Aitareya Āraṇyaka (Ṛgveda) 3

अथातः संहिताया उपनिषत्

athātaḥ saṃhitāyā upaniṣat

Sanskrit only: no published translation is held for this verse.

पृथिवी पूर्वरूपं द्यौर् उत्तररूपं वायुः संहितेति माण्डूकेय आकाशः संहितेत्य् अस्य माक्षव्यो वेदयांचक्रे

pṛthivī pūrvarūpaṃ dyaur uttararūpaṃ vāyuḥ saṃhiteti māṇḍūkeya ākāśaḥ saṃhitety asya mākṣavyo vedayāṃcakre

Sanskrit only: no published translation is held for this verse.

स हाविपरिहृतो मेने न मे ऽस्य पुत्रेण समगाद् इति

sa hāviparihṛto mene na me 'sya putreṇa samagād iti

Sanskrit only: no published translation is held for this verse.

समाने वै तत् परिहृतो मेन इत्य् आगस्त्यः समानं ह्य् एतद् भवति वायुश् चाकाशश् च

samāne vai tat parihṛto mena ity āgastyaḥ samānaṃ hy etad bhavati vāyuś cākāśaś ca

Sanskrit only: no published translation is held for this verse.

इत्य् अधिदैवतम्

ity adhidaivatam

Sanskrit only: no published translation is held for this verse.

अथाध्यात्मम्

athādhyātmam

Sanskrit only: no published translation is held for this verse.

वाक् पूर्वरूपं मन उत्तररूपं प्राणः संहितेति शूरवीरो माण्डूकेयः

vāk pūrvarūpaṃ mana uttararūpaṃ prāṇaḥ saṃhiteti śūravīro māṇḍūkeyaḥ

Sanskrit only: no published translation is held for this verse.

अथ हास्य पुत्र आह ज्येष्ठो मनः पूर्वरूपं वाग् उत्तररूपं मनसा वा अग्रे संकल्पयत्य् अथ वाचा व्याहरति तस्मान् मन एव पूर्वरूपं वाग् उत्तररूपं प्राणस् त्व् एव संहितेति

atha hāsya putra āha jyeṣṭho manaḥ pūrvarūpaṃ vāg uttararūpaṃ manasā vā agre saṃkalpayaty atha vācā vyāharati tasmān mana eva pūrvarūpaṃ vāg uttararūpaṃ prāṇas tv eva saṃhiteti

Sanskrit only: no published translation is held for this verse.

समानम् एनयोर् अत्र पितुश् च पुत्रस्य च

samānam enayor atra pituś ca putrasya ca

Sanskrit only: no published translation is held for this verse.

स एषो ऽश्वरथः प्रष्टिवाहनो मनोवाक्प्राणसंहतः

sa eṣo 'śvarathaḥ praṣṭivāhano manovākprāṇasaṃhataḥ

Sanskrit only: no published translation is held for this verse.

स य एवम् एतां संहितां वेद संधीयते प्रजया पशुभिर् यशसा ब्रह्मवर्चसेन स्वर्गेण लोकेन सर्वम् आयुर् एति

sa ya evam etāṃ saṃhitāṃ veda saṃdhīyate prajayā paśubhir yaśasā brahmavarcasena svargeṇa lokena sarvam āyur eti

Sanskrit only: no published translation is held for this verse.

इति नु माण्डूकेयानाम्

iti nu māṇḍūkeyānām

Sanskrit only: no published translation is held for this verse.