Āyurvedamahodadhau annapānavidhi 26

इति तिलः ॥ ॥ अथ यवगुणाः कथ्यन्ते ॥ यवः कषायो मधुरो हिमश् च कटुर् विपाके कफपित्तहारः । व्रणेषु पथ्यस् तिलवच् च नित्यं प्रबद्धमूत्रो बहुवातवर्श [र्चा]ः

iti tilaḥ // // atha yavaguṇāḥ kathyante // yavaḥ kaṣāyo madhuro himaś ca kaṭur vipāke kaphapittahāraḥ / vraṇeṣu pathyas tilavac ca nityaṃ prabaddhamūtro bahuvātavarśa [rcā]ḥ

Sanskrit only: no published translation is held for this verse.

स्थैर्याग्निधातुस्वरवर्णकृच् च सपिच्छलस्थूलविलेखनश् च । मेदोमरुत्तृट् [ड्] हरणो विरूक्षः प्रसादनः शोणितपित्तयोश् च

sthairyāgnidhātusvaravarṇakṛc ca sapicchalasthūlavilekhanaś ca / medomaruttṛṭ [ḍ] haraṇo virūkṣaḥ prasādanaḥ śoṇitapittayoś ca

Sanskrit only: no published translation is held for this verse.

यवः कषायो मधुरः सशीतो मेहे हितः पित्तकफामयघ्नः । प्रसृष्टवर्चो ऽन्ययवः सबल्यो बल्यश् च वृष्यश् च मले हितश् च

yavaḥ kaṣāyo madhuraḥ saśīto mehe hitaḥ pittakaphāmayaghnaḥ / prasṛṣṭavarco 'nyayavaḥ sabalyo balyaś ca vṛṣyaś ca male hitaś ca

Sanskrit only: no published translation is held for this verse.

शीतः कषायः सुरसश् च रूक्षो मेहक्रिमिश्लेष्मविषापहश् च । माधुर्ययुक्तो बलवांस् तथैव पित्तापहो वेणुयवः प्रदिष्टः

śītaḥ kaṣāyaḥ surasaś ca rūkṣo mehakrimiśleṣmaviṣāpahaś ca / mādhuryayukto balavāṃs tathaiva pittāpaho veṇuyavaḥ pradiṣṭaḥ

Sanskrit only: no published translation is held for this verse.