Āyurvedamahodadhau annapānavidhi 11

लवणमरिचसर्पिःशर्करामुद्गधात्रीकुसुमरसविहीनं [नै] चैवम् अद्यात् तु नित्यम् । न च शरदि वसन्ते नोष्णकाले न रात्रौ न दधि कफविकारे [पित्त] पीतरोगे न दद्यात्

lavaṇamaricasarpiḥśarkarāmudgadhātrīkusumarasavihīnaṃ [nai] caivam adyāt tu nityam / na ca śaradi vasante noṣṇakāle na rātrau na dadhi kaphavikāre [pitta] pītaroge na dadyāt

Sanskrit only: no published translation is held for this verse.

एलासैन्धवशर्करं समरिचं धात्रीगुडं सर्पिषा पथ्यं स्याद् वरमुद्गसूपसहितं संसेवनीय दधि । नैवोष्णं बहु पिच्छलं न च शरद्ग्रीष्मे वसन्ते हितं पित्तासृक्ज्वरकुष्ठदं भ्रमकरं (बी) वासर्पदं चान्यथा

elāsaindhavaśarkaraṃ samaricaṃ dhātrīguḍaṃ sarpiṣā pathyaṃ syād varamudgasūpasahitaṃ saṃsevanīya dadhi / naivoṣṇaṃ bahu picchalaṃ na ca śaradgrīṣme vasante hitaṃ pittāsṛkjvarakuṣṭhadaṃ bhramakaraṃ (bī) vāsarpadaṃ cānyathā

Sanskrit only: no published translation is held for this verse.

दधि त्रिकटुकमिश्रं राजिकाचूर्णमिश्रं कफहरम् अनिलघ्नं चाग्निसंधुक्षणं च तुहिनशिशिरकाले सेवनीयं च पथ्यं भवति सुदृढकायो रूपवान् सत्ववांश् च

dadhi trikaṭukamiśraṃ rājikācūrṇamiśraṃ kaphaharam anilaghnaṃ cāgnisaṃdhukṣaṇaṃ ca tuhinaśiśirakāle sevanīyaṃ ca pathyaṃ bhavati sudṛḍhakāyo rūpavān satvavāṃś ca

Sanskrit only: no published translation is held for this verse.

भवति सुदृढकायो रूपवान् सत्ववांश् च) ॥ अधिकतरविलासैः सेवितं मर्दितं च

bhavati sudṛḍhakāyo rūpavān satvavāṃś ca) // adhikataravilāsaiḥ sevitaṃ marditaṃ ca

Sanskrit only: no published translation is held for this verse.

दधि तरुणम् अपथ्यं पथ्यसंपुष्टिहेतोः बलकरम् अतिवृष्यं मेदकृदीपनं च । कफहरम् अनिले स्यान् नातिपित्तप्रकोपं तद् अनिशम् इह सेव्यं माधुरं चाम्लभावात्

dadhi taruṇam apathyaṃ pathyasaṃpuṣṭihetoḥ balakaram ativṛṣyaṃ medakṛdīpanaṃ ca / kaphaharam anile syān nātipittaprakopaṃ tad aniśam iha sevyaṃ mādhuraṃ cāmlabhāvāt

Sanskrit only: no published translation is held for this verse.

मधुरं भक्षयेच् चैतद् अत्यम्लं वर्जयेत् सदा । मधुरं दधि रोगघ्नं अत्यम्लं रोगकारकम्

madhuraṃ bhakṣayec caitad atyamlaṃ varjayet sadā / madhuraṃ dadhi rogaghnaṃ atyamlaṃ rogakārakam

Sanskrit only: no published translation is held for this verse.