Āyurvedamahodadhau annapānavidhi 40

अथ पिप्पलफलं ॥ अश्ववत्थवृक्षस्य फलानि पथ्यान्य् अतीव हृद्यानि सुशीतलानि । निघ्नन्ति पित्तं सह शोणितेन दाहं तृषां छर्दिम् अरोचकं च

atha pippalaphalaṃ // aśvavatthavṛkṣasya phalāni pathyāny atīva hṛdyāni suśītalāni / nighnanti pittaṃ saha śoṇitena dāhaṃ tṛṣāṃ chardim arocakaṃ ca

Sanskrit only: no published translation is held for this verse.

उदुंबरफलम् ॥ औदुम्बरं फलम् अतीव सुशीतलं च सद्यो निवारयति शोणितपित्तम् उग्रम्

uduṃbaraphalam // audumbaraṃ phalam atīva suśītalaṃ ca sadyo nivārayati śoṇitapittam ugram

Sanskrit only: no published translation is held for this verse.

अथ उम्बीफलम् ॥ मूत्रावरोधं कुरुते ऽतितीव्रं विशेषतो रक्तसमीरणं च ॥ अथ राजकोशातकीफलम् ॥ सुराजकोशातकि पित्तघाति महागदे शोषमदात्यये च । श्रमक्लमे मेहभगन्दरे च व्रणेषु पित्तेष्व् अपि नित्यपथ्यम्

atha umbīphalam // mūtrāvarodhaṃ kurute 'titīvraṃ viśeṣato raktasamīraṇaṃ ca // atha rājakośātakīphalam // surājakośātaki pittaghāti mahāgade śoṣamadātyaye ca / śramaklame mehabhagandare ca vraṇeṣu pitteṣv api nityapathyam

Sanskrit only: no published translation is held for this verse.

अथ सिराकोशातकीफलम् ॥ सिराकोशातकी पित्तहरी क्षुत्तृड्विनाशनी । मेहे हिता सदोष्णापि पित्तच्छर्दिविनाशनी

atha sirākośātakīphalam // sirākośātakī pittaharī kṣuttṛḍvināśanī / mehe hitā sadoṣṇāpi pittacchardivināśanī

Sanskrit only: no published translation is held for this verse.