मया सुषेण कृतं हिताय प्राणं प्रसादं तनयेच् च (?) शीघ्रम् ॥ इत्य् आयुर्वेदमहोदधौ सुषेणकृते भोजनविधिवर्गः ॥ अथ ताम्बूलगुणाः कथ्यन्ते ॥ कर्पूरकङ्कोललवङ्गपूगाजातीफलैर् नागरखण्डपर्णैः । सुधाश्मचूर्णं खदिरस्य सारं कस्तूरिकाचन्दनचूर्णमिश्रम्
mayā suṣeṇa kṛtaṃ hitāya prāṇaṃ prasādaṃ tanayec ca (?) śīghram // ity āyurvedamahodadhau suṣeṇakṛte bhojanavidhivargaḥ // atha tāmbūlaguṇāḥ kathyante // karpūrakaṅkolalavaṅgapūgājātīphalair nāgarakhaṇḍaparṇaiḥ / sudhāśmacūrṇaṃ khadirasya sāraṃ kastūrikācandanacūrṇamiśram
Sanskrit only: no published translation is held for this verse.
ताम्बूलम् एतत् प्रवरं वदन्ति सौभाग्यदं कान्तिसुखप्रदं च । आरोग्यमेधास्मृतिबुद्धिवृद्धिं करोति वह्नेर् अपि दीपनं च
tāmbūlam etat pravaraṃ vadanti saubhāgyadaṃ kāntisukhapradaṃ ca / ārogyamedhāsmṛtibuddhivṛddhiṃ karoti vahner api dīpanaṃ ca
Sanskrit only: no published translation is held for this verse.
अतो हि सर्वं(र्वे) सुखिनो मनुष्या अहर्निशं प्रीतिकरं भजन्ते
ato hi sarvaṃ(rve) sukhino manuṣyā aharniśaṃ prītikaraṃ bhajante
Sanskrit only: no published translation is held for this verse.
ताम्बूलपत्राणि हरन्ति वातं पूगीफलं हन्ति कफप्रसेकम् । चूर्णं निहन्यात् कफवातम् उच्चैर् हन्याच् च पित्तं खदिरस्य सारः
tāmbūlapatrāṇi haranti vātaṃ pūgīphalaṃ hanti kaphaprasekam / cūrṇaṃ nihanyāt kaphavātam uccair hanyāc ca pittaṃ khadirasya sāraḥ
Sanskrit only: no published translation is held for this verse.
इत्थं हि ताम्बूलम् उदाहरन्ति दोषत्रयस्यापि निवारणाय । अतो ऽत्र सेवेत नरः कथञ्चिद् विचक्षणः प्राकृतमानुषो ऽपि
itthaṃ hi tāmbūlam udāharanti doṣatrayasyāpi nivāraṇāya / ato 'tra seveta naraḥ kathañcid vicakṣaṇaḥ prākṛtamānuṣo 'pi
Sanskrit only: no published translation is held for this verse.