhena tasyā durbodhatoditā *iti* / rūpādibhiravijñānāttadacintyatvamiṣyate

Sanskrit only: no published translation is held for this verse.

एवं कृत्वा यथोक्तो वै ज्ञेयः सर्वज्ञतानये । अयं विभागो निःशोषो विपक्षप्रतिपक्षयोः

evaṃ kṛtvā yathokto vai jñeyaḥ sarvajñatānaye / ayaṃ vibhāgo niḥśoṣo vipakṣapratipakṣayoḥ

Sanskrit only: no published translation is held for this verse.

रूपादौ तदनित्यादौ तदपुरिप्रपूरयोः । तदसङ्गत्वे चर्याया: प्रयोगः प्रतिषेधतः

rūpādau tadanityādau tadapuriprapūrayoḥ / tadasaṅgatve caryāyā: prayogaḥ pratiṣedhataḥ

Sanskrit only: no published translation is held for this verse.

अविकारो न कर्ता च प्रयोगो दुष्करस्त्रिधा । यथाभव्यं फलप्राप्तेरवन्ध्यो ऽभिमतश्च सः

avikāro na kartā ca prayogo duṣkarastridhā / yathābhavyaṃ phalaprāpteravandhyo 'bhimataśca saḥ

Sanskrit only: no published translation is held for this verse.

अपरप्रत्ययो यश्च सप्तधा ख्यातिवेदकः । चतुर्धा मनना तस्य रूपादौ समता मता

aparapratyayo yaśca saptadhā khyātivedakaḥ / caturdhā mananā tasya rūpādau samatā matā

Sanskrit only: no published translation is held for this verse.

धर्मज्ञानान्वयज्ञानक्षान्तिज्ञानक्षणात्मकः । दुःखादिसत्ये दृङ्मार्ग एष सर्वज्ञतानये

dharmajñānānvayajñānakṣāntijñānakṣaṇātmakaḥ / duḥkhādisatye dṛṅmārga eṣa sarvajñatānaye

Sanskrit only: no published translation is held for this verse.

रूपं न नित्यं नानित्यमतितान्तं विशुद्धकम् । अनुत्पन्नानिरुद्धादि व्योमाभं लेपवर्जितम्

rūpaṃ na nityaṃ nānityamatitāntaṃ viśuddhakam / anutpannāniruddhādi vyomābhaṃ lepavarjitam

Sanskrit only: no published translation is held for this verse.

परिग्रहेण निर्मुक्तमव्याहारं स्वभावतः । प्रव्याहारेण नास्यार्थः परेषु प्राप्यते यतः

parigraheṇa nirmuktamavyāhāraṃ svabhāvataḥ / pravyāhāreṇa nāsyārthaḥ pareṣu prāpyate yataḥ

Sanskrit only: no published translation is held for this verse.

नोपलम्भकृदत्यन्तविशुद्धिर्व्याध्यसंभवः । अपायोच्छित्त्यकल्पत्वे फलसाक्षात्क्रियां प्रति

nopalambhakṛdatyantaviśuddhirvyādhyasaṃbhavaḥ / apāyocChittyakalpatve phalasākṣātkriyāṃ prati

Sanskrit only: no published translation is held for this verse.

असंसर्गो निमित्तैश्च वस्तुनि व्यञ्जने द्वये । ज्ञानस्य या चानुत्पत्तिरिति सर्वज्ञताक्षणाः

asaṃsargo nimittaiśca vastuni vyañjane dvaye / jñānasya yā cānutpattiriti sarvajñatākṣaṇāḥ

Sanskrit only: no published translation is held for this verse.

इति सेयं पुनः सेयं सेयं खलु पुनस्त्रिधा । अधिकारत्रयस्यैषा समाप्तिः परिदीपिता

iti seyaṃ punaḥ seyaṃ seyaṃ khalu punastridhā / adhikāratrayasyaiṣā samāptiḥ paridīpitā

Sanskrit only: no published translation is held for this verse.